Thread by @RajarajanRj

புதிய Omicron variant கொரோனா வைரஸ் குறித்து உலகநாடுகளின் நிலைப்பாடு மற்றும் செயல்பாடுகள்..

உலகை அச்சுறுத்தி வந்த கொரொனா வைரஸின் உருமாற்றம் அடைந்த புதிய variant டிற்கு Omicron என்று பெயர் வைத்திருக்கிறார்கள்.
++

இந்த வைரஸை தென் ஆப்ரிக்காவில் இருக்கும் ஆராய்ச்சியாளர்கள் முதன் முதலில் கண்டுபிடித்தார்கள்.

தென் ஆப்ரிக்காவில் கண்டுபிடிக்கப்பட்டாலும், இந்த வைரஸ் அதற்கு முன்பே ஐரோப்பாவில் (நெதர்லாண்ட்டில்) பரவி இருந்ததாகவும் சொல்கிறார்கள்.
++

இந்த ஒமிக்கிரான் வைரஸ் குறித்து உலக சுகாதார நிறுவனம்,வேகமாக பரவக்கூடிய நோய் என்றும், இது உலகம் முழுவதும் பரவக்கூடிய வாய்ப்புடைய வைரஸ் என்றும் எச்சரித்தது.கொரோனா காலம் முடிந்துவிட்டது என்று பலரும் கருதிய வேளையில், இன்னும் முடியவில்லை என்று உலக சுகாதார நிறுவனம் தெரிவித்து உள்ளது.++

ஒமிக்கிரான் வைரஸ் குறித்து ஆராய்ச்சியாளர்களுக்கு முழுமையான தகவல்கள் தெரிய இன்னும் இரண்டு அல்லது மூன்று வாரங்கள் ஆகலாம்.

ஆனால், சில அடிப்படை தகவல்கள் நமக்கு தெரிவிப்பது..

டெல்டா வைரஸ் 2 மடங்கு வேகமாக mutate ஆகுமென்றால், Omicron 10 மடங்கு வேகமாக mutate ஆகக்கூடியது.
++

வேகமாக பரவினாலும், இது எத்தனை ஆபத்தானது என்ற கேள்வி உள்ளது. இதுவரை தென்ஆப்ரிக்காவில் இந்த புதிய வைரஸ் 10 வயதில் இருந்து 30 வயது வரையிலானவர்களை தான் அதிகம் தாக்கியுள்ளது. அவர்களுக்கு மிதமான பாதிப்பே ஏற்பட்டு இருக்கிறது. வயதானவர்கள், நோயாளிகளை இந்த வைரஸ் எப்படி பாதிக்கும் என்பது++

முக்கியமான கேள்வியாக இருக்கிறது.

தடுப்பூசி குறித்து..

ஏற்கனவே இருக்கும் தடுப்பூசிகள், இந்த புதிய கொரோனா வைரஸின் spike protein ஐ எதிர்த்து போராடக்கூடியது தான். அப்படியே ஊடுருவி சென்றாலும் T-Cells Antibodies காப்பாற்றும் என்று சொல்கிறார்கள்.
++

உலக நாடுகள் தடுப்பூசிகளை போடும் வேகத்தை அதிகரித்து உள்ளது.பிரிட்டன் பிரதமர் ஜனவரிக்குள் பூஸ்டர் தடுப்பூசி உரியவர்களுக்கு போடப்படும் என்று சொல்லி இருக்கிறார்.

புதிய கொரோனா வைரஸினால், ஏற்கனவே இருக்கும் தடுப்பூசி வேலை செய்யாது,அதனால் தடுப்பூசி போட வேண்டாம் என்று சொல்பவர்களுக்கு,++

சிங்கப்பூர் தலைவர் ஒருவர் தந்த விடை..

நமக்கு தெரியாத ஒரு நோயிற்காக நாம் எப்படி insurance எடுத்துக்கொள்வோமோ, அந்த insurance தான் நமக்கு கிடைத்திருக்கும் தடுப்பூசி. அதை எடுத்துக்கொள்வது நம் உயிரைக் காக்கும்.
++

தடுப்பூசி போடாதவர்கள், இந்த omicron அலையில் பாதிக்கப்படுவதற்கான சாத்தியம் மிக அதிகம்.

உங்கள் வீட்டில் உள்ள பெரியவர்களுக்கு Booster தடுப்பூசியை போடுவதற்கான செயல்களில் ஈடுபடவும். நீங்களும் உரிய நேரத்தில் போட்டுக்கொள்ளவும். தடுப்பூசி போடாதவர்களை போட வைக்கவும். இது அடிப்படை!
++

ஆராய்ச்சியாளர்கள், முழுமையான தகவல்களை தரும் வரையில் நாம் விழிப்புடன் இருப்போம்!

இம்முறை உலகநாடுகள் வேகமாக விழித்திருக்கிறது. கொரொனா வைரசை முழுமையாக வெல்வதற்கான அறிகுறிகள் தெரிகிறது. நமது கடமையை சரியாக செய்து அதற்கு நம் பங்களிப்பையும் வழங்குவோம்!

- ராஜராஜன் ஆர்.ஜெ