Thread by @rajeshkmoorthy

எல்லாரும் ஆயுத பூஜை கொண்டாடியிருப்பீங்க. வர்த்தகம் செய்வோர் புதிய கணக்கை தொடங்கியிருப்பீர்கள் என்று நினைக்கிறேன்.

அதேபோல், நம்மை போன்ற சம்பளதாரர்கள் என்ன செய்வது? நாமும் புதிய கணக்கை தொடங்களாமே? ஆமாம். சேமிப்பு கணக்கை தான் சொல்கிறேன்.

இது மற்றுமொரு வங்கிக் கணக்கல்ல. நமது வாழ்க்கை மேன்மை பெறுவதற்கான கணக்கு. இதே போன்று நம்மிடையே ட்விட்டரில் இருக்கும் எனது client ஒருவரின் சக்ஸஸ் ஸ்டோரி உங்களுக்கு ஒரு உத்வேகத்தை தருமென்று நினைக்கிறேன்.

அவருடைய பெயரை இங்கே குறிப்பிட விரும்பவில்லை (Client Confidentiality). எனது followers ல் அவரும் ஒருவர். அவரும் நம்மை போலவே மாத சம்பளதாரர் தான். எனது யோசனையின் பேரில், டீமேட் கணக்கொன்று துவக்கினார். முதலில் அவர் செய்த முதலீடு வெறும் ₹6,000 தான்.

கடந்த ஆறு மாதங்களில் அவர் சேர்த்த செல்வம் மட்டும் ₹96,000 (இதற்கிடையில், குடும்ப மருத்துவ செலவிற்காக ₹15,000 எடுத்தார் என்று நினைவு). எப்படி சாத்தியமாயிற்று?
1. அவரால் முடியுமென்று நம்பியது.
2. அநாவசிய செலவுகளை குறைத்தது / அறவே ஒழித்தது.
3. நல்ல இடங்களில் முதலீடு செய்தது.

4. எப்பொழுதெல்லாம் பணம் அவர் கையில் இருக்கிறதோ, அதில் ஒரு பகுதியை சேமிப்பிற்க்கென ஒதுக்கியது.
5. மேற்சொன்ன நான்கையும் தவறாது செய்தது (Disciplined).

இவை அனைத்தும் நம்மில் அனைவரும் செய்வதற்கு பெரிய மெனக்கெடல் ஒன்றும் தேவையில்லை. நம் எல்லோராலும் இது முடியும்.

சென்ற வாரம் அவரிடம் பேசிக்கொண்டிருந்த போது, அவர் சொன்னது - "கண்ண மூடி தொறக்குறதுக்குள்ள 1 லட்சம் சேர்ந்துடிச்சி சார்". Those were the words any Portfolio Manager would do anything to hear from his clients, believe me.

மேற்சொன்னவைகளை செய்ததால் மட்டுமே சாத்தியம் ஆனது.

இவை மட்டுமில்லாமல், அவர் தனது கைபேசியிலிருந்து அனைத்து விதமான ஷாப்பிங் ஆப்ஸ் delete செய்ததும் ஒரு முக்கிய காரணம். செலவு செய்வதற்கான அனைத்து வழிகளும் நமது கைக்கெட்டும் வகையில் இருக்கின்றன. ஆனால் பணம் சேர்க்கும் வழியோ, சில மெனக்கெடுதலின் பிறகு தான் நம்மால் முடிகிறது.

உடனே, "எங்களையெல்லாம் வாழ்க்கையை அனுபவிக்காம பணம் சேர்த்து மட்டுமே வச்சிட்டு, எதையுமே அனுபவிக்காம சாக சொல்றியா"ன்னு சண்டைக்கு வராதீங்க. வாழ்க்கையை அனுபவியுங்கள். அது உங்களுடையது. யாருக்கும் அதை தடுக்க உரிமையில்லை.

நான் கேட்பதெல்லாம் ஒரு சில விஷயங்களை தான். அதுவும் எனக்காக அல்ல.

1. சேமிப்பு போக மிச்சமுள்ள பணத்தை செலவு செய்யுங்கள் (not the other way around).
2. செலவு செய்யும் முன், அது உங்களுக்கு need ஆ அல்லது want ஆ என்பதை முடிவு செய்யுங்கள். Need கு மட்டுமே செலவு செய்யுங்கள்.
3. லோன் / கிரெடிட் கார்டு பயன்படுத்துவதற்கு முன்னர், அதே பொருளை உங்களால் முழு

பணத்தை கொடுத்து வாங்க முடியுமா என்று யோசியுங்கள். பணத்தை சேர்த்து பின்னர் வாங்கலாமா சாத்தியத்தை சிந்தியுங்கள்.
4. சேமித்த பணத்தை நல்ல வாய்ப்புகளில் (பங்குகள் / பரஸ்பர நிதி / பாண்ட் / NCD's) முதலீடு செய்யுங்கள்.

முதலீடுகளை disciplined ஆக செய்யுங்கள். அதுதான் நமக்கும் நன்மை.

தற்போது நீங்கள் சம்பாதிக்கும் பணம் உங்களை சேராமல் வங்கிகளையும், கிரெடிட் கார்டு நிறுவனங்களையும் சேருகிறது. சொல்லப்போனால், நீங்கள் அவர்களுக்காகத்தான் வேலை செய்து சம்பளம் வாங்குகிறீர்கள் என்று அர்த்தம். உங்களுக்காக அல்ல.

உங்களுக்காக எப்பொழுது பணம் ஈட்டப் போகிறீர்கள்?

பணம் ஈட்டும் வழிகளை ஏற்கனவே சொல்லிவிட்டேன். எப்பொழுது தொடங்கப் போகிறீர்கள்? Today is better than tomorrow. Always.

நன்றே (சேமிப்பு) செய்யுங்கள்.
இன்றே செய்யுங்கள்.
இன்றும் இன்னே செய்யுங்கள்.

சிந்தியுங்கள். செயல்படுங்கள். செயல்படுத்துங்கள்.

#வாழ்கபணமுடன் 🙏🙏🙏