Thread by @Prab40

பூமா தேவி வாயப்பொளக்கப் போறா - வாங்க 70 ஆண்டுகளுக்குப் பின்னாள் போகலாம் என்கிற டூபாக்கூர் அபாய மணி...

டெக்னிகலி பார்த்தா நானும் ஒரு சூழலியர்தான். டைனோசார்கள் வாழ்ந்த காலளவு கூட இந்தப் பூமியில் மனிதன் ஓர் உயிரினமாக வாழ வழியில்லை என்று எழுதி வந்திருக்கிறேன். - 1

டைனோசார்களுக்கு அதன் அகோரப்பசியும், போட்டியின்மையும் அதன் மாண்டழிவிற்கு காரணிகள் என்றால், நமக்கு நம்முடைய அதீத அறிவும், பேராசையும் விரைவில் நமக்கான அழிவை தேடித்தரும் என்று ஒரு முடிவிற்கு வந்தடைந்தேன்.

ஆனால், வயது ஏற ஏற என்னுடைய பார்வையில் சில மாற்றங்கள் வந்திருக்கிறது. - 2

நான் சூழலியல் உணர்வுசார்ந்த மனதோடு வாழ்ந்தாலும், நவீன கண்டுபிடிப்புகளின் அனைத்து விதமான வசதிகளையும் பயன்படுத்தி இன்னல்கள் குறைந்த ஒரு வாழ்க்கையை அனுபவித்து வாழ்ந்து வருகிறேன்.

போலவே...

நான் வசதியாக வாழறத்திற்கு இருக்கிற அனைத்து உரிமைகளும் இந்த பூமியில் பிறக்கும் ஒவ்வொரு - 3

பிள்ளைக்கும் இருக்குங்கிறதை மறந்திட்டுப் பேசக்கூடாதுதானே?

பிள்ளை பிறந்தா, அது வளரும் ↔️ அவர்கள் அனைவருக்கும் சாப்பாடு நேரத்திற்கு வேணும் ↔️ இயற்கை (?) உணவு தயாரிப்பு கால நீட்டிப்பை கோரியும், குறைந்த மகசூலையும் தரக் கூடியது ↔️ அனைவருக்கும் கல்வி, மருத்துவம் தேவை ↔️ அதனை அடைய - 4

நவீன போக்குவரத்து வசதி தேவை ↔️ சுகாதாரமான அளவில் வாழ நவீன கழிப்பறையுடன் கூடிய ஒரு வீடும், நல்ல சம்பளத்துடன் கூடிய வேலை வாய்ப்பும் அனைவருக்கும் வேண்டும் ↔️ அடுத்து துணை தேடல், குடும்பம் வளர்த்தெடுப்பு 🔃 பிள்ளைபேறு...

சுருங்கச் சொன்னால் சூழலியர் எப்படி ஒரு வாழ்க்கையை வாழறாரோ - 5

அப்படி ஒவ்வொருத்தரும் வாழ ஆசைப்படுறது தவறுங்களா?

மக்கட்தொகையை கணக்கில் கொண்டு கோவிட்-19 பெருந்தொற்றில் அதிக உயிரிழப்பு, 1918ல் நிகழ்ந்த ஸ்பானிஷ் ஃப்ளூ உயிரிழப்பை விட அதிகமாக இருக்கும் என்று கருதினேன். ஆனால், நம்மை நவீன அறிவியலும், தொழிற்நுட்பமும் காப்பாற்றி இருக்கிறது. - 6

இந்திய துணைக்கண்டத்தில் மட்டும் அன்று 1 கோடியே 20 லட்சம் பேருக்கு அதிகமானோர் மரணித்திருக்கிறார்கள்.

அது போலவே ஒரு முப்பது ஆண்டுகளுக்கு முன்னாள் இந்தியாவில் வாழும் மனிதர்களின் சராசரி ஆயுட்காலம் ஒரு 50 - 55 ஆண்டுகாலமாக இருந்தது. ஆனால், இன்று அது 70 ஆண்டு - 7

காலமாக அதிகரித்திருக்கிறது. இது எப்படி சாத்தியமானது?

உணவு நச்சாகிவிட்டது. வியாதிக்காடு பெருகி விட்டது என்றெல்லாம் பேசுகிறோம். உண்மையோ பெருகி வரும் மக்கட்தொகையும், சராசரி ஆயுட்கால அதிகரிப்பும் வேறாக சொல்கிறது. அப்படியெனில் என்ன நடக்கிறது? - 8

வியாதிக்காடு பெருகியதாக நாம் புலம்புவதற்கு காரணம் - உடல் அதிக நாட்கள் உழைக்க உழைக்க பழுதடைவது இயற்கையின் இயல்பு (ஓர் இரு சக்கர வாகனத்தைப் போலவே). அதே நேரத்தில் நோய்களை கண்டறியத்தக்க மனித ஆற்றல் பல மடங்கு அதிகரித்துள்ளது. - 9

விளைவு நோய்க்கூறுகளை அக்கு வேறு, ஆணி வேறாக பிரித்து அறியத்தக்க தொழிற்நுட்ப கருவிகளும், மருத்துவமும், சிகிச்சையும் நடைமுறைக்கு வந்திருக்கிறது. எனவே நோயின் தன்மையறிந்து அவற்றிற்கு பெயரிட்டு அழைக்கிறோம். அப்போ இதற்கு முன்னாள் நம் முன்னோர்களுக்கு அந்த நோய்கள் எல்லாம் இல்லை - 10

என்றா பொருள்? அப்படி இல்லை இது. இருந்திருக்கும். அறியும் அறிவும் ஆற்றலும் நம்மிடையே வளர்ந்திருக்கவில்லை. அவர்களிடம் பரவலான நீண்ட ஆயுட்காலமும் இருந்திருக்கவில்லை.

இதிலிருந்து என்ன புரிகிறது. - 11

காலம் முன்னோக்கி நகர்வது. அதனையொட்டியே நம்முடைய வளர்ச்சியும் ஆற்றலும் இயற்கையில் முன்னோக்கிச் செல்ல உந்தப்படும். அதனோடு நம்மை தகவமைத்துக் கொள்ள அறிவியலின் அறிதாலோடு நம்மை தயார்படுத்திக் கொள்வோம் என்பதே உண்மை. தேவை விழிப்புணர்வு மட்டுமே. அச்சமில்லை!

-The end-