Thread by @chockshandle

// இட ஒதுக்கீடு கடந்து வந்த பாதை //

# 19 ஆம் நூற்றாண்டின் இறுதி காலகட்டத்தில் இருந்தே பார்ப்பனர் அல்லாதோர் சங்கமும் முஸ்லீம் லீக்கும் வகுப்புவாரி உரிமைகளை கோரி வந்தனர்.

# பார்ப்பனர் அல்லாத இந்துக்களின் அந்தஸ்தை உயர்த்த நீதிக்கட்சி குறிப்பிடத்தக்க அளவில் பாடுபட்டது.

# பார்ப்பனர் ஆதிக்கத்திற்கு எதிராக சமூகத்தில் தாழ்த்தப்பட்ட வகுப்பினர் கல்வியில் தொழிலில் அரசுப் பணிகளில் பங்கேற்கவும் பார்ப்பனர் அல்லாதோரின் நலன்களை பாதுகாக்கவும் 1916 இல் பார்ப்பனர் அல்லாதோர் கொள்கை அறிக்கை (Non Brahmin Manifesto) வெளியிடப்பட்டது.

# 1920 இல் நீதிக்கட்சி ஆட்சி அமைத்த போது பார்ப்பனர் அல்லாதோர் கொள்கை அறிக்கையின் அடிப்படையில் வகுப்புவாத பிரதிநிதித்துவத்தை செயல்படுத்த முயற்சித்தது.

# அதன் அடிப்படையில் பார்ப்பனர் அல்லாத சமூகத்தினர் வகிக்கும் அரசுப் பணியிடங்களின் விகிதாச்சாரத்தை அதிகரிக்க நடவடிக்கை எடுக்குமாறு

நீதிக்கட்சி அரசுக்குப் பரிந்துரைக்கும் தீர்மானத்தை மாநில சட்டமன்றக் குழு நிறைவேற்றியது.

# அதையொட்டியே பார்ப்பனர், பார்ப்பனர் அல்லாதோர், கிறிஸ்தவர்கள், முஸ்லிம்கள், ஆங்கிலோ-இந்தியர்கள் மற்றும் பிறர் என்று நியமனங்கள் பிரிக்கப்பட்டதை வருவாய் ஆணையம் ஏற்றுக் கொள்ள நீதிக்கட்சி

அரசால் நிறைவேற்றப்பட்டு முதல் வகுப்புவாரி பிரதிநிதித்துவம் 1921 இல் அறிமுகப்படுத்தப்பட்டது.

# தொடர்ந்து பார்ப்பனர் அல்லாதோரின் நியமன வாய்ப்புகளை மேம்படுத்த 1922 இல் இரண்டாம் வகுப்புவாரி பிரதிநிதித்துவம் அறிமுகப்படுத்தப்பட்டது.

# இதற்கிடையில், 1925 இல் தாழ்த்தப்பட்ட வகுப்பினர்

மற்றும் தாழ்த்தப்பட்ட வகுப்பினரைத் தவிர்த்து பிற வகுப்பினர் ஆகிய இரு பட்டியல்களை அரசு ஆணையாக நீதிக்கட்சி வெளியிட்டது.

# இவ்வாணை மூலம் தாழ்த்தப்பட்ட வகுப்பினரைச் சேர்ந்தவர்கள் பாதிக் கட்டணச் சலுகையில் கல்வி பயில உதவியது.

# 1927 இல் பெரியாரின் தீவிர பிரச்சார முயற்சியால்

நீதிக்கட்சி மற்றும் ஸ்வராஜ் கட்சியை சாராத மெட்ராஸ் மாகாண முதல்வர் பி.சுப்பராயனால் மூன்றாவது வகுப்புவாரி பிரதிநிதித்துவம் நிறைவேற்றப்பட்டது.

# இதன் மூலம் பார்ப்பனர் அல்லாதோரும் தங்கள் பங்கைப் பெறுவதற்கு வகுப்பினர்கள் ஐந்து வகைகளாகப் பிரிக்கப்பட்டு பார்ப்பனர் அல்லாத

இந்துக்களுக்கு (5/12) 44%, பார்ப்பனர், கிறிஸ்தவர்கள், முஸ்லிம்களுக்கு தலா 16% (2/12) மற்றும் தாழ்த்தப்பட்ட வகுப்பினருக்கு 8% (1/12) இட ஒதுக்கீடு வழங்கப்பட்டது.

# 1947 இல் இந்தியா சுதந்திரம் பெறும் வரையில் இந்த நடைமுறையே பின்பற்றப்பட்டு வந்தது.

# 1950 இல் பொறியியல் கல்லூரியில் சேர விரும்பிய சி.ஆர். ஸ்ரீநிவாஸன் என்ற மாணவரும் மருத்துவக் கல்லூரியில் சேர விரும்பிய சம்பகம் துரைராஜன் என்ற மாணவியும் வகுப்புவாரி பிரதிநிதித்துவம் (1928) ஆணை அமலில் இருந்தால் தங்களுக்கு கல்லூரியில் இடம் கிடைக்காது என்று தனித்தனியாக மெட்ராஸ்

உயர்நீதிமன்றத்தில் வழக்கு தொடுத்தனர்.

# இரு வழக்குகளும் இணைக்கப்பட்டு “மெட்ராஸ் மாகாண அரசு vs சம்பகம் துரைசாமி வழக்கு” என்ற பெயரில் விசாரிக்கப்பட்டது.

# இவ்வழக்கை விசாரித்த மெட்ராஸ் மெட்ராஸ் உயர்நீதிமன்றம் “கல்வித்துறை மாணவர்கள் சேர்க்கையில் பாகுபாடு கூடாது அதனால்

இந்திய அரசியலமைப்புச் சட்டத்தின்படி வகுப்புவாரி பிரதிநிதித்துவம் (1928) செல்லாது” என்று தீர்ப்பளித்தது.

# இதன் மேல்முறையீட்டு வழக்கில் சமத்துவ உரிமைக்கு எதிராக இட ஒதுக்கீடுகளை வழங்குவது இந்திய அரசியலமைப்புச் சட்டத்தின்படி பிரிவு (16) இல் உட்பிரிவு (2) உரிமையை மீறுவதாகும் என்று

கூறி மெட்ராஸ் உயர் நீதிமன்றத்தின் தீர்ப்பை உச்சநீதிமன்றம் உறுதி செய்தது.

# உச்சநீதிமன்றத்தின் தீர்ப்பை எதிர்த்து சுதந்திர இந்தியாவில் தாழ்த்தப்பட்ட பிரிவினரின் உரிமைகள் பறிபோனதாக எண்ணி தமிழ்நாட்டில் பெரியார் தலைமையில் மிகப்பெரிய போராட்டம் வெடித்தது.

# அதையொட்டி தமிழ்நாடு காங்கிரஸ் கட்சி தலைவர் காமராஜர் பிரதமர் நேருவிடம் தமிழ்நாட்டில் நிலவும் பதட்டமான சூழ்நிலையை விளக்கி தேவையான நடவடிக்கையை எடுக்குமாறு வலியுறுத்தினார்.

# அதையெடுத்து பிரதமர் நேரு தலைமையிலான காங்கிரஸ் அரசு 1951 இல் இந்திய அரசியலமைப்புச் சட்டத்தின்படி

பிரிவு (15) இல் புதிதாக உட்பிரிவு (4) சேர்க்கப்பட்டு “கல்வி மற்றும் சமூக ரீதியாக பிற்படுத்தப்பட்ட மக்களின் முன்னேற்றத்திற்கான சிறப்பு ஏற்பாடுகளை செய்வதிலிருந்து பிரிவு 15 அல்லது பிரிவு 29 (2) ஆகியவை மாநிலத்தை தடுக்காது” என்ற முதல் சட்ட திருத்தம் அமல்படுத்தப்பட்டது.

சம்பகம் துரைசாமி வழக்கின் தீர்ப்புக்கு எதிராக நசுக்கப்பட்ட மக்களின் உரிமைகளை மீட்டெடுக்க இட ஒதுக்கீடு குறித்து பெரியார் மேற்கொண்ட போராட்டத்தால் விளைந்த முதல் சட்ட திருத்தம் தான் மண்டல் ஆணைக்குழுவை நியமிக்க உதவியது.

# மண்டல் ஆணைக்குழு பரிந்துரையை அமல்படுத்த வேண்டும் என்று

தொடர்ந்து குரல் கொடுத்தவர்களில் முக்கியமானவர் கலைஞர்.

# 07 ஆகஸ்ட் 1990 அன்று வி.பி.சிங் தலைமையிலான தேசிய முன்னணி அரசு சமூகத்தில் மற்றும் கல்வியில் பின் தங்கிய குடிமக்களுக்கு அரசு நிறுவனங்களில் 27% இட ஒதுக்கீடு வழங்குவதாக அறிவித்தது.

# இதற்கிடையே, வெவ்வேறு காலகட்டங்களில் தமிழ்நாட்டில் இடஒதுக்கீட்டு பகிர்வு சதவீதம் அதிகரிக்கப்பட்டு 69% நிலையை அடைந்தது.

# வி.பி.சிங் அரசு வழங்கிய 27% இட ஒதுக்கீட்டை எதிர்த்துத் 1992 இல் உச்சநீதிமன்றத்தில் இந்திரா சஹானி தொடுத்த வழக்கில் எவ்வித இட ஒதுக்கீடும் 50% வரம்பிற்குள்

இருக்க வேண்டும் என்று கட்டுப்பாடு விதித்தது.

# அந்நேரத்தில் தமிழ்நாட்டில் நடைமுறையில் இருந்த 69% இட ஒதுக்கீட்டை பாதுகாக்க தி.மு.க உட்பட அனைத்து கட்சிகளும் குரல் கொடுக்க அ.தி.மு.க முதல்வர் ஜெயலலிதா “தமிழ்நாடு 69% இட ஒதுக்கீடு “ சட்டத்தை 1993 இல் இயற்றி குடியரசுத் தலைவரின்

ஒப்புதலை பெற்றார்.

# இச்சட்டமானது இந்திய அரசியலமைப்பு சட்டம் பிரிவு 31 (B) ஒன்பதாவது அட்டவணையில் (குறிப்பிடப்பட்டுள்ள சட்டங்கள், ஒழுங்குமுறைகள், விதிகள் எதுவும் செல்லாததாக கருதப்படக்கூடாது) இணைக்கப்பட்டு எதிர்கால நீதிமன்றங்களின் தலையீட்டிலிருந்தும் காப்பாற்ற வழிவகை செய்யப்பட்டத

குறிப்பிடத்தக்கது.

# பெரியார் பற்ற வைத்த போராட்ட நெருப்பு இன்று வரை இட ஒதுக்கீடு முறையை உயிர்ப்புடன் வைத்திருக்கிறது.

சம்பகம் துரைசாமி வழக்கு 🔽

main.sci.gov.in/judgment/judis…

// சிறப்பு தகவல் //

1921 - 2021

இட ஒதுக்கீட்டின் ஆணிவேர் நூறு வருடங்களை கடந்து விட்டது.

#Reservation

#100Years