Judaism, Islam, Christianity, Sikhism, Amish, Hinduism என்று எல்லா மதங்களுமே பெண்கள் சிகையை மூடி வைக்க வேண்டும் என்றே சொல்லுகின்றன. 
Unorthodox என்னும் Netflix series இல் ஒரு Hasidic Jewish பெண்ணிற்கு திருமணத்திற்கு பின் தன் தலையை மழிக்க வேண்டி வரும்போது ஏற்படும் உணர்வு ஊஞ்சலாட்டங்களை விவரித்து இருப்பார்கள். இது உண்மை கதையும் கூட.
ஏன் பெண்ணின் சிகையின் மீது இவ்வளவு ஆர்வம்? ஒரு பெண்ணின் விழிகள், இதழ்கள், மார்பகங்கள், பின்புறம் போல அவளது சிகையும் ஒரு கவர்ச்சி பொருளாக பார்க்கப்படுகிறது. தமிழ் கவிஞர்களை பற்றி சொல்லவே வேண்டாம் பெண்ணின் கூந்தலை வர்ணிக்காத கவிஞர்களே கிடையாது.
ஹீரோவும் ஹீரோயின் னும் நெருக்கமாக இருக்கும் சமயத்தில் ஹீரோ செய்யும் முதல் காரியம் ஹீரோயின் கூந்தலை அவிழ்த்து அவளின் தோள் விரித்து பரத்தி விடுவது, கூந்தல் கீற்றை எடுத்து நுகர்வது இப்படி ஒரு பெண்ணின் கூந்தலில் கைவைக்கும் எல்லாமுமே நெருக்கமான ஒரு பொருளை தருகின்றன.
அதனால் பெண்ணின் கூந்தலானது கணவனும், நெருக்கமான குடும்பத்தினரும் மட்டுமே பார்க்கப்பட வேண்டிய ஒரு விஷயமாயிற்று. ஆக சிகையை மறைத்தலின் subtext பார்த்தீர்களென்றால் அது ஒரு கவர்ச்சி பொருளாக ஒரு ஆணால் பார்க்கப்படுகிறது.
இன்னொரு ஆண் தனக்கு உரியவளை கவரும் கண்ணோட்டத்துடன் பார்ப்பான் என்பதால் அந்த பெண்ணை உடமையாக கருதும் ஆண் அதை எல்லாம் எனக்கு மட்டும்தான் காட்ட வேண்டும் என்கிறான். ஒவ்வொரு காலகட்டத்திலும் அதற்கான காரணங்களை மட்டும் ஆண்கள் மாற்றி கொள்கிறார்கள்.
ஆரம்பத்தில் "கடவுளே சொன்னாரு நீ இப்படிதான் இருக்கணுமாம்" என்று ஆரம்பித்து, "உன் நல்லதுக்கு தானே சொல்றேன் எல்லா ஆம்பளைங்க பார்வையும் ஒரே மாதிரி இருக்குமா" என்று பசப்பு வார்த்தையாக மாறி இப்போது "இதில் அறிவியல் இருக்கிறது" என்று வந்து முடிந்து இருக்கிறது.
மதம் என்பது ஆணாதிக்க சமூகத்தால் உருவாக்கப்பட்ட ஒன்று. அந்த மதமானது பெண்களை கட்டுக்குள் வைக்க முதலில் கையில் எடுக்கும் ஆயுதம் ஆடை தான். அடிமை பெண்களை, sex slaves ஐ கட்டுக்குள் வைக்க மார்பகத்தை மூடக்கூடாது என்றும் (இவர்கள் யாராலும் உரிமை கோரப்படாதவர்கள் பொதுச்சொத்து போல)
குடும்ப பெண்களை (இவர்கள் ஒருவனுக்கு மட்டும் சொந்தம், அவனது வாரிசை பெற்று தந்து, பேணி காத்து அவனது தலைமுறையை நீட்டிக்க வேண்டிய பொறுப்புள்ளவள்) கட்டுக்குள் வைக்க எல்லாவற்றையும் மூடு என்றும் நிர்பந்திக்கிறது.
மேற்கத்திய நாடுகளிலுமே நல்ல குடும்பத்து பெண்கள் பெரிய தொப்பியை hat அணிந்து தான் வெளியில் செல்வார்கள். அதாவது இந்த நல்ல குடும்பத்து பெண்கள் ஒருவனுக்கு மணமுடித்து கொடுக்கப்பட்டு அவனுக்கு வாரிசுகளை பெற்று தந்து அவனது சொத்துக்களை அவனது மகனுக்கு கடத்துவது அவளது கடமை.
தனது சொத்து தனது மகனுக்கு மட்டும் போக வேண்டும் என்று நினைக்கிற ஆணாதிக்க சிந்தனை தான் குடும்ப அமைப்பு. இந்த பெண்ணுக்கு பிறந்தவன் தனது மகன் தான் என்று உறுதி செய்ய தான் முகத்தை மூடு, வெளியில் வராதே பூனை மீனை தூக்கிட்டு போய்விடும் என்கிற கட்டுப்பாடுகள் எல்லாம்.
"அவர்கள் தங்கள் பார்வைகளைத் தாழ்த்திக் கொள்ள வேண்டும். வெட்கத் தலங்களை பேணிக் காத்துக் கொள்ள வேண்டும். தங்கள் அழகலங்காரத்தை அதினின்று தெரியக் கூடியதைத் தவிர வெளிக் காட்டலாகது. இன்னும் தங்கள் முன்றானைகளால் மார்புகளை மறைத்துக் கொள்ள வேண்டும்.
மேலும் தம் கணவர்கள், தம் தந்தையர்கள், தம் கணவர்களின் தந்தையர்கள், தம் புதல்வர்கள், தம் கணவர்களின் புதல்வர்கள், தம் சகோதரர்கள், தம் சகோதரர்களின் புதல்வர்கள், தம் சகோதரிகளின் புதல்வர்கள், தங்கள் பெண்கள், தம் வலக்கரங்கள் சொந்தமாக்கிக் கொண்டவர்கள்,
ஆடவர்களில் தம்மை அண்டி வாழும் பெண்களின் மறைவான அங்கங்களைப் பற்றி அறிந்து கொள்ளாத சிறுவர்கள் ஆகிய இவர்களைத் தவிர தங்கள் அழகலங்காரத்தை வெளிப்படுத்தக் கூடாது……"
so அவர்கள் தங்கள் உடலுறுப்புகளை மறைத்து என்ன கண்ணியமான ஆடை உடுத்தியிருந்தாலும்
so அவர்கள் தங்கள் உடலுறுப்புகளை மறைத்து என்ன கண்ணியமான ஆடை உடுத்தியிருந்தாலும்
அந்த ஆடை அலங்காரங்களுடன் அவற்றை மறைத்துக் கொண்டே வெளிப்பட வேண்டும். உடலை முழுவதும் மறைக்கக் கூடிய எந்த ஆடையாக இருந்தாலும் அது அலங்காரமாகவும் இருப்பதால், அதாவது "அந்நிய" ஆணை கவரும் என்பதால் அதை மறைக்கும் படியாக மேலதிக ஆடையுடன் தான் பொது இடங்களுக்கோ,
அந்நியர்களுக்கு முன்போ வரவேண்டும் என்பது தான் பெண்களுக்கு விதிக்கப்பட்டிருக்கும் கட்டுப்பாடு. யாருக்கு எல்லாம் அந்த பெண் மேல் ஆசை வராதோ அத்தகைய ஆண்கள் முன்னால் எல்லாவற்றையும் மூட வேண்டிய அவசியம் இல்லை அதாவது அப்பா, அண்ணா, மாமனார், சிறு குழந்தைகள்.
அந்நிய ஆண்கள் முன் கட்டாயம் மொத்தமாக எல்லாவற்றையும் மூட வேண்டும் ஏனெனில் அவன் இவளது அழகை பார்த்து ஆசைப்படலாம் இவளை அணுகலாம் காதலிக்கலாம்.
அப்போ இங்கு பாதுகாப்பு என்று சொல்லப்படுவது என்ன? சரி அந்த அந்நிய ஆண் உன்னை பலாத்காரம் செய்வான் என்றால் அவனை தானே தண்டிக்க வேண்டும்,
அப்போ இங்கு பாதுகாப்பு என்று சொல்லப்படுவது என்ன? சரி அந்த அந்நிய ஆண் உன்னை பலாத்காரம் செய்வான் என்றால் அவனை தானே தண்டிக்க வேண்டும்,
ஆணுக்கு தானே விருப்பம் இல்லாத பெண்ணை தொடாதே என்று சட்ட திட்டங்கள் போட வேண்டும்? ஆனால் அதை எந்த மதமும் செய்வது இல்லை சும்மா போறபோக்கில் அடுத்தவன் பொண்டாட்டியை பார்க்காதே என்பது போல சொல்லிவிட்டு சென்றுவிடுகிறதே ஒழிய பெண்களுக்கு விதிப்பது போல கடுமையான சட்ட திட்டங்கள் போடுவதில்லை.
ஏன் தெரியுமா? மோசமான ஆண்கள் இருப்பது மற்ற ஆண்களுக்கு ஒரு சாதகம். ஒரு கோட்டை பெரிதாக காட்ட வேண்டுமென்றால் அருகில் சின்னதாக ஒரு கோடு போடவேண்டும் என்பது போல. மோசமான ஆண்கள் இருக்கையில் இந்த சுமாரான ஆண்கள் நல்லவர்களாகி விடுவார்கள்.
அதனால் தான் எப்போதும் இவர்கள் பூனைக்கு மணி கட்டவே மாட்டார்கள். மீனை தான் மூடி வைக்க சொல்லுவார்கள். ஆம்பளைன்னா கொஞ்சம் முன்ன பின்ன அப்படிதான் இருப்பான் அதுதான் அவன் சுபாவம் என்று நியாயப்படுத்துவார்கள்.
எல்லா ஆடை கட்டுப்பாடுகளும் ஆண்களின் காமத்தை அடிப்படையாக கொண்டே இருக்கின்றன. அதை ஆதரிக்கும் ஆண்கள் எல்லாம் மறைமுகமாக தன்னை காமுகவாதி என்று ஒத்து கொள்கிறான்.
கற்பு என்பது பெண்கள் தங்களால் (ஆணாதிக்க சமூகம்) அங்கீகரிக்கப்படாத ஆண்களுடன் உறவு கொள்ளுவதை தடுக்க இந்த சமூகத்தால் உருவாக்கப்பட்ட ஒன்று. கர்ப்பத்தடை பாவம் என்பது ஒருவேளை நாளை கர்பமாகிவிட்டால் அதை கலைக்க கூட முடியாதே என்கிற பீதியில் பெண்ணை சந்தோசத்தை அனுபவிக்க விடாமல் செய்வது.
பொம்பளை சிரிச்ச போச்சு என்றெல்லாம் சொல்லுவது அவளுக்கு தேர்ந்தெடுக்கும் உரிமையை குடுக்க கூடாது என்பதற்காக.
பெண் என்பவள் அவள் விருப்பப்பட்ட ஆணை தேர்ந்தெடுக்கலாம், திருமணத்திற்கு முன்போ பின்போ உடலுறவிற்கு அவளது சம்மதம் மிக முக்கியம், கர்ப்பம் தரித்தலும்,
பெண் என்பவள் அவள் விருப்பப்பட்ட ஆணை தேர்ந்தெடுக்கலாம், திருமணத்திற்கு முன்போ பின்போ உடலுறவிற்கு அவளது சம்மதம் மிக முக்கியம், கர்ப்பம் தரித்தலும்,
தேவை இல்லை என்றால் அதை கலைத்தலும், பிள்ளையே வேண்டாம் என்று முடிவு எடுத்தாலும் அவளது தனிப்பட்ட விருப்பம் மட்டுமே என்றெல்லாம் இந்த சமூகம் ஒப்புக்கொள்ளாதவரை பெண் என்பவள் இப்படி தான் ஆடை அணிய வேண்டும் இங்கு தான் செல்ல வேண்டும்
இன்னாருடன் தான் செல்ல வேண்டும் என்றெல்லாம் இந்த சமூகம் கட்டுப்பாடுகளை விதித்து கொண்டே தான் இருக்கும். அதற்கு காரணம் பெண்ணின் பாதுகாப்பு, குடும்ப அமைப்பு என்றெல்லாம் சப்பை கட்டு கட்டும்.
• • •
Missing some Tweet in this thread? You can try to
force a refresh
