#ஸ்ரீகிருஷ்ணங்கதைகள் ஆற்றில் வெள்ளம் கரை புரண்டு ஓடிக்கொண்டிருந்தது. இக்கரையில் நண்பர்கள் சிவாவும் செல்வாவும் நின்று கொண்டு இருக்கிறார்கள். ஓடம் ஏதும் இல்லை. எப்படி அக்கரைக்குப் போவது? இந்த நேரத்தில் ஒரு காளை மாடு அங்கே வந்தது. அதுவும் அக்கரைக்குப் போக வேண்டும். ஆனாலும் அதற்கு 
ஓடம் எதுவும் தேவைப்படவில்லை. அப்படியே ஆற்றில் பாய்ந்தது. நீந்த ஆரம்பித்தது. இதைப் பார்த்த இரண்டு பேரில் சிவா குபீர் என்று ஆற்றில் குதித்தான். அந்தக் காளை மாட்டின் வாலைக் கெட்டியாகப் பிடித்துக் கொண்டான் சிவா. காளை மாடு சுலபமாக அவனை இழுத்துச் சென்று அக்கரையில் சேர்த்து விட்டது.
செல்வா பார்த்தான், நமக்கும் ஒரு ‘வால்’ கிடைக்காதா என்று! அப்பொழுது ஒரு நாய் வந்து ஆற்றில் குதித்தது. இது தான் நேரம் என்று செல்வாவும் ஆற்றில் விழுந்து அந்த நாயின் வாலைப் பிடித்துக் கொண்டான். இந்த மனிதனையும் இழுத்துக் கொண்டு நாயால் ஆற்றில் நீந்த முடியவில்லை. திணறியது. ஒரு
கட்டத்தில் நாய், வாள் வாள் என்று கத்த ஆரம்பித்து விட்டது. விளைவு, இருவருமே ஆற்று நீர் போகும் திசையிலேயே மிதந்து போய்க் கொண்டு இருந்தார்கள். அவர்கள் போக வேண்டிய திசை வேறு. போய்க் கொண்டு இருந்த திசை வேறு. கரை சேர நினைக்கிற மனிதர்களின் கதை இது. சிலர் கரையிலேயே நின்று விடுகிறார்கள்.
சிலர் காளையின் வாலைப் பிடித்துக் கொள்கிறார்கள். சிலர் நாயின் வாலைப் பற்றிக் கொள்கிறார்கள். நீங்கள் கரை சேர விரும்புகிறீர்களா? அப்படியானால் ஏற்கெனவே பற்றிக் கொண்டிருக்கும் உலக ஆசைகள் எல்லாம் விட்டு விடுங்கள்! காளையின் வாலைப் பிடித்துக் கொள்வது போல் இப்பிறவி கடல் கடக்க பகவான் ஸ்ரீ
கிருஷ்ண நாமம் பற்றுவோம். தவறாகப் பற்றுகிறவர்கள் தடுமாறிப் போகிறார்கள். பகவான் ஸ்ரீ கிருஷ்ணனை சரியாகப் பற்றுகிறவர்கள் கரையேறி விடுகிறார்கள். உலக பற்றை விடுகிறவர்கள் பரந்தமான் ஸ்ரீ கிருஷ்ணனை பற்றுகிறவர்கள் எப்பொழுதும் மகிழ்வுடன் இருக்கிறார்கள்.
சர்வம் ஸ்ரீ கிருஷ்ணார்ப்பணம்🙏🏾
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
