Thread by @rajeshkmoorthy

நாம் ஏன் இளம் வயதிலேயே முதலீட்டு பழக்கத்தை தொடங்க வேண்டும்?

1. அதிக ரிஸ்க் மற்றும் அதற்கேற்ற returns எடுக்க சரியான தருணம்.

ஒரு 25 வயது முதலீட்டாளர் எடுக்கும் ரிஸ்க் அளவும், 40 வயதான முதலீட்டாளர் எடுக்கும் ரிஸ்க் அளவும் ஒரே மாதிரி இருக்காது. இருக்கக் கூடாது.

அதாவது, ஒரு 25 வயது முதலீட்டாளர், சந்தை சார்ந்த முதலீடுகளில் பணத்தை முதலீடு செய்யும் விகிதம் 75% (100 மைனஸ் உங்கள் வயது). மீதமுள்ள 25%, அவர் நிச்சய முதலீடுகளில் (Liquid Funds, Bonds, NCD's, PPF, FD's முதலியன). அவர் எடுக்கும் ரிஸ்க் அளவிற்க்கேற்றாற்போல் returns மாறுபடும்.

இளம் வயதிலேயே அதிக ரிஸ்க் எடுப்பதால், அவர்களின் வருமானமும் அதிகமாகும். ஆனால் இதே ஒரு 40 வயதுடைய முதலீட்டாளர், வெறும் 60% மட்டுமே சந்தை சார்ந்த திட்டங்களில் முதலீடு செய்ய வேண்டும். மீதமுள்ள 40%, நிச்சய முதலீடுகளில் செய்யலாம்.

பணவீக்க விகிதத்தை கழித்தால், நிச்சய முதலீடுகளில் வரும் வருமானம் உங்களுக்கு நஷ்டத்தையே கொடுக்கும்.

இப்படியாக, அதிக வருமானம் தரும் திட்டங்களில் முதலீடு செய்யும் வாய்ப்பை குறைந்த வயதிலேயே முதலீடு செய்யும் முதலீட்டாளர் பெறுகிறார்.

2. Compound Interest.
விஞ்ஞானி ஆல்பர்ட் ஐன்ஸ்டீன் சொன்னது இது.
“Compound interest is the eighth wonder of the world. He who understands it, earns it. He who doesn't, pays it.”

Power of Compounding என்று படித்திருப்பீர்கள்.

அது எந்த அளவிற்கு நமக்கு வருமானத்தை அள்ளித்தருமென்று உங்களுக்கு நன்றாகவே தெரியும். இதே 25/40 வயதுடைய இரண்டு நபர்களை உதாரணமாக எடுத்துக்கொள்வோம். இருவருமே சந்தை சார்ந்த முதலீடுகளில் வருடத்திற்கு 12% CAGR தரும் திட்டங்களில் மாதம் ₹10,000 முதலீடு செய்கிறார்கள் என்று வைத்துக்கொள்வோம்

இருவருமே, ஒரே திட்டத்தில், 60 வயது வரை முதலீடு செய்கிறார்கள். அவர்களுக்கு கிடைக்கும் தொகை:
25 வயது முதலீட்டாளர் : ₹5,80,15,574
40 வயது முதலீட்டாளர் : ₹96,83,848

சுமார் 4.74 கோடிகள் வித்தியாசம்.

ஆச்சரியமாக இருக்கின்றதா? அதனால்தான் இதை எட்டாவது அதிசயம் என்று ஐன்ஸ்டீன் சொன்னார்

3. Recovery time.
இளம் வயதில் முதலீடு செய்பவர்க்கு நஷ்டம் ஏற்பட்டால், அதை ஈடு செய்ய அவருக்கு நிறைய வருடங்கள் கிடைக்கும். ஆனால் வருடங்கள் ஆக ஆக, recovery time குறைந்துகொண்டே போகும்.

40 வயது முதலீட்டாளர் அதிக ரிஸ்க் எடுக்க முடியாமைக்கு இதுவும் ஒரு முக்கிய காரணம்.

4. More disposable Income.
25 வயதில் எந்தவொரு commitment ம் கிடையாது. ஆகையால், சம்பளத்தில், செலவுகள் போக, முதலீடு செய்ய அதிக பணம் கையில் இருக்கும்.

அதிக முதலீடு X அதிக வருடங்கள் = மலை போல் வருமானம்.

இதே 40 வயதுடைய முதலீட்டாளர்க்கு, குடும்பம், குழந்தைகள், கல்வி, வீட்டு செலவு போன்ற பல செலவுகள் போக முதலீடு செய்ய குறைந்த அளவு பணமே மிச்சமிருக்கும்.

குறைந்த முதலீடு X குறைந்த வருடங்கள் = குறைந்த வருமானம்.

இதனால் தான் மிகச்சிறிய வயதிலேயே முதலீடு செய்ய சொல்கிறேன்.

எந்தவொரு காரணமும் சொல்லாமல், EMI கட்டுவதுபோல், மாதா மாதம் ஒரு சிறிய தொகையினை உங்கள் முதல் சம்பள தேதியிலிருந்து நீங்கள் நல்ல திட்டங்களில் / பங்குகளில் முதலீடு செய்யத் தொடங்கினால், Power of Compounding மற்றும் Time Value of Money இவ்விரண்டும் உங்கள் முதலீடுகளை பன்மடங்காக்கும்.

சந்தேகமிருப்பின், TLல் கேட்கலாம். Personal பைனான்ஸ் குறித்த தனிப்பட்ட சந்தேகங்களுக்கு DMல் கேள்விகளை கேட்கலாம்.

முடிந்த அளவிற்கு விரைவாக பதிலளிக்கிறேன்.

நன்றி. #வாழ்கபணமுடன் 🙏🙏🙏