Thread by @Arshe530

تھینک یو الله میاں
یہ تحریر آپ کو رلا دے گی

8سالہ مامون گھر کےصحن میں بیٹھا اسکول ورک دیکھنے میں مصروف تھا 5سال چھوٹی مائرہ کھڑی انگوٹھا چوس رہی تھی۔ اچانک دروازے پر دستک ہوئی تو مامون نے باہر کیطرف دوڑ لگا دی۔آج بھی ہمیشہ کیطرح دروازے پر اسرار انکل کو دیکھ کر سہم گیا، اسےعلم
⬇️

تھا کہ اسرار انکل روزانہ کیطرح اسے اور اس کی مما کو جلی کٹی سُنائیں گے اور وہی ہوا
اسرار صاحب خوب گرجے برسے ان کےواپس جاتےہی مامون سہماہوا اپنی ماں کے پاس چلا آیا۔
مماجی! اسرار انکل ہم سے روزانہ پیسے کیوں مانگنے آجاتے ہیں کیا ہمارے پاس ان کو دینے کے لئے بہت سارےپیسےنہیں ہیں ؟
⬇️

مامون نے معصومیت بھرے لہجے میں اپنی ماں سےسوال کیا تو ماں نے ایک سرد آہ بھر کر 6 ماہ کی گڑیا رانی کو چارپائی سے اٹھایا اور کرائے کے مکان پر نظرڈال کر آنکھوں میں آنسو لئے کمرے میں چلی گئی
ننھا مامون یہ منظر دیکھ کر حسبِ معمول آج بھی افسردہ ہوگیا۔ مما جی مجھے دودھ پینا ہے۔
⬇️

3سالہ مائرہ نے اپنی توتلی زبان میں آواز لگائی 'چٹاخ' مامون کا ایک زور دار طمانچہ مائرہ کے گال پر لگا مائرہ کی بچی تجھے معلوم نہیں کہ ہمارے پاس دودھ نہیں ہیں مما نے تمہیں کتنی بار بولا ہے کہ ابا جان جب آئیں گے تو دودھ لے آئیں گے، مامون نے روتی ہوئی مائرہ کی طرف غصے کیساتھ دیکھا
⬇️

اور پھر خود بھی آنکھوں میں انسو بھر لایا مگر بابا جان کو گئے ہوئے تو بہت دیر ہوچکی ہے وہ واپس کیوں نہیں آرہے ؟ ننھی مائرہ نے قمیص کے دامن کیساتھ اپنے آنسو پونچھتے ہوئے کہا تو مامون نے ہچکی لیتی ہوئی ننھی مائرہ کو اپنے ساتھ لگا لیا پھر وہ خود بھی اس سوال پر گہری سوچ میں ڈوب گیا
⬇️

اعظم صاحب کو فوت ہوئے دس ماہ کا عرصہ بیت چکا تھا۔ مامون، مائرہ اور چھ ماہ کی گڑیا رانی اپنی مما کے ساتھ کرائے کے مکان میں رہ رہے تھے مائرہ ہمیشہ سوچتی رہتی کہ ان کے پاس دوسرے بچوں کیطرح آئسکریم اور کھلونے کیوں نہیں لیکن مامون اب شاید ان چیزوں کو بھول چکا تھا حالات نے چھوٹی عمر
⬇️

ہی میں اسکی سوچ کا دھارا بدل ڈالا تھا اب وہ بجکی کا بل مکان کا کرایہ، گھرکاراشن اور اسی طرح کے دوسرے الفاظ سے آشنا ہوچکا تھا لیکن ایک بات اس کے ننھے دماغ میں گردش کرتی رہتی ،وہ یہ کہ اگر بابا جان مما کے کہنے کے مطابق کہیں گئے ہیں تو پھر مما روتی کیوں رہتی ہیں یہی سوال اسے تنگ
⬇️

کرتا رہتا تھا، وہ اکثر اسی طرح کے سوالات میں الجھا رہتا تھا۔
مسجد کےخادم نے بجلی کے بل کی دو تین تہیں لگائیں اور اسے مسجد کے چندے والے باکس میں ڈال دیا۔ مامون کھڑا یہ منظر دیکھ رہا تھا۔ یہ ساری صورتحال دیکھ کر وہ ذرا بےچین سا ہو گیا آخر بھاگ کر وہ خادم صاحب کے پاس آیااور بولا
⬇️

انکل بجلی کا بل تو بازار میں دیا جاتا ہے آپ نے ییاں کیوں ڈال دیا ؟
بیٹا یہ مسجد کا بل ہے، اورمسجد اللہ کاگھر ہے اللہ اپنےگھر کے بل کا انتظام خود ہی کرلے گا۔ ہم کمزور بندے بھلا کیا کر سکتے ہیں۔ مسجد کے خادم نے مسکرا کر جواب دیا
انکل! کیا اللہ تعالیٰ کے پاس بہت سے پیسے ہیں۔۔؟
⬇️

مامون نے تجسس سے پوچھا تو خادم بابا مسکرا دیئے اور بولے ہاں بیٹا اللہ کے پاس بہت ذیادہ پیسے ہیں، اتنا کہہ کر بابا ایک جانب چل دیئے۔ یہ سن کر مامون کچھ سوچ میں پڑگیا اور پھر اس نےاپنے گھر کی جانب دوڑ لگا دی گھر پہنچ کر اس نے اپنے سکول بیگ سے کاپی پنسل نکالی اور سب سے چھپ کر کچھ
⬇️

لکھنا شروع کردیا۔ تحریر مکمل کرنے کے بعد اس نے کاغذ کو تہہ کرکے اپنی جیب میں ڈالا اور مسجد کی جانب چل پڑا۔
اس مرتبہ جب مسجدکی انتظامیہ نے چندہ باکس کھولا تو اس میں بجلی کے بل کے علاوہ ایک عدد تڑامڑا سا کاغذ کا ٹکڑا بھی موجود تھا۔ مسجد کمیٹی کے چیئر مین حاجی اللہ بخش صاحب نے
⬇️

بجکی کا بل جیب میں ڈالا اور کاغذ کا ٹکڑا کھول کر پڑھنے لگے ۔یہ ٹوٹی پھوٹی لکھائی میں لکھی ہوئی کوئی عبارت تھی۔
”پیارے اللہ میاں کے نام“
السلام علیکم! پیارے اللہ میاں آپ کو تو معلوم ہی ہے کہ میں کتنا پریشان ہوں اسرار انکل بہت گندے ہیں وہ روزانہ ہمیں اور ہماری مما کو ڈانٹتے ہیں
⬇️

ان کو یہ بھی نہیں پتہ کہ ہمارے پاس کھانے پینے کا سامان لانے کو بھی کچھ نہیں ہے لیکن وہ ہمیں گھر سے نکالنے کی دھمکی دیتے ہیں۔ادھر مائرہ آئسکریم دودھ اور بسکٹ مانگتی رہتی ہے۔ اسے مما ٹال دیتی ہیں، لیکن خود وہ روتی رہتی ہیں۔ میرے پیارے اللہ میاں آپ تو بہت بڑے ہیں نا، بہت بڑے اور
⬇️

آپ کے پاس تو بہت سے پیسے بھی ہوں گے نا، اور میری مما کہتی ہیں کہ آپ کو تو ہماری طرح کسی چیز کی ضرورت بھی نہیں ہوتی۔ پھر آپ اتنے ذیادہ پیسو ں کا کیا کریں گے؟ پیارے اللہ میاں! مجھے پیسوں کی شدید ضرورت ہے میں اپنی مما کو روتے ہوئے نہیں دیکھ سکتا اگر اس دفعہ آپ اپنے گھر یعنی مسجد
⬇️

کا بل نا دیں اور وہ پیسے مجھے ادھار دے دیں تب میرا کام بن سکتاہے، میں، میں وعدہ کرتاہوں پیارے اللہ جی کہ بڑا ہوکر یہ رقم آپ کو ضرور واپس کر دوں گا۔ امی جان کہتی ہیں کہ ہمارے ابوجان بہت ساری چیزیں لینے گئےہوئے ہیں لیکن ابھی تک نہیں لوٹے مجھے سب پتا چل گیا ہے اب پیارے اللہ میاں!
⬇️

آپ ہمیں ہی چیزیں دلا دیں ناں، گھی چینی،دودھ مکان کےکرایہ کیلئے کچھ رقم، مما کے کپڑے اور سبزی وغیرہ اور ہاں چھوٹی گڑیا رانی بہت روتی ہے اس کیلئے ایک چوسنی، مائرہ کے لئے آئسکریم اور میرے لیے اسکول کی فیس اور ہوم ورک کے لئے دو کاپیاں !
نوٹ؛ پیارے اللہ میاں انکار مت کرنا اور نا ہی
⬇️

ابوجان کیطرح دیر لگانا ورنہ میں ناراض ہوجاؤں گا مجھ سے اپنی مماکو خوش دیکھنا چاہتا ہوں۔
آپ کا دوست: مامون اعظم

مسجد کمیٹی کےچیئرمین حاجی اللہ بخش نے جیسے ہی تحریر ختم کی تو انکی آنکھوں میں آنسوئوں کاسیلاب اُمڈ آیا۔ وہ اس ٹوٹی پھوٹی تحریر کو بار بار پڑھ رہے تھے اور پڑھ پڑھ کر
⬇️

چوم رہے تھے ساتھ ساتھ وہ اپنے آپ کو بری طرح کوس بھی رہے تھے پھر حاجی صاحب اسی وقت پرجوش انداز میں اٹھے اور مسجد سے باہر چل دیئے ان کا رخ نامعلوم منزل کیطرف تھا۔ اس تیزی سے مسجد سے نکلتے ہوئے دیکھ کر چند لوگ حیرا ن رہ گئے تھے۔
جیسے ہی دروازے پر دستک ہوئی حسبِ معمول بیچارا مامون
⬇️

بری طرح سہم گیا آج پھر وہ ڈانٹ اور جھڑکیاں سننےکیلئے تیار ہو چکا تھا وہ خوف ذدہ ہوکر دروازے کے قریب پہنچ گیا،پھر باہر قدم رکھتے ہی اس نے ایک الگ منظر دیکھا۔ایک بابا جی دو تین شاپر ہاتھ میں لیے کھڑے تھے۔ انہوں نے یہ شاپر دروازے کے اندر رکھے اور مامون کے سرپر شفقت سے ہاتھ رکھا
⬇️

باباجی یہ کیا اور کس کیلئے ہے ؟مامون نے حیران ہوتے ہوئے بے چینی سے سوال کیا۔
بیٹا کچھ چیزیں ہیں کھا نے کی اور تمہاری کاپیاں ہیں۔بابا جی کی آنکھوں میں نمی تھی, ان کے ہونٹ کپکپا رہے تھے۔
لیکن یہ کس نے بھیجی ہیں ؟ مامون کی آنکھوں میں مذید حیرانی اور چمک پیدا ہوگئی
”اللہ میاں نے“
⬇️

حاجی اللہ بخش صاحب نے جواب دیا اور مامون کے سر پہ شفقت سے ہاتھ پھیرتے ہوئے ایک طرف چل دیے۔ مامون خوشی سے پاگل ہوا جا رہا تھا اس نے اندر کی طرف دوڑ لگادی اور ساری بات مما کو بتا دی اس کی ماں حیرانی سے دوچار تھیں اور قدرے خوش بھی، وہ اللہ کیطرف سے اس غیبی امداد پہ سربسجود ہو چکی
⬇️

تھیں۔ ادھر مائرہ اور مامون خوشی سے دوہرے ہوئے جارہے تھے۔اب دونوں نے آسمان کی جانب منھ کر کے ایک زبردست نعرہ لگایا
”تھینک یو…اللہ میاں… آپ بہت اچھے ہیں…“

تحریر اچھی لگی ہو تو ریٹویٹ کریں
مجھے فالو کرکے فالو بیک لیں
@Arshe530

@threadreaderapp unroll