Thread by @RoymukhtarRoy

"ام الکتاب"
حضرت محی الدین ابن عربی رحمۃ اللہ علیہ کے بعد بہت کم لوگ گزرے ہیں کہ جنہوں نے قرآن پہ تحقیقات کی ہیں
ابن عربی صاحب نے "فصوص الحکم" "فتوحات مکیہ" "رسائل عربی" سمیت پانچ سو کے قریب کتب تحریر فرمائی ہیں اور ان سب کتب کا بنیادی موضوع قرآن ہے
اور آپ حیرت زدہ رہ جائیں 🔻

گے کہ بعد میں آنے والے مسلمان قرآن کا اتنا علم بھی نہیں رکھتے تھے کہ قرآن تو کیا حضرت ابن عربی کو ہی سمجھ سکیں
ابن عربی کے بعد بو علی سینا، ابو نصیر فارابی، جابر بن حیان، امام غزالی، حضرت شہاب الدین سہروردی، حسین بن منصور حلاج، حضرت سہیل بن عبداللہ تستری، حضرت جنید بغدادی،🔻

عمر بن عثمان مکی اور حضرت ابوبکر شبلی جیسے بزرگوں نے قرآن پہ تحقیقات کر کے امت مسلمہ و انسانیت کیلئے بے شمار نافع علوم استخراج کئے
بعد میں آنے والوں میں مولانا جلال الدین رومی کا نام بہت بڑا ہے کہ جنہوں نے اپنے اشعار و کتب میں قرآن مجید کے مفاہیم کو واضح کیا
اور دور حاضر میں 🔻

حضرت علامہ محمد اقبال ہیں
کہ جن کا کلام قرآن کی تفسیر ہے
اور ایسی تفسیر نہیں ہے کہ جیسی ملا کرتے ہیں
اقبال کا ایک ایک شعر ایک کتاب جتنا مواد رکھتا ہے
اگر کوئی صاحب ذوق و مطالعہ اقبال کو پڑھے تو اقبال کے کلام میں کھو سا جاتا ہے، اقبال کی شاعری قرآن کا زندہ اعجاز ہے، اس کے ہر 🔻

شعر میں کائنات کے پوشیدہ راز عیاں کئے گئے ہیں
اقبال نے سو سال پہلے جو لکھا وہ اس کے بعد سے اب تک درست ثابت ہوتا آ رہا ہے اور ہمیشہ ہوتا رہے گا
وجہ صرف قرآن ہے
قرآن ایسی کتاب ہے کہ جس میں ہر چیز کا بیان ہے
جس پہ قرآن کھل جاتا ہے
اس پہ ساری کائنات کھل جاتی ہے
اس کیلئے کوئی راز 🔻

راز نہیں رہتا ہے
قرآن اپنے علمی خزانے اگل دیتا ہے
پچھلے چند سو سالوں سے مگر قرآن فہمی کا سلسلہ اجتماعی سطح پر موقوف ہو چکا ہے
قرآن تو دور کی بات لوگ اقبال کو پڑھ کر سمجھنے کی اہلیت نہیں رکھتے
اور ابن عربی کو پڑھنا اور سمجھنا تو بڑے بڑے علما کے بس کی بات نہیں ہے
مگر جنہیں اللہ 🔻

چاہے انہیں سمجھ عطا کرتا ہے
مکاں فانی ، مکیں آنی، ازل تیرا، ابد تیرا
خدا کا آخری پیغام ہے تو، جاوداں تو ہے

ہم قرآن سے کیوں دور ہوئے ؟
ہمیں کس نے دور کیا ؟
اور یہ تو ہم سب جانتے ہیں کہ ہمارے ذلیل و خوار ہونے کی سب سے بڑی وجہ تارک قرآں ہونا ہی ہے
اس کو سمجھنے کیلئے دور نبوی ﷺ 🔻

میں چلتے ہیں
قرآن کے نزول کا آغاز پہلی وحی اور نبی کریم ﷺ کے اعلان نبوت سے ہوا
اور پھر اگلے تئیس سال قرآن مسلسل نازل ہوتا رہا
جیسے جیسے قرآن کی آیات آتی رہیں
نبی کریم ﷺ ان کی ضروری تفسیر و تشریح بیان فرماتے رہے
صحابہ کرام اسے لکھ لیتے یا حفظ کر لیتے، قرآن فہمی کے حوالے سے 🔻

عہد نبوی میں علمی مجالس عام تھیں
صحابہ کرام اور عام مسلمان نبی کریم ﷺ سے قرآنی آیات کے مطالب و مفاہیم دریافت کرتے اور آقا کریم ﷺ ان کے ظرف و سمجھ کے مطابق عطا فرماتے
قرآن کا مکمل علم مگر صرف مولا علی علیہ السلام کو عطا کیا گیا
مولا علی علیہ السلام صرف قرآن ہی نہیں بلکہ قرآن🔻

میں ذکر کردہ تمام کتب سماوی و لوح محفوظ پہ موجود سب کتب کا علم رکھتے ہیں
سورہ رعد کی آخری آیت میں اس کا بیان بھی ملتا ہے
مگر اس حوالے سے نبی کریم ﷺ کا مولا علی علیہ السلام کو "باب العلم" قرار دینا اور مولا علی علیہ السلام کا یہ دعویٰ فرمانا کہ مجھ سے کائنات کی ہر چیز کے متعلق 🔻

پوچھو !
یہ دعویٰ کائنات میں اور کسی نے کبھی نہیں کیا
نبی کریم ﷺ نے مولا علی علیہ السلام کو اس قدر کامل و اکمل بنایا تھا کہ وہ سب عالم کی رہنمائی کا وسیلہ بن گئے
مشن نبوت میں نبی کریم ﷺ کے پہلے تیرہ سال انتہائی مشکل تھے
اور اگلے دس مدنی سالوں میں بھی تین بڑی جنگوں کے علاؤہ 🔻

کئی چھوٹی جنگیں بھی ہوئیں
بیعت رضوان، فتح مکہ، غزوہ تبوک و حنین پھر تبلیغی و تدریسی مصروفیات کے باعث نبی کریم ﷺ دن کا کچھ حصہ مولا علی علیہ السلام کو عطا فرماتے اور انہیں تمام ظاہری و باطنی علوم سکھائے جاتے تاکہ جب ریاست مستحکم ہو جائے تو مولا علی علیہ السلام سے یہ علوم آگے 🔻

امت تک پہنچ جائیں
نبی کریم ﷺ نے خم غدیر میں اسی علمی برتری کی بنیاد پر مولا علی علیہ السلام کو سب صحابہ کرام و امت کا والی مقرر فرمایا
اور دنیا کی ہر تاریخ اور حدیث کی ہر کتاب گواہ ہے
کہ مولا علی علیہ السلام نے یہ امانت امانت داروں تک پہنچائی
جس کا جتنا ظرف تھا اسے اتنا عطا 🔻

کیا ، جس صحابی نے جو سوال پوچھا اسے جواب ملا
خلفائے راشدین کی علمی و عقلی معاونت تو اظہر من الشمس ہے
دشمن و دوست سب مولا علی علیہ السلام کی علمی فضلیت کے قائل تھے
سیدنا عمر فاروق رضی اللہ عنہ نے تو آپ کو اسی بنا پر مشکل کشا کہا
اور فرمایا کہ اگر علی نہ ہوتے تو عمر ہلاک ہو جاتا🔻

اور مولا علی علیہ السلام سے ہی امت کو "عربی لغت" "صرف و نحو" "تجوید" اور فلسفہ و منطق جیسے علوم پہنچے جو قرآن فہمی میں بنیادی اہمیت کے حامل ہیں
مولا علی علیہ السلام کا علمی فیضان سلاسل کی صورت میں امت کیلئے جاری ہوا اور آپ نے امام حسن بصری رحمۃ اللہ علیہ اور حضرت کمیل بن زیاد 🔻

کے ذریعے یہ امانت امت مرحومہ کے سپرد کی
یہ فیضان آج تک جاری ہے
اور ابد تک جاری رہے گا
خاکسار بھی جس سلسلے کی لڑی میں پرویا گیا ہے
محض پینتالیس واسطوں سے مولا علی علیہ السلام تک پہنچتی ہے
ہم تک جو علم پہنچا وہ مکمل طور پر ملا ازم کی قطع و برید سے محفوظ ہے الحمد اللہ !
اب آپ 🔻

سمجھ چکے ہیں کہ قرآن فہمی کی بنیاد مولا علی علیہ السلام ہیں
اب جو لوگ مولا علی علیہ السلام کے سلاسل سے جڑے ہیں
یا مولا سے محبت رکھتے ہیں
ان پہ قرآن خود ہی کھل جاتا ہے
مگر جو مولا علی علیہ السلام کے بارے میں درست نظریہ نہیں رکھتے
یا آپ سے حسد یا بغض رکھتے ہیں
تو قرآن ان سے پردہ🔻

کر لیتا ہے
موجودہ زمانے میں ملا ازم اس کی بڑی اور واضح مثال ہے
ملاؤں کی اکثریت چونکہ مولا علی علیہ السلام سے بغض رکھتی ہے
اس لئے قرآن سے ان کو فرقہ پرستی ملی ہے، جھگڑے اور فتوے ملے ہیں
اور یہ ایک دوسرے کو کافر کافر کہہ کر مرتے اور مارتے پھرتے ہیں
اگر یہ مولا سے محبت رکھتے تو 🔻

یہ قرآن پڑھ کر روتے
جیسے اقبال روتا تھا
یہ تو مگر قرآن پڑھ کر گدھوں کی طرح چیختے ہیں
ایک دوسرے کو گالیاں دیتے ہیں
اسی زبان پہ قرآن کی آیات اور اسی زبان سے اسی وقت گالیاں بکتے ہیں
یہ وہ ہیں جن سے قرآن نے پردہ کر لیا ہے
اور یہ مولا علی علیہ السلام کے مقابل ان کے جھنڈے اٹھانے لگ🔻

گئے ہیں کہ جن کا اللہ کا ہاں نہ کوئی مرتبہ ہے نہ کوئی اہمیت ہے
آپ حتمی بات یاد رکھیں !
نبی کریم ﷺ نے فرمایا قرآن اور میرے اہل بیت ساتھ ساتھ رہیں گے اور حوض کوثر پہ میرے پاس اکٹھے آئیں گے
دوسرے فرمان میں علی اور قرآن کے الفاظ استعمال فرمائے
اگر قرآن سے علوم و ہدایت و روشنی

حاصل کرنی ہے
تو مولا علی علیہ السلام سے محبت رکھو
نبی کریم ﷺ و اہل بیت پر درود پڑھو
پھر قرآن کھولو
اور نظارے دیکھو
قرآن اپنی گرفت میں نہ لے لے تو پھر کہنا
قرآن و اہل بیت کا آپس میں گہرا تعلق ہے
ایک کے بغیر دوسرا سمجھ نہیں آتا
اللھم صل علی محمد وعلی آل محمد!!