#ஶ்ரீகிருஷ்ணன்கதைகள் துரோணர் அரச குடும்பத்து ஆசிரியர், எல்லா விதத்திலும் அரசனுக்கு கட்டுபட்டவர், அவனை மீறி அவர் ஏதும் செய்துவிட முடியாது. சுருக்கமாக சொன்னால் அரச குடும்பத்து அடிமைகளில் ஒருவர் எனலாம். அந்நாளில் எல்லோரும் எல்லாம் பயின்றால் அரசுக்கு எதிரான சக்திகள் தலையெடுக்கும் 
என்பதால் ராஜவம்சத்துக்கு மட்டுமே, ஷத்ரிய வம்சத்துக்கு மட்டுமே சில பயிற்சிகள் கற்றுக்கொடுக்கபடும்.
அவ்வகையில் பாண்டவரும், கௌரவரும் பயில்கிறார்கள். அவர்கள் அரங்கேற்றம் முடிந்தபின்புதான் ஏகலைவன் என்றொருவன் இருப்பதும் அவன் வில்வித்தையில் அர்ஜூனனையும் மிஞ்சி நிற்பதும் அறியபடுகிறது.
அவ்வகையில் பாண்டவரும், கௌரவரும் பயில்கிறார்கள். அவர்கள் அரங்கேற்றம் முடிந்தபின்புதான் ஏகலைவன் என்றொருவன் இருப்பதும் அவன் வில்வித்தையில் அர்ஜூனனையும் மிஞ்சி நிற்பதும் அறியபடுகிறது.
அரசு வாரிசுகளையும் மீறி ஒருவன் வித்தையில் மிஞ்சி நிற்பது அரச குடும்பத்துக்கும் நாட்டுக்கும் நல்லதல்ல, அவன் எதிரிகளின் கையில் கிடைத்தால் முடிந்தது கதை. ஏகலைவன் மன்னன் ஜராசந்தன் பகுதியில் வாழ்ந்த வேடுவ தலைவனின் மகன். அர்ஜூனனை மீறி ஜொலித்து நின்றான் ஏகலைவன். ஏகலைவன் குரு என யார் என
கேட்க அவன் துரோணர் சிலையினை காட்டுகின்றான். ஆம் துரோணரை மனத்தால் வணங்கி குருவாக ஏற்று வித்தை கற்றவன் ஏகலைவன். ஆனால் இது துரோணருக்கே தெரியாது. துரோணர் அதிர்கிறார். அவர் அரச குடும்பத்துக்கு மட்டுமே ஆசிரியர். அப்படியானால் இவனை இவ்வளவு திறமையாக அவர் உருவாக்க காரணம் என்ன எனும் சந்தேக
கேள்விகள் எழும். சிக்கலில் தவிக்கிறார் துரோணர், ராஜதுரோக குற்றசாட்டு அவர்மேல் சுமத்தபடும். அரசனின் கோபம் ஏகலைவனை முதலில் கொல்லும், துரோணரை அடுத்து கொல்லும், ராஜதுரோகம் எனும் குற்றத்துக்கான தண்டனை அது. யோசித்தார் துரோணர், அந்த சீடன் அழிவதில் அவருக்கு விருப்பமில்லை அவனை பலமிழக்க
வைத்தால் போதுமென குருதட்சனையாக கட்டை விரலை கேட்கிறார். இதை அந்த வில்லாளி பிராமணனாகவோ ஷத்திரியனாகவோ இருந்தாலும் கேட்டிருப்பார். இதை அவர் தெளிவு படுத்துகிறார். குரு கேட்டால் தலைகொடுக்கவும் துணியும் ஏகலைவன் கட்டை விரலை மகிழ்வாய் கொடுத்து பலமிழக்கின்றான். இனி அவனால் வில்வித்தையை
துல்லியமாக செய்யமுடியாது. குருவுக்கு சிஷ்யன் கொடுக்கும் காணிக்கை அவரை காக்கும் என்பது சாஸ்திர நம்பிக்கை. கண்ணீரோடு அவனின் கட்டை விரலை தாயத்தில் வைத்து கழுத்தில் கட்டிகொள்கின்றார் துரோணர். ஏகலவைனுக்கோ குருநாதருக்காக வித்தையினையே கொடுத்துவிட்ட தியாக மகிழ்ச்சி, தன் கட்டைவிரல் அவர்
கழுத்தில் இருப்பதில் தானே அவரின் மார்பில் சாய்ந்ததாக மகிழ்ந்தான். துரோணர் அவன் உயிரை காத்தார் அவன் துரோணர் உயிரை காத்தான். மகாபாரதப் போர் வந்தது. துரோணர் கழுத்தில் இருப்பது உன்னதமான சிஷ்யனின் காணிக்கை, அதன் சக்தி வலியது, அது இருக்கும்வரை துரோணர் வீழமாட்டார். அதனால் ஏழை அந்தணராக
மாறிய கண்ணன் யாசகனாய் வந்தான், தன் மகளுக்கு திருமணமென்றும் ஒரு தாலிக்கும் வழியில்லை எனவும் அழுது அந்த தாயத்தையே உற்று பார்த்தான். குறிப்பறிந்த துரோணர் இதைவிட பெரும் தாலி இல்லை, இது ஆசிமிக்கது என அதை வழங்கினார். துரோணரின் கழுத்தில் இருந்து அந்த பெரும் கவசத்தை அகற்றினான் கண்ணன்.
அதன் பின் எல்லாம் முடிந்தது, சாகும் வேளையில் துரோணர் முன் தன் புல்லாங்குழலை காட்டினான் கண்ணன், ஆம் அதில் அந்த விரலை பதித்திருந்தான். அதை கண்டவுடன் துரோணருக்கு எல்லாம் விளங்கிற்று, மெல்ல பேசினான் கண்ணன் அவன் குரல் அந்த ஞான தத்துவத்தை போதித்தது. "துரோணாச்சாரியே.. சிஷ்யர்களில்
எல்லாம் உயர்ந்தவன் ஏகலைவன், ஆசிரியரில் எல்லாம் உயந்தவன் நீ. உங்களுக்குள்ளான உணர்வும் புரிந்துணர்வும் பாசமும் எந்த குருவுக்கும் சீடனுக்கும் அமையாது. அவனை அன்றே நீ கொன்றிருந்தால் நீ பாவியாகி இருப்பாய், விட்டிருந்தால் அவனை நீனே வளர்த்தாய் என பழி சுமந்திருப்பாய். அவன் பாண்டவர் பக்கம்
வந்தாலும் கௌரவர் பக்கம் வந்தாலும் பழி உனக்கே. உன் மாணவர்களின் அர்ஜூனன் பெரும் அடையாளம் ஆனால் நீ நேரடியாக பயிற்றுவித்தாய், ஆனால் உன்னை மனதால் வணங்கி வளர்ந்த ஏகலைவனே அவனை விட உயர்ந்தவன், ஒரு மாணவன் எப்படி இருக்க வேண்டும் என்பதன் அடையாளம். அங்கு உன் உயிரை அவன் காத்து மாணவனின்
கடமையினை செய்தான், நீ அவன் உயிரை காப்பாற்றி ஆசிரியனுக்குரிய கடமையினை காத்தாய். துரோணாச்சாரியே நீ கேட்டவுடன் கொடுத்த உன் சிஷ்யனின் விரல் அவனின் தியாகத்துக்கும், நல்ல குருசிஷ்ய நடத்தைக்கும் என்றும் எடுத்துகாட்டாய் இருக்கும், உன் பெயர் இருக்குமிடமெல்லாம் அவனும் இருப்பான். அந்த
புல்லாங்குழலின் இருந்த விரலை நோக்கியபடியே உயிர்நீத்தார் துரோணர். நல்ல மாணவன் தன் ஆசிரியர் அளவு வரலாற்றில் நிலைப்பான் என்பதுதான் ஏகலைவன் வாழ்வின் தத்துவம்.
மகாபாரதத்தின் ஒவ்வொருவரும் நம் சந்திதியினர் நமக்கு விட்டு சென்ற தர்ம சாஸ்திரம். நம் குருக்கள் விட்டு சென்ற அற வழியில்
மகாபாரதத்தின் ஒவ்வொருவரும் நம் சந்திதியினர் நமக்கு விட்டு சென்ற தர்ம சாஸ்திரம். நம் குருக்கள் விட்டு சென்ற அற வழியில்
வாழ்ந்து காட்டுவோம்.
சர்வம் ஸ்ரீ கிருஷ்ணார்ப்பணம்🙏🏻
சர்வம் ஸ்ரீ கிருஷ்ணார்ப்பணம்🙏🏻
@threadreaderapp please compile thanks
• • •
Missing some Tweet in this thread? You can try to
force a refresh
