Thread by @Arshe530

فارن فنڈنگ کیس مختصر احوال

پاکستان تحریک انصاف کے چیئرمین اور موجودہ وزیراعظم عمران خان سے پارٹی میں مبینہ اندرونی کرپشن اور سیاسی فنڈنگ سے متعلق قوانین کے غلط استعمال پر اختلاف کے بعد PTI کے منحرف بانی رکن گزار اکبر ایس بابر نے 2014 میں ECP میں غیر ملکی فنڈنگ سے متعلق کیس
⬇️

دائر کیا تھا جس میں الزام لگایا گیا تھا کہ غیر قانونی غیر ملکی فنڈز میں تقریباً30لاکھ ڈالر2 آف شور کمپنیوں کے ذریعے اکٹھے کیے گئے اور یہ رقم غیر قانونی طریقے 'ہنڈی' کے ذریعے مشرق وسطیٰ سے PTIملازمین کے اکاؤنٹس میں بھیجی گئی۔ ان کا یہ بھی الزام تھا کہ جو فنڈز بیرون ملک
⬇️

موجود اکاؤنٹس حاصل کرتےتھے اسے الیکشن کمیشن میں جمع کروائی گئی سالانہ آڈٹ رپورٹ میں پوشیدہ رکھا گیا۔ بعد ازاں ایک سال سے زائد عرصے تک اس کیس کی سماعت ECP میں تاخیر کا شکار رہی تھی کیونکہ PTI کی جانب سےاکتوبر 2015 میں اسلام آباد ہائی کورٹ میں ایک درخواست دائر کی گئی کہ اس کے
⬇️

اکاؤنٹس کی جانچ پڑتال سے ECPکو روکا جائے۔جسکے بعد فروری 2017 میں اسلام آباد ہائی کورٹ نے دائرہ اختیار پر جائزہ لینے کے لیے کیس کو دوبارہ ECP کو بھیج دیا تھا اور اسی برس ستمبر میں ایک حکم جاری کرتے ہوئےPTIکو غیر ملکی فنڈنگ کے ذرائع الیکشن کمیشن کو فراہم کرنے کا حکم دیا تھا
⬇️

بعدازاں12 مارچ 2018 کو الیکشن کمیشن نے تحریک انصاف کے غیر ملکی فنڈنگ کیس کا فیصلہ سناتے ہوئے ایک کمیٹی تشکیل دینے کا حکم دے دیا۔
تاہم19 مارچ کو الیکشن کمیشن کے 2 نامزد ارکان نے پارٹی اکاؤنٹس کی جانچ پڑتال کیلئے بنائی گئی 3 رکنی کمیٹی میں شرکت کرنے سے معزرت کرلی تھی۔ بعد ازاں
⬇️

3اپریل 2018کو الیکشن کمیشن کی نئی اسکروٹنی کمیٹی عمل میں آئی جسے ایک ماہ میں تمام امور نمٹانے کی ہدایت کی گئی تھی تاہم جلد ہی اس کے مینڈیٹ میں غیر معینہ مدت تک کیلئے توسیع کردی گئی تھی اور کمیٹی اب تک فارن فنڈنگ کی تحقیقات کر رہی ہے۔جولائی2018 میںPTIکے بینک ریکارڈ اور اسٹیٹمنٹ
⬇️

کیلئے کی جانے والی درخواست کی تمام تر کوششوں کے خاتمے کے بعد الیکشن کمیشن نے اسٹیٹ بینک آف پاکستان (ایس بی پی) سے پارٹی کے بینک اسٹیٹمنٹس فراہم کرنے کی درخواست کی تھی۔
جس پر اسٹیٹ بینک کی جانب سے جمع کروائی گئی رپورٹ میں یہ انکشاف سامنے آیا کہ حکمران جماعت ملک بھر میں 18 خفیہ
⬇️

بینک اکاؤنٹس استعمال کررہی ہے۔
اسٹیٹ بینک نے شیڈول بینکوں سے حاصل کی جانے والی معلومات الیکشن کمیشن میں جمع کروائیں جس میں یہ بات سامنے آئی کہPTI کے ملک کے مختلف شہروں میں کل 26بینک اکاؤنٹس ہیں لیکن الیکشن کمیشن میں جمع کروائی گئی معلومات میں صرف8 کے بارے میں بتایا گیا دیگر 18
⬇️

بینک اکاؤنٹس جعلی یا غیر قانونی اکاؤنٹس کے زمرے میں آتے ہیں کیوں کہ PTI نے انہیں قانون کے تحت الیکشن کمیشن میں جمع کروائی گئی سالانہ آڈٹ رپورٹ میں ظاہر نہیں کیا۔ دوسری جانب فارن فنڈنگ کیس کے دائر ہونے کے بعد سے PTI کیجانب سے تحقیقات کو روکنے اسے خفیہ رکھنے اور کمیٹی کی تشکیل
⬇️

کے خلاف سمیت متعدد درخواستیں دائر کی گئیں جن میں اکثر مسترد ہوگئیں۔کمیٹی کے قیام کے ایک ماہ بعد ہی17مئی2018کو PTI نےالیکشن کمیشن میں اس کیس کی کارروائی خفیہ رکھنے کا مطالبہ کیا تھا۔PTI کی غیر ملکی فنڈنگ کیس کا جائزہ لینے کیلئےECP کا اجلاس تقریباً 17 ماہ بعد یکم اکتوبر 2019
⬇️

کو ہوا تھا جس میں اکاؤنٹس کے آڈٹ پر حکمراں جماعت کی جانب سے کیے گئے اعتراضات کی 4 اپیلوں پر فیصلہ محفوٖظ کیا گیا جسے 10 اکتوبر کو سناتے ہوئے ان درخواستوں کو مسترد کردیا تھا۔ سال 2019 میں بھی غیر ملکی فنڈنگ کیس کی جانچ پڑتال میں رازداری کیلئے پارٹی کی جانب سے 4 درخواستیں دائر
⬇️

کی گئیں جنہیں الیکشن کمیشن نے 17دسمبر 2019 کو مسترد کردیا تھا۔
علاوہ ازیںPTI نے7 نومبر2019 کو الیکشن کمیشن کیجانب سے کمیٹی کے قیام کے فیصلے کو اسلام آباد ہائی کورٹ میں چیلنج کرتے ہوئے مؤقف اختیار کیا کہ الیکشن کمیشن کی تشکیل مکمل نہیں ہے اس لیئے غیر ملکی فنڈنگ کی اسکروٹنی
⬇️

کیلیے قائم خصوصی کمیٹی کو کام سے روکا جائے۔اسکے چند روز بعد ہی اسکروٹنی کمیٹی کے 12نومبر کو مقرر کردہ اسکروٹنی اجلاس سے ایک روز قبلPTI نے غیرملکی فنڈنگ کے ذرائع کی تحقیقات روکنے اور ECP کا 10 اکتوبر کا حکم معطل کرنے کی ایک اور درخواست دائر کر دی گئی تھی۔ تاہم 17 دسمبر 2019 کو
⬇️

اسلام آباد ہائی کورٹ نے اسکروٹنی کمیٹی کی تشکیل کے خلاف دائر درخواست کو مسترد کردیا تھا۔
اس کے علاوہ الیکشن کمیشن نے21 نومبر2019 کو PTI کے خلاف درج فارن فنڈنگ کیس کی اسکروٹنی روزانہ کی بنیاد پر کرنے کا حکم دیا تھا لیکن چیف الیکشن کمشنر کی تعیناتی کے سلسلے میں حکومت اور اپوزیشن
⬇️

کے مابین ڈیڈ لاک کے باعث بھی یہ معاملہ تاخیر کا شکار ہوا،جون2020 تک مذکورہ کمیٹی کے70 اجلاس ہوچکے تھے لیکن اس وقت تک کمیٹی انکوائری مکمل کرنے اورECP میں اس کی رپورٹ جمع کروانے میں ناکام رہی تھی جس پر کمیٹی کو اپنی رپورٹ جمع کرانے کیلئے ایک ہفتے کی حتمی مہلت دی گئی جسے بعد میں
⬇️

17 اگست تک توسیع دے دی گئی اس کے نتیجے میں13 اگست کو کمیٹی نے اپنی تحقیقات مکمل کیں۔
تاہم21ستمبر کو ECP نے فارن فنڈنگ کیس میں اسکروٹنی کمیٹی کی جانب سے جمع کروائی گئی ”نامکنل“ رپورٹ مسترد کرتے ہوئے کہا کہ رپورٹ نہ تو مکمل تھی اور نہ ہی تفصیلی، کیس کی سماعت تاحال الیکشن کمیشن
⬇️

میں جاری ہےجس میں تازہ پیش رفت 24دسمبر2020 کو سامنے آئی اور حکمراں جماعت اکاؤنٹس کے آڈٹ کرنے والے الیکشن کمیشن آف پاکستان کی اسکروٹنی کمیٹی کے پاس مزید دستاویزات جمع کرادی تھیں۔
اس کیس میں سب سےدلچسپ موڑ پچھلے سال13جنوری کو سامنے آیا کب اسکروٹنی کمیٹی کے سوال نامے کے سوال نامے
⬇️

کے تحریری جواب میں PTI نے یہ وضاحت پیش کی کہ اگر عمران خان کی تحریری ہدایت کے بعد رجسٹرڈ ہونے والی دو امریکی کمپنیوں نے کوئی فنڈز غیرقانونی طورپر اکٹھے کیئے ہیں تو اسکا ذمہ دار ان کمپنیوں کا انتظام سنبھالنے والے ایجنٹس پر عائد ہوتی ہے۔

موضوع سے ہٹ کر ایک سوال: اگر فارن فنڈنگ
⬇️

کیس میں PTI پر پابندی لگا دی جاتی ہے تو پاکستان کو اس نہج تک پہنچانے کا ذمہ دار کون ہوگا ..؟
کیا وہ غدار وطن نہیں کہلائے گا ۔۔؟

ذیادہ سے ذیادہ ریٹویٹ کریں
مجھے فالو کرکے فالو بیک لیں
@Arshe530