Thread by @RoymukhtarRoy

"نام میں کیا کیا رکھا ہے !"
یہ 2005 کی بات ہے
حضرت بابا فرید الدین گنج شکر رحمتہ اللہ علیہ کا عرس شروع تھا
عشا پڑھانے کے بعد میں مسجد کے حجرے میں بیٹھا کوئی کتاب پڑھ رہا تھا کہ میرے پاس کچھ لوگ آئے
یہ لاہور سے تھے ،ان کے کسی بچے کا مسلہ تھا جس کیلئے پریشان تھے اور دعا کروانا 🔻

چاہتے تھے
میں نے بچے کی عادات و اطوار کے بارے میں ان سے کچھ سوالات کئے
اور آخر میں انہیں بتایا کہ آپ کے بچے کو کوئی نفسیاتی یا روحانی بیماری نہیں ہے بلکہ آپ لوگوں نے بچے کے دو نام رکھے ہوئے ہیں
یہ سن کر وہ چونک اٹھے
اور اعتراف کیا کہ واقعی ایسا ہے
بچے کا ننھیال والوں نے الگ نام🔻

رکھا ہوا اور ددھیال نے الگ رکھا ہوا ہے
اسی طرح خاندان کے آدھے لوگ ایک نام سے پکارتے ہیں
اور آدھے لوگ دوسرے نام سے پکارتے ہیں، میں نے انہیں تجویز دی کہ دونوں میں سے ایک نام طے کر لیں
اور صرف اسی نام سے پکاریں
یہ بالکل ٹھیک ہو جائے گا
آپ بھی یہ پڑھ کر یقیناً حیران تو ہوئے ہوں گے 🔻

مگر یہ ایک بہت بڑی حقیقت ہے
نام کا زندگی پہ اتنا زیادہ اثر ہوتا ہے کہ آپ سوچ نہیں سکتے
بلکہ اگر یوں کہا جائے کہ نام شخصیت بگاڑنے اور بنانے میں اہم کردار ادا کرتے ہیں تو یہ غلط نہ ہو گا
نبی کریم ﷺ نے فرمایا:
"اپنے بچوں کے اچھے اچھے نام رکھو کہ قیامت کے دن ان کو ان کے اور ان 🔻

کے باپوں کے نام سے پکارا جائے گا"
(ابوداؤد، مشکواۃ)
نبی کریم ﷺ کا یہ فرمان محض ایک مشورہ نہیں ہے
بلکہ اس کے اندر حکمت کا خزانہ چھپا ہوا ہے
نبی کریم ﷺ کا نام "احمد" اللہ نے خود رکھا جبکہ "محمد" جناب عبد المطلب نے رکھا
جبکہ محمد نام بھی پہلے سے دیگر آسمانی کتابوں میں موجود تھا🔻

اگر کوئی شخص محض ان دو ناموں یعنی "احمد اور محمد" کے معانی و مفاہیم جان لے
تو یقیناً ولی اللہ ہو جائے
کیونکہ ان ناموں کی بڑی حکمت اور بہت بڑی بات ہے
ایسے ہی مولا علی علیہ السلام کا نام نبی کریم ﷺ نے خود رکھا
اگر کوئی نام علی کے معانی و مطالب سے آگاہی حاصل کر کے تو جان لے کہ 🔻

علی کا ذکر عبادت کیوں ہے ؟؟
اور مولا علی علیہ السلام کے نام کے بغیر کوئی ولایت کے درجے تک کیوں نہیں پہنچ سکتا ؟
جناب حسنین کریمین سلام اللہ علیہم اجمعین کے نام پہ بھی نبی کریم ﷺ نے خود رکھے اور ان کو گھٹی بھی دی
صحابہ کرام رضوان اللہ علیہم اجمعین کے ہاں بھی کسی کے اگر اولاد 🔻

ہوتی تو وہ نبی کریم ﷺ کی بارگاہ میں حاضر ہو کر نام تجویز کرنے کی درخواست کرتے اور آقا کریم ﷺ نام رکھ دیا کرتے
آپ تاریخ پڑھیں تو بے شمار صحابہ کرام کی اولادوں کو نام نبی کریم ﷺ نے دیئے
ہندوازم میں تو آج بھی رواج ہے کہ نام رکھنے سے پہلے بچے کی جنم کنڈلی نکالی جاتی ہے اور پھر 🔻

اس کا نام رکھا جاتا ہے
یہ رواج ہمارے ہاں بھی ہے کہ نام گھر کا کوئی بڑا یا بزرگ رکھتا ہے
نام رکھنا مگر کوئی مذاق نہیں ہے
اور نہ ہی ہر کوئی اس کا علم اور سمجھ رکھتا ہے
بلکہ آج کل تو وہ لوگ نایاب ہو گئے جو حروف کی بندش اور ان کے مفاہیم سے آگاہ تھے
اور اسی حساب سے نام تجویز کرتے 🔻

تھے۔ میں ایک ایسے بزرگ کی صحبت میں کچھ عرصہ رہا
جو محض نام سن کر بندے کی پوری پروفائل بیان کر دیتے تھے
یہاں تک کہ بندے کا رنگ،قد اور عادات تک بتا دیتے
مجھے بڑی حیرت ہوتی کہ یہ کون سا علم ہے ،جب مگر حروف سے کچھ شناسائی ہوئی تو کچھ کچھ سمجھ آنے لگا کہ یہ کیسے ہو جاتا ہے
اور یہ 🔻

کوئی علم غیب نہیں ہے
یہ صرف اور صرف حروف تہجی اور اعداد کا علم ہے
چونکہ حروف تہجی، اعداد اور موسیقی کے سات سر اس کائنات کی بنیاد میں شامل ہیں
اس لئے جو بندہ ان کے بارے میں علم رکھتا ہو وہ کسی کی بھی پوری زندگی کا خلاصہ کھول سکتا ہے
ناموں کے اثرات کے حوالے سے موجود حدیث پر میں🔻

نے ایک بار تحقیق شروع کی
اور ارادہ کیا کہ اس پہ ایک کتاب لکھی جائے، یہ مگر خاصا مشکل اور مہنگا شوق ثابت ہوا
تحقیق کیلئے مجھے ایک ہی نام کے کئی لوگوں سے ملنا پڑتا
ان کی عادات و خصائل کا جائزہ لینا پڑتا اور اس کے بعد ان کے بارے میں رائے قائم کرنا پڑتی
مثلاً میں ثمینہ نام کی آٹھ 🔻

لڑکیوں سے ملا
ان سب میں ایک چیز مشترک تھی کہ یہ سب جھگڑالو تھیں
رانی جو کہ دراصل نام نہیں ہے
مگر ہمارے ہاں ایسے نام رکھے جاتے ہیں
تو اس نام کی پانچ خواتین میں مشترک بات ازدواجی زندگی کی ناکامی تھی
ایسے ہی اکرام نام کے کچھ لوگ ملے
آدھے ذہین اور آدھے ڈل تھے
مزید تحقیق سے پتہ چلا 🔻

کہ اس پہ تاریخ پیدائش بھی اثر کرتی ہے، یعنی چاند کے عروج میں پیدا ہونے عموماً ذہین اور زوال میں پیدا ہونے فارغ ہوتے ہیں
کچھ عرصہ کی کوشش کے بعد یہ ارادہ ترک کر دیا کہ ہزاروں ناموں پہ تحقیقات کر کے لکھنا اور حتمی نتائج اخذ کرنا ناممکن تھا
مگر اس میں کوئی شک نہیں کہ نام کا شخصیت 🔻

پر بہت گہرا اثر ہوتا ہے
میں جتنے بھی اہل فقر یعنی صوفیائے کرام سے ملا وہ سب یہ علم جانتے تھے
خود میرے سب بچوں کے نام میرے پیر و مرشد نے تجویز فرمائے
اور بچے الحمدللہ اسم با مسمی ہیں
اب ہمارے ہاں بدقسمتی سے جس طرح ہر علم زوال کا شکار ہو چکا ہے
ویسے ہی نام رکھنے کا علم بھی ختم🔻

ہو چکا ہے
لوگ اب ناولوں،فلموں یا ڈراموں کے پسندیدہ کرداروں پہ اپنے بچوں کے نام رکھ دیتے ہیں
اور بہت سے ایسے نام سننے کو ملتے ہیں جن کی کوئ سینس نہیں بنتی
اور آلا ماشاءاللہ بچے بھی سینس سے خالی ہوتے ہیں
نام رکھنے کا اگرچہ کسی مذہب سے کوئی تعلق نہیں ہے
مگر ہم مسلمانوں کا نام 🔻

رکھنے کا اپنا کلچر ہے
ہم اپنے ناموں سے ہی پہچانے جاتے ہیں
اب مگر جہالت کی وجہ سے ناموں میں بھی فرقہ واریت گھس آئی ہے
جبکہ نام رکھنا خالصتاً حروف تہجی سے متعلق ہے
بچے کے والدہ کے نام کی مناسبت سے نام طے کیا جاتا ہے
اور یہ بڑی سوچ و بچار کے بعد طے ہوتا ہے کہ کس بچے کو کون سا 🔻

نام سوٹ کرے گا
تھریڈ بہت لمبا ہو گیا
آخر میں صرف اتنی تاکید کروں گا کہ بچوں کے نام کبھی بگاڑ کر مت پکاریں
انہیں ان کے مکمل ناموں سے پکاریں
جن بچوں کے ہم نک نیم لڈو، شیدا، ٹونی، سنی، کاکا وغیرہ رکھ لیتے ہیں
اس طرح کے ناموں والے بچے عموماً آوارہ ہو جاتے ہیں
نبی کریم ﷺ نے اسی لئے🔻

نام بگاڑنے سے منع فرمایا
نام شخصیت کا آئینہ دار ہوتا ہے
اگر نام ہی برا ہو گا
تو شخصیت کیسی ہو گی ؟
میری ایک بھتیجی کا نام بابا نے سائرہ بانو رکھا
اس کے ننھیال نے زیمل رکھ دیا
مجھے پتہ چلا تو میں نے سخت ردعمل دیا اور ان کو بتایا کہ اس کا نام سائرہ بانو ہے
اسی نام سے پکارا جائے 🔻

دو ناموں والا بچہ دوہری شخصیت کا حامل بن جاتا ہے
ہمارے پہلے مسلم علما اس طرح کے سب علوم سے واقف تھے
اب والے مگر فساد کے سوا کچھ نہیں جانتے
وجہ ایک ہے کہ
جس در سے پوری کائنات کو علم ملتا ہے
یہ اس باب العلم سے دور ہو گئے ہیں
اللہ کے اسماء الحسنٰی پہ ان شاءاللہ اگلا تھریڈ لکھوں گا!

@threadreaderapp unroll