Thread by @Arshe530

ہم اور ہمارا تعلیمی نظام
پڑھیئے اور سر کجھائیے

تعلیمی درجہ بندی کےاعتبار سے فن لینڈ پہلے اور امریکہ20ویں نمبر پرہے۔ فن لینڈ دنیا کا واحد ملک ہےجہاں مضمون نام کی کوئی شےسکولوں میں نہیں پائی جاتی وہاں کا کوئی بھی سکول زیادہ سے زیادہ195 بچوں پر مشتمل ہوتا ہے اور19 بچوں پر 1 ٹیچر
⬇️

دنیا میں سب سے لمبی بریک بھی فن لینڈ میں ہی ہوتی ہے، بچے اپنےاسکول ٹائم کا 75 منٹ بریک میں گزارتے ہیں، دوسرے نمبر پر 57 منٹ کی بریک نیو یارک کے اسکولوں میں ہوتی ہے ہمارے یہاں والدین کو پتہ چل جائے کہ کوئی اسکول بچوں کو پڑھانے کے بجائے اتنی لمبی بریک دیتا ہے تو وہ اگلے دن
⬇️

ہی بچےاسکول سے نکلوالیں خیر آپ دلچسپ بات ملاحظہ فرمائیں کہ ہفتے میں اسکولوں میں محض 20 گھنٹے پڑھائی ہوتی ہے جبکہ اساتذہ کے 2 گھنٹے روزانہ اپنی ”اسکلز“ بڑھانے پر صرف ہوتے ہیں۔7 سال سے پہلے بچوں کیلئے پورے ملک میں کوئی اسکول نہیں اور 15 سال سے پہلے کسی قسم کا کوئی باقاعدہ امتحان
⬇️

بھی نہیں ہے۔
ریاضی کے ایک استاد سے پوچھا گیا کہ آپ بچوں کو کیا سکھاتے ہیں تو وہ مسکراتے ہوئے بولے: ”میں بچوں کو خوش رہنا اور دوسروں کو خوش رکھنا سکھاتا ہوں، کیونکہ اس طرح وہ زندگی کہ ہر سوال کو با آسانی حل کرسکتے ہیں“
آپ جاپان کی مثال لے لیں تیسری جماعت تک بچوں کو ایک ہی مضمون
⬇️

سکھایا جاتا ہے اور وہ ”اخلاقیات“ اور”آداب“ ہیں۔حضرت علیؓ نے فرمایا ”جس میں ادب نہیں اس میں دین نہیں“ مجھے نہیں معلوم کہ جاپان والے حضرت علیؓ کو کیسے جانتے ہیں اور ہمیں ابھی تک انکی یہ بات معلوم کیوں نہ ہو سکی۔ بہر حال، اس پر عمل کی ذمہ داری فی الحال جاپان والوں نے لی ہوئی ہے۔
⬇️

ایک دوست جاپان گئے ایئر پورٹ پر پہنچ کر انہوں نے اپنا تعارف کروایا کہ وہ ایک استاد ہیں اور پھر ان کو لگا کہ شاید وہ جاپان کے وزیراعظم ہیں۔اشفاق احمد صاحب مرحوم کو ایک دفعہ اٹلی میں عدالت جانا پڑا اور انہوں نے بھی اپنا تعارف کروایا کہ میں استاد ہوں وہ لکھتے ہیں کہ جج سمیت کورٹ
⬇️

میں موجود تمام لوگ اپنی نشستوں سے کھڑے ہوگئے اس دن مجھے معلوم ہوا کہ قوموں کی عزت کاراز استادوں کی عزت میں ہے۔یہ ہے قوموں کی ترقی اور عروج و زوال کا راز۔
جاپان میں معاشرتی علوم پڑھائی نہیں جاتی ہے کیونکہ یہ سکھانے کی چیز ہے پڑھانے کی نہیں اور وہ اپنی
نسلوں کو بہت خوبی کیساتھ
⬇️

معاشرت سکھا رہے ہیں۔ جاپان کے اسکولوں میں صفائی ستھرائی کیلئے بچے اور اساتذہ خود ہی اہتمام کرتے ہیں، صبح 8 بجے اسکول آنے کے بعد سے 10 بجے تک پورا اسکول بچوں اور اساتذہ سمیت صفائی میں مشغول رہتا ہے۔دوسری طرف آپ ہمارا تعلیمی نظام ملاحظہ کریں
جو صرف نقل اور چھپائی پر مشتمل ہے۔
⬇️

ہمارے بچے 'پبلشرز' بن چکے ہیں آپ تماشہ دیکھیں جو کتاب میں لکھا ہوتا ہے اساتذہ اسی کو بورڈ پر نقل کرتے ہیں بچے اسی کو کاپی پر چھاپ دیتے ہیں، اساتذہ اسی نقل شدہ اور چھپے ہوئے مواد کو امتحان میں دیتے ہیں، خود ہی اہم سوالوں پر نشانات لگواتے ہیں، خود ہی پیپر بناتے ہیں اور خود
⬇️

ہی اس کو چیک کر کے نمبر بھی دے دیتے ہیں، بچے کے پاس یا فیل ہونے کا فیصلہ بھی خود ہی صادر کردیتے ہیں اور ماں باپ اس نتیجے پر تالیاں بجا بجا کر بچوں کے ذہین اور قابل ہونے کے گن گاتے رہتے ہیں، جن کے بچے فیل ہو جاتے ہیں وہ اس نتیجے ںہر افسوس کرتے ریتے ہیں اور اپنے بچے کو کوڑھ مغز
⬇️

اور 'کند ذہن' کا طعنہ دیتے رہتے ہیں۔ ہم 13، 14 سال تک بچوں کو قطار میں کھڑا کر کرکے اسمبلی کرواتے ہیں اور وہ اسکول سے فارغ ہوتے ہی قطار کو توڑ کر اپنا کام کرواتے ہیں، جو جتنے بڑے اسکول سے پڑھا ہوتا ہے قطار کو روندنے ہوئے سب سے پہلے اپنا کام کروانے کا ہنر جانتا ہے۔
سٹوڈنٹس کا
⬇️

اسکول میں سارا وقت سائنس 'رٹتے' گزرتا ہے, آپ کو پورے ملک میں کوئی ”سائنسدان“ نامی چیز نظر نہیں آئے گی کیونکہ سائنس سیکھنے کی اور خود تجربہ کرنے کی چیز ہے اور ہم اسے بھی رٹا لگواتے ہیں۔
آپ حیران ہوں گے میٹرک کلاس کا پہلا امتحان 1858 میں ہوا اور برطانوی حکومت نے یہ طے کیا کہ
⬇️

برصغیر کے لوگ ہماری عقل سے آدھے ہوتے ہیں اس لیے ہمارے پاس ”پاسنگ مارکس 65 ہیں تو برصغیر والوں کیلئے 32 اعشاریہ 5 ہونے چاہئیں۔ دو سال بعد 1860 میں اساتذہ کی آسانی کیلئے پاسنگ مارکس 33 کر دیئے گئے ہم آج بھی ان ہی33 نمبروں سے سے اپنے بچوں کی ذہانت کو تلاش کرنے میں مصروف ہیں۔
⬇️

آخر میں صرف یہ پوچھنا تھا کہ ہم اپنی آنے والے نسل کو کیا دینا چاہتے ہیں یہ فرسودہ تعلیمی نظام جسکی ہم پیداوار ہیں یا نہیں اس سے بہتر بلکہ سب سے بہترین جو ہماری آنے والی نسلوں کو حقیقی تعلیم سے روشناس کرائے..

ریٹویٹ ضرور کریں
مجھے فالو کرکے فالو بیک لیں
@Arshe530