Thread by @Raamraaj3

திருமலை  திருப்பதி  தரிசன  நடை முறைகள்

திருமலை சென்று திருப்பதி ஏழுமலையானை  மட்டும்  தரிசித்துவிட்டு வருவது தவறு.    திருமலை  திருப்பதி ஏழுமலையானை தரிசிக்க தனி  மரபு இருக்கிறது...  இந்த மரபு ராமானுஜர் காலத்தில்,  அவரால்  தொடங்கி,  கடைபிடித்து  வரப்படுகிறது.

🙏🇮🇳1

திருப்பதிக்குச்சென்றால்  திருமலை வெங்கடாசலபதியை தரிசிப்பதற்குமுன்  முதலில்  வணங்கவேண்டிய கோவில்கள் வரிசையில்

1வது கோவில் அலமேலுமங்காபுரம்.

கீழ்திருப்பதியில்  பேருந்து நிலையத்திலிருந்து  5வது கிலோமீட்டரில்    அமைந்துள்ளது. 

🙏🇮🇳2

இங்கு பத்மாவதி தாயார் சன்னதி உள்ளது. அலர்மேல்மங்காபுரம் சென்று பத்மாவதி தாயாரை தரிசித்து உளமாற வணங்க வேண்டும்.  தாயாரின்  பரிந்துரை   அடிப்படையில்தான்  பெருமாளின்  கருணை  கிடைக்கும்.

காலை ஐந்து மணி முதல் இரவு ஒன்பது மணிவரை கோயில் திறந்து இருக்கும்.

🙏🇮🇳3

இங்கு சிறப்பு தரிசனத்துக்கு இருபது ரூபாயும்,   நூறு  ரூபாயும்  வாங்குகிறார்கள்.

தேவஸ்தான மண்டபத்தில்  தினசரி அன்னதானம் நடைபெறுகிறது.

கார்த்திகைமாத   சுக்லபட்ச பஞ்சமியில்  பிரமோத்சவம்  நடைபெறும்.

🙏🇮🇳4

அதற்குப்பின்பு   வணங்கவேண்டிய கோவில்கள் வரிசையில்

2வது கோவில்   கீழ் திருப்பதியில் கோவிந்தராஜப் பெருமாள்.  கோவிந்தராஜ சுவாமி கோயில், (Sri Govindarajaswamy Temple), கீழ்திருப்பதியில் பேருந்து நிலையத்திலிருந்து நான்காவது கிலோமீட்டரில் நகரத்தின் நடுவில் அமைந்துள்ளது. 🙏🇮🇳5

முகமதியர்கள் படையெடுப்பு அச்சுறுத்தல் ஏற்பட்டபோது, சிதம்பரம்  நடராஜர் கோவிலில் இருந்த கோவிந்தராஜ சுவாமி இங்கு பாதுகாப்பாக வைக்கப்பட்டு இருந்தார்.

🙏🇮🇳6

முகமதியர்கள் அச்சுறுத்தல் முடித்தபிறகு கோவிந்தராஜ சுவாமி திரும்பவும்  சிதம்பரத்துக்கு எடுத்து சென்றபின்பு இராமானுசரால் 1130இல் இக்கோயில் நிறுவப்பட்டது. இக்கோயில் திருமலை திருப்பதி தேவஸ்தானத்தின் நிர்வாகத்தில் இயங்குகிறது.

🙏🇮🇳7

காலை ஐந்து மணி முதல் இரவு ஒன்பது மணிவரை கோயில் திறந்து இருக்கும்.

இக்கோயிலின் மூலவர் கோவிந்தராஜர் திருமலையில் குடிகொண்டுள்ள வெங்கடேஸ்வரருக்கு மூத்தவர் எனக் கருதப்படுகிறது.  🙏🇮🇳8

ஆதிசேஷன் மீது யோக நித்திரையில் கிழக்கு நோக்கி காட்சியளிக்கும் கோவிந்தராஜரின் காலடியில் ஸ்ரீதேவி மற்றும் பூமாதேவி உடனுறைந்துள்ளனர்.

கோவிந்தராஜர் கோயில் வளாகத்தினுள் பார்த்தசாரதி கோயில், கல்யாண வெங்கடேஸ்வர் கோயில்கள் துணைக் கோயில்களாக உள்ளது. 🙏🇮🇳9

மேலும் இக்கோயில் வளாகத்தில் புண்டரீக வல்லி, ஆண்டாள், ஆழ்வார்கள், இலக்குமி நாராயண சுவாமி, அனுமார், திருமலை நம்பி மற்றும் இராமானுசர் ஆகியவர்களின் தனி சன்னதிகள் அமைந்துள்ளது.

🙏🇮🇳10

திருமலையில் வரும் காணிக்கைகள் அனைத்தும் கோவிந்தராஜ ஸ்வாமி வசம் ஒப்படைக்கப்பட்டு இங்கேயே பாதுகாக்கப்பட்டு வந்தது. தற்போது அந்த வழக்கம் மாற்றப்பட்டு கணக்குகள் மட்டும் கோவிந்தராஜ ஸ்வாமி வசம் ஒப்படைக்கப்படுகிறது.

🙏🇮🇳11

பிறகு  வணங்கவேண்டிய கோவில்கள் வரிசையில்

3வது கோவில்   கீழ் திருப்பதியில்  இருந்து பஸ் அல்லது கார் மூலமாக  ஸ்ரீனிவாச மங்காபுரம் சென்று ஸ்ரீனிவாச பெருமாளை  தரிசித்து உளமாற வணங்க வேண்டும். 🙏🇮🇳12

இங்குள்ள  ஸ்ரீனிவாச பெருமாளுக்கும், திருமலையில் உள்ள ஸ்ரீனிவாச பெருமாளுக்கும்,  உருவத்தில்,உயரத்தில்,அலங்காரத்திலும்  எந்த வித்தியாசமும் இருக்காது. அருகில் சென்று நன்கு வணங்கலாம்.  கீழ் திருப்பதியில் பேருந்து நிலையத்திலிருந்து 12வது கிலோமீட்டரில் அமைந்துள்ளது.

🙏🇮🇳13

காலை5-30மணி முதல் இரவு 7-30 மணிவரை கோயில் திறந்து இருக்கும்.

இங்கு சிறப்பு தரிசனத்துக்கு 5 ரூபாயும், அர்ச்சனைக்கு  5 ரூபாயும்  வாங்குகிறார்கள்.

🙏🇮🇳14

பத்மாவதி தாயாருடன் திருமணம் முடிந்தவுடன்  திருமலைக்கு செல்லாமல்  அகஸ்தியர் ஆசிரமத்தில் பத்மாவதி தாயாருடன்   ஸ்ரீனிவாச பெருமாள்  6 மாதம்  தங்கியிருந்தார்.

🙏🇮🇳15

அங்கிருந்து திருமலைக்கு செல்லும்முன்

" இந்த இடத்தில் கல்யாண ஸ்ரீனிவாச பெருமாளாக  கோவில் கொள்வதாகவும்,  இந்த இடம் ஸ்ரீனிவாசமங்காபுரம் என அழைக்கப்படும்.,   திருமலையில் ஸ்வாமியை தரிசிப்பதால் கிடைக்கும் பலன்  ஸ்ரீனிவாசமங்காபுரத்தில்  தரிசனம் செய்வதில் கிடைக்கும்.  அத்துடன்

🙏🇮🇳16

திருமணம்  ஆகாதவர்கள் இங்கு கல்யாண உற்சவம் செய்து காப்பு கட்டிக்கொண்டால் மனதிற்கு பிடித்த நல்ல துணையுடன்   திருமணம்  ஆகும்.  புதுமண தம்பதியர்  இங்கு கல்யாண உற்சவம் செய்து காப்பு கட்டிக்கொண்டால்  மனதிற்கு பிடித்த அற்புத வாழ்க்கை கிடைக்கும்"    என்றும் அருளினார்.

🙏🇮🇳17

பிறகு  வணங்கவேண்டிய கோவில்கள் வரிசையில்

4வது கோவில் கபிலேஸ்வர்   சுயம்பு லிங்க  சிவாலயம்.

கீழ்திருப்பதியில் பேருந்து நிலையத்திலிருந்து 3.3 வது கிலோ மீட்டரில் அமைந்துள்ளது. விலாசம்: K T Rd, Srinivasa Nagar, N G O Colony, Tirupati, Andhra Pradesh 517507.   

🙏🇮🇳18

திருமலை மலைப்பாதையை நோக்கி செல்லும்போது, மலையை நெருங்கும்போது பாதையிலிருந்து பார்த்தாலே கபிலதீர்த்த அருவி தெரியும் .

🙏🇮🇳19

திருமலையில் உள்ள சேஷாத்திரி, நீலாத்திரி, கருடத்திரி, அஞ்சனாத்திரி, வ்ருஷபாத்திரி, நாராயணதிரி, வெங்கடாத்திரி ஆகிய ஏழு மலைக்குன்றுகளின் அடிவாரத்தில் கபில மகரிஷியால் கொண்டுவரப்பட்ட சேஷாசலம் என்ற கபிலதீர்த்த அருவியும், 🙏🇮🇳20

சரோவர் ஏரி என்ற கபிலதீர்த்த தடாகமும், கபிலேஸ்வரர் எனும் சுயம்பு லிங்க சிவாலயமும் அமைந்துள்ளது.

ஆதிகாலத்தில் கபிலேஸ்வரசிவாலயம் அருகிலிருந்து திருமலைக்கு நடைவழி பாதை இருந்தது. பாதை மிகவும் செங்குத்தாக இருந்ததால் தற்போதுள்ள அலிபிரிக்கு அருகில் பாதை அமைக்கப்பட்டது.

🙏🇮🇳21

திருமலையில் உள்ள புண்ணியதீர்த்தங்களில் திருமலையின் அடிவாரத்திலுள்ள புண்ணியதீர்த்தம் இதுமட்டுமே. கபிலதீர்த்தத்தில் நீராடினால் சகல பாவங்களும் நீங்கும்.

🙏🇮🇳22

கார்த்திகை மாத பௌர்ணமி தினத்தில் மூன்றுலோகத்தில் உள்ள அணைத்து புண்ணிய தீர்த்தங்களும் கபிலதீர்த்தத்தில் 240 நிமிடங்கள் சேர்வதாகவும், அப்போது கபிலதீர்த்தத்தில் நீராடினால் சகலப்பாவங்களும் விலகி மோட்சம் கிட்டும் என கூறப்படுகிறது.

🙏🇮🇳23

குலோத்துங்க சோழன், பல்லவமன்னர்கள், விஜயநகரப்பேரரசு உட்பட பலமன்னர்களாலும் பராமரிக்கப்பட்ட இக்கோவிலில் விஜயநகரப்பேரரசு மன்னர் கிருஷ்ணதேவராயர் சிலை உள்ளது.

🙏🇮🇳24

காலை ஐந்து மணி முதல் இரவு ஒன்பது மணிவரை கோயில் திறந்து இருக்கும்.

கார்த்திகை தீபம், ஸ்கந்தஷஷ்டி, தெப்ப உற்சவம், ஆருத்ரா தரிசனம், மஹாசிவராத்திரி, அன்னாபிஷேகம்  ஆகியவை விசேஷ பண்டிகைகளாக கொண்டாடப்படுகிறது.

🙏🇮🇳25

அதற்குப் பிறகு திருமலையேறி,

5 வதாக  மலை மேல் உள்ள  ஆகாசகங்கை   தீர்த்தத்தில் நீராட வேண்டும்.   🙏🇮🇳26

முன்பு  திருப்பதி மலையிலுள்ள ஆகாயகங்கை தீர்த்தத்திலிருந்து மூன்று குடங்களில் புனிதநீரை  அதிகாலையில் அர்ச்சகர்கள்  எடுத்து வந்து,  ஒரு குடம் நீரை காலை பூஜைக்கும், மற்றொன்றை மாலை பூஜைக்கும், இன்னொன்றை இரவு பூஜைக்கும் எடுத்து வைப்பார்கள்.

🙏🇮🇳27

(பிரம்மோற்ஸவ காலத்தில் மட்டும் யானைமீது தீர்த்தம் எடுத்து வரப்படும்).

தற்போது புனிதம் கருதி   ஆகாச கங்கை தீர்த்தத்தை மனிதர்கள் உபயோகப்படுத்தும் இடத்திற்கு மேல் இருந்து   பைப் லைன் மூலம்  ஆனந்த நிலையத்திற்கு  கொண்டுவரப்படுகிறது. 🙏🇮🇳28

திருமலை ஆனந்த நிலையத்தில் அபிஷேகத்திற்கும், இதர சடங்குகளுக்கும்   ஆகாச கங்கை தீர்த்தமே  உபயோகப்படுத்தப்படுகிறது.

திருமலை வெங்கடாசலபதி தாமரை மலர் பாதங்களுக்கு கீழே இந்த தீர்த்தம் உருவாவதாக கூறப்படுகிறது. எல்லாக்காலங்களிலும் இந்த தீர்த்த  அருவி நீர் வருகிறது.  🙏🇮🇳29

பக்தர்கள்  தொட்டு வணங்க அருவியிலிருந்து  சிறிய பிரிவு ஒன்று பிரித்து விடப்பட்டுள்ளது.

மேல் திருப்பதி பேருந்து நிலையத்திலிருந்து 4 வது கிலோ மீட்டரில்  ஆகாச கங்கை  அருவி அமைந்துள்ளது. கீழே மலைச்சரிவில் இறங்கி  மனிதர்கள் தீர்த்தமாடுகிறார்கள்.

🙏🇮🇳30

அதற்குப் பிறகு

6 வதாக  பாபநாசம் ஆகிய தீர்த்தத்தில் நீராட வேண்டும்.

இது  ஆகாயகங்கை தீர்த்தத்திற்கு  அருகில் உள்ளது. தற்போது  பாபவிநாசம்  தீர்த்தத்தின் குறுக்கே  பாபவிநாச அணை கட்டப்பட்டு அந்த நீர் திருமலையில் வாழும் மக்களுக்கு விநியோகிக்க படுகிறது.

🙏🇮🇳31

பாபவிநாசம்  தீர்த்தத்தில்  ஒரு பிரிவு ஏற்படுத்தப்பட்டு  சுவர் எழுப்பி  வடிகால்கள் மூலம் நீர் விழச்செய்து அதில்   பக்தர்கள் தீர்த்தமாட ஏற்பாடுசெய்துள்ளார்கள். ஆண்களுக்கும், பெண்களுக்கும்  உடை மற்ற  தனித்தனி இட வசதி செய்துள்ளார்கள். 🙏🇮🇳32

தீர்த்தத்திற்கு  அருகில் கங்கை அம்மன் கோவில்  உள்ளது.  இங்கு தீர்த்தமாடினால் முன்ஜென்ம வினைகள் உட்பட அனைத்து பாவங்களும் தீரும். திருமணம் கூடிவரும். குழந்தை வேண்டுவோர்  தீர்த்தமாடி தொட்டில் கட்டி வழிபடுகின்றனர். இதற்கு  சிறிது தூரத்தில்   வேணுகோபாலஸ்வாமி கோவில்  உள்ளது.

🙏🇮🇳33

அதற்குப் பிறகு

7 வது இடம் ஸ்வாமி புஷ்கரணி  தீர்த்தம்,  வராகமூர்த்தி பெருமாள்  கோவில்.

ஸ்வாமி புஷ்கரணியின் தீர்த்தத்தை பம்ப் செய்து,   ஸ்வாமி புஷ்கரணி  தீர்த்தத்தின்  தென்மேற்கு கரையில்  குழாய் மூலம்  தீர்த்தமாட   ஏற்பாடு செய்துள்ளார்கள். 🙏🇮🇳34

இங்கு  தீர்த்தமாடிய பின்பு  வராகமூர்த்தி பெருமாளுக்கு  நைவேத்தியம் செய்து வணங்கிய பின்பு   திருமலை  வெங்கடாசலபதியை தரிசிக்கவேண்டும்.  வராகமூர்த்தி பெருமாள்  கோவில்  ஸ்வாமி புஷ்கரணி  தீர்த்தத்தின்   வடமேற்கு கரையில்  உள்ளது.

🙏🇮🇳35

ஆதியில் திருமலையில் வராகமூர்த்தி பெருமாள்  மட்டுமே கோவில் கொண்டிருந்தார். வெங்கடாசலபதி  திருமலையில்  தங்க, வராகமூர்த்தி பெருமாளிடம்  அனுமதி கேட்டு, அவர் சம்மதத்துடன்  கோவில் கொண்டார்.

🙏🇮🇳36

ஆகவே அவருக்கு நைவேத்தியம் செய்து வணங்கிய பின்புதான்   திருமலை  வெங்கடாசலபதியை தரிசிக்கவேண்டும்.

🙏🇮🇳37

வராகமூர்த்தி பெருமாள்  கோவில்  காலை ஐந்து மணி முதல் இரவு ஒன்பது மணிவரை கோயில் திறந்து இருக்கும். வெள்ளிக்கிழமை மட்டும்  காலை ஆறு  மணி  முப்பது நிமிடம்  முதல் இரவு ஒன்பது மணிவரை கோயில் திறந்து இருக்கும்.

🙏🇮🇳38

அதற்குப் பிறகு

8 வதாக தரிசனம் செய்யவேண்டிய   இடம் ஆனந்த நிலையத்தில்  வெங்கடாசலபதி  பெருமாள்.  கோவிலுக்குள்   நுழையும்
முன்பு  (படி காவிலி  என  அழைக்கப்படும் ) ராஜகோபுரத்தை, 

🙏🇮🇳39

ஆண்கள்   தலைக்குமேல்   கை தூக்கி  குவித்தும்,   பெண்கள்   மார்புக்கு  அருகில்   கை  குவித்தும்  வணங்க  வேண்டும்.  பெண்கள்  தலைக்குமேல்   கை தூக்கக்கூடாது.   🙏🇮🇳40

பின்பு   வரிசையில்  வரும்போது   ராஜகோபுர வாசற்படியை   மிதிக்காமல்   தாண்டி  செல்லவேண்டும்;    கொடிமரத்தை   வணங்கி,  அதற்க்கு  அடுத்துள்ள
நடிமி படி காவிலி :  இப்படி ஒரு வித்தியாசமான பெயருடன் கூடியதே இக்கோயிலின் உள்கோபுரம் ஆகும். கொடிமர மண்டபத்தை அடுத்து இந்த கோபுரவாசல் உள்ளது.🇮🇳41

கோபுர கதவுகள் வெள்ளி தகடுகளால் மூடப்பட்டுள்ளது. வெளி கோபுர கதவுகளைவிட இந்த கோபுர கதவுகள் சிறியது. இந்த கதவுகளின் அருகில் நின்று எந்த பிரார்த்தனை செய்தாலும் அது உடனடியாக நிறைவேறும் என்பது நம்பிக்கை. *வெண்டிவாகிலி * என்று இந்த கதவுகளுக்கு பெயர். 🙏🇮🇳42

இந்த கதவுகளை ஒட்டியுள்ள சுவரில் ஜடா வர்மன் சுந்தரபாண்டியன் 1251ல் இக்கோயிலுக்கு அளித்த உபய விபரங்கள் தெரிவிக் கப்பட்டுள்ளது. 

🙏🇮🇳43

வெள்ளி  கவசம்  மூடிய  (நமிடி படி காவிலி  என  அழைக்கப்படும் )  சிறிய  வாசலுக்கு   முன்பு  சற்று  நின்று  உங்கள்  கோரிக்கையை   மனதுக்குள்  சொல்லி  பெருமாளை   வேண்டிக்கொண்டு,  வாசற்படியை   மிதிக்காமல்   தாண்டி  செல்லவேண்டும்.   🙏🇮🇳44

பின்பு   மூலஸ்தானம்  சென்று,  துவாரபாலகர்களை  வணங்கி  மூலவரையும்  வணங்க  வேண்டும்.   பின்பு  வெளியில்  வந்தவுடன்   மூலஸ்தான  தங்க  கோபுரத்தில்  வெள்ளி  பிரபை  வைத்து  TTD தேவஸ்தானத்தால்   அடையாளம்  காட்டப்பட்டுள்ள  🙏🇮🇳45

மூலஸ்தான  தங்க  கோபுர  வெங்கடாசலபதியிடம்  உங்கள்  கோரிக்கைகளையும்,   வேண்டுதல்களையும்    பொறுமையாக  மனதுக்குள்  கூறி  வணங்கி  வேண்டுங்கள்.  🙏🇮🇳46

இங்கு  பலர்  சற்று   உயரமான   படிகள்  மீது   நின்று  வணங்கிக்கொண்டு   இருப்பார்கள்.  இங்கு  உங்களை  யாரும்  அவசரப்படுத்த   மாட்டார்கள். 🙏🇮🇳47

பின்பு   காணிக்கை  செலுத்துவதாக  இருந்தால்,   உண்டியலில்  செலுத்துவது,  கோவிலில்   இலவச  பிரசாதம்   வாங்குவது   ஆகியவற்றை  முடித்துக்கொண்டு ,  சாமிக்கு   முதுகு  காட்டாமல்   ராஜகோபுரத்துக்கு  வெளியில்  வாருங்கள்.  🙏🇮🇳48

மூலவர்  தரிசனம்   பார்த்த  பின்பு   ராஜகோபுரத்துக்கு   வெளியே  வரும்வரை   எங்கும்   அமரக்கூடாது.

ஓம் நமோ நாராயணா 🙏🇮🇳

#வாழ்க_பாரதம் 🇮🇳🙏
#வளர்க_பாரதம் 🇮🇳🙏🇮🇳