Thread by @riazhussain1080

#سبسڈی نہیں #مراعات ختم کیجئے
تحریر: وجیہ احمد صدیقی
جناب وزیراعظم صاحب دوسروں کو چور کہنےسےمسئلہ حل نہیں ہوگا عوام کو آپ ٹیکس چورکہتےہیں، اپنےسیاسی مخالفین پر آپ قومی خزانہ لوٹنے کا الزام لگاتے ہیں ۔ان پر مقدمات قائم کرتے ہیں لیکن ثابت کچھ نہیں کرپاتےلیکن اس بیوروکریسی
👇1/27

پر آپ ہاتھ نہیں ڈالتےجو روزانہ قومی خزانے پر ڈاکہ ڈال رہی ہےآئیے ذرا موٹا موٹا حساب لگاتے ہیں پہلے موبائل فون سروس کو لیتے ہیں PTA کے اعداد وشمار کے مطابق ملک میں موبائل فون کے 18کروڑ32لاکھ صارفین ہیں ،اگر انکا اوسط نکالا جائےتو روزانہ 100 روپےکی رقم فی صارف موبائل فون
👇2/27

کمپنیو ں کو وصول ہورہی ہے،جس پر وہ25 روپےیا اس سےبھی زیادہ ٹیکس کی مد میں منہا کرتی ہے۔اس25 روپےکو18کروڑ32لاکھ سےضرب دےد یں۔وہ رقم جو اس مد میں روزانہ 4 ارب 58کروڑ روپے اندازاً حاصل ہوتے ہیں انکو 30 دنوں پر ضرب دیجیئےتو آپکےہوش اڑ جائیں گے۔یہ رقم پاکستان کےکل بجٹ سےکہیں
👇3/27

زیادہ ہوگی۔ہزاروں لٹر پٹرول اورڈیزل روزانہ فروخت ہوتا ہے۔اس میں عملا حکومت50 روپےٹیکس کی مد میں حاصل کرتی ہےایک محتاط اندازےکےمطابق پاکستان میں پانچ لاکھ 56 ہزار بیرل یعنی88کروڑ40 لاکھ 4ہزار لٹرپٹرول کو 50 روپے سے ضرب دے کر جو رقم روزانہ حاصل ہوتی ہے وہ کہاں گئی
👇4/27

44 ارب 20 کروڑ2 لاکھ روپے پٹرول کی آمدنی میں ٹیکس کی مد میں روزانہ وصول کئےجاتےہیں ۔اسکو بھی 30 سے ضرب دے دیجئے بجلی گیس اور ٹیلی فون کےبلوں
سےحاصل ہونےوالے ٹیکس اوربینکوں میں لین دین پر ٹیکس،وغیرہ الگ ہیں۔عوام کی جیب سے روزانہ یہ رقم نکلتی ہےچاہے انکے پاس اپنی ذاتی سواری
👇5/27

ہویا نہ ہو۔ یعنی ٹیکس کی مد میں عوام سے کم سے کم اندازاً روزانہ50 ارب روپے وصول کیےجارہےہیں۔لیکن خرچ کہاں ہورہے ہیں؟

انسٹیوٹ فار ڈویلپمنٹ آف اکنامکس (پائیڈ) کی تازہ ترین رپورٹ میں انکشاف کیاگیا ہےکہ سیکرٹری تعینات ہونےکےبعد گریڈ22کے افسر کی تنخواہ اقوام متحدہ کےافسر

👇6/27

سے بھی زیادہ ہو جاتی ہےجبکہ سرکاری ملازمین کو گھر، ملازمین اور الاؤنس تنخواہ کا حصہ شمار نہیں ہوتے۔انسٹی ٹیوٹ فار ڈویلپمنٹ آف اکنامکس کی رپورٹ کے
مطابق محض بی اے کی ڈگری رکھنے والےسول سرونٹ پرائیوٹ سیکٹر کے مقابلے میں ساڑھے 9 فیصد زیاہ تنخواہ وصول کررہے ہیں۔صرف ایم فل اور
👇7/27

پی ایچ ڈی کرنے والوں کو نجی شعبے میں پرکشش ملازمتیں مل پاتی ہیں۔سول سرونٹ کی آمدن نجی شعبے کی نسبت 20 فیصد زیادہ جبکہ گریڈ 22 کے افسر کی تنخواہ دوسرے افسروں کی تنخواہوں سے دس گنا زائد ہے۔پائیڈ رپورٹ کے مطابق بیوروکریسی خفیہ طورپربہت زیادہ مالی فوائد حاصل کررہی ہے، سرکاری
👇8/27

ملازمین کو گھر، ملازمین اور الاؤنس تنخواہ کا حصہ شمار نہیں ہوتے۔گریڈ 20 کے ملازم کی تنخواہ ایک لاکھ 660 روپے ہے تاہم اس میں مختلف الاؤنسز، گاڑی، میڈ یکل اور گھر کی سہولت شامل کر لی جائے تو ماہانہ آمدن 7 لاکھ 30 ہزار تک پہنچ جاتی ہے۔اسی طرح گریڈ 21 کے افسر کی تنخواہ
👇9/27

ایک لاکھ 12 ہزار کے قریب ہے جو سہولتیں شامل کرنے کے بعد 9 لاکھ 80 ہزار ماہانہ بنتی ہےجبکہ گریڈ 22 کےافسر کی تنخواہ ایک لاکھ23 ہزار 500کےقریب ہےجو دوسری سہولتیں ملانےکےبعد11 لاکھ روپے بن جاتی ہے۔رپورٹ کے مطابق افسران تمام سہولتوں کے باوجود تنخواہوں میں اضافہ چاہتےہیں
👇10/27

جبکہ سرکاری افسروں کو مختلف سہولتوں پرماہانہ 2 ارب 30 کروڑ روپے کے اخراجات آتے ہیں۔(پائیڈ نے محتاط اندازہ لگایا ہے اخراجات اس سے کہیں زیادہ ہوں گے )۔ ہوائی سفر اوردیگر جگہوں پر بعض افسران کو 75 فیصد تک رعایت ملتی ہے ۔قومی اسمبلی کی ویب سائٹ پر قومی اسمبلی کے اراکین
👇11/27

ماہانہ 44 کروڑ88 لاکھ 19 ہزار روپے سے زیادہ کی رقم تنخواہ اورسفری اخراجات کی مد میں لیتے ہیں ۔ایک رکن قومی اسمبلی ہر ماہ سرکاری خزانے سے ایک لاکھ 88 ہزارروپے اوراگر وہ کسی قائمہ کمیٹی کا چیرمین ہوتو2لاکھ 13 ہزارروپے وصول کرتا ہے ۔ سینیٹ کے رکن کی تنخواہ 76 ہزار روپے ہے
👇12/27

سالانہ3لاکھ روپےٹریول الائونس ہےاور کھانے پینے کیلئے90 ہزار سالانہ الگ سے دیےجاتے ہیں ۔ یہ قومی اسمبلی سے کم ہے ۔اسپیکر ڈپٹی اسپیکر ، چیرمین سینٹ اور ڈپٹی چیرمین سینٹ کی تنخواہیں اس میں شامل نہیں ہیں ۔وزراء کی تنخواہیں اس میں شامل نہیں ہیں ۔بھارت میں رکن پارلیمنٹ اور
👇13/27

وزیرکی تنخواہ برابر ہے، پہلے یہ تنخواہ ایک لاکھ تھی اب اسے کم کرکے 70 ہزار کردیا گیا ہے ۔پاکستان میں رکن پارلیمنٹ کی تنخواہ ایک لاکھ 50 ہزار روپے ہے۔گزٹییڈسرکاری ملازمین کو ریٹائر منٹ کے بعد بھی پنشن کی مد میں جو رقم ملتی ہے وہ نجی شعبے کے ملازمین کی تنخواہوں سے کئی گنا
👇14/27

زیادہ ہےاور قومی خزانےکےٹیکس دھندگان پر بوجھ ہے۔صدر پاکستان کی تنخواہ 8لاکھ 46 ہزار روپےہے۔وہ ٹیکس اور بل بھی ادا کرتے ہیں ۔وزیر اعظم کی تنخواہ 10 لاکھ روپے ماہانہ ہے ۔لیکن ان دونوں کے ماہانہ اخراجات ان کی تنخواہوں سے کئی گنا زیادہ ہیں ۔ جبکہ سابق چیف جسٹس ثاقب نثار کو
👇15/27

10لاکھ روپےماہانہ پنشن دیجاتی ہےجو
انکی تنخواہ کا 85% ہےتین ہزار ٹیلی فون کال ماہانہ مفت ہے2ہزار یونٹ بجلی ماہانہ مفت ہے،25 ہیکٹو میٹرز یونٹ گیس مفت ہے،پانی فراہمی مفت ہے اورماہانہ 300 لیٹر پٹرول مفت فراہم کیا جاتاھےاسکے علاوہ انہیں ڈرائیور،اردلی کی تنخواہ بھی دیجاتی ہے
👇16/27

اور 24 گھنٹےایک گارڈ کی ڈیوٹی بھی انکے لئےموجود ہے۔اسی جیسی مراعات بہت سے سابق سیکریٹریز حاصل کرتے ہیں ۔جبکہ محسن پاکستان ڈاکٹر عبدالقدیر خان سے تمام رعایات چھین لی گئی تھیں BBC کی ایک رپورٹ کے مطابق جس میں اس نے پائیڈ کے وائس چانسلر ڈاکٹر ندیم الحق سے گفتگو کی تھی
👇17/27

اور یہ سوال کیاتھا کہ مراعات پاکستان
کےنظام میں کیسےاور کہاں سے آئیں؟پاکستان میں سرکاری شعبےمیں اصلاحات کےحوالے سےماضی میں کئی کوششیں کی گئیں تاہم وہ زیادہ کامیاب نہیں ہو پائیں
ان کوششوں میں بنیادی طور پر سرکاری ملازمین اور خصوصا افسران کو ملنےوالی مراعات ہمیشہ زیرِ بحث
👇18/27

رہی ہیں۔پائیڈ کےوائس چانسلر ڈاکٹر ندیم الحق کےمطابق سرکاری ملازمین کو ملنےوالی مراعات بنیادی طور پر نو آبادیاتی میراث ہے۔ (یعنی دور غلامی کی یاد گار ہے )’ایسٹ انڈیا کمپنی یا انگریز جب برصغیر میں قابض ہوئے تھے تو انھوں نے یہاں کام کرنے والے اپنے افسران کو خوش رکھنےکیلئے
👇19/27

اچھی تنخواہ کےساتھ مراعات بھی دینےکا آغاز کیا تھا۔‘ڈاکٹر ندیم الحق کےمطابق ان افسران کیلئےبڑے گھر اور بنگلےبنائےگئےکئی نوکر چاکر اور ملازمین انھیں ذاتی کاموں کیلئے دیےجاتے تھے اور انکے رہن سہن اور علاج معالجے کا تمام تر خرچ حکومت برداشت کرتی تھی۔انکا کہنا تھا کہ پاکستان
👇20/27

میں ابتدا ہی سے اسی نو آبادیاتی
میراث کے تحت سرکاری افسران کو تنخواہ کے ساتھ ساتھ یہ مراعات دی جاتی رہی ہیں جو کہ اب نظام کا حصہ بن چکی ہیں۔اگر اعلیٰ افسران کو ملنے والی مراعات کو دوسرے زاویے سے دیکھا جائے تو ان کو ملنے والی ماہانہ تنخواہ میں سےاگر مراعات کو نکال دیاجائے
👇21/27

تو ان کی بنیادی تنخواہ بظاہر بہت کم رہ جاتی ہے۔ تو یہاں سوال یہ پیدا ہوتا ہے کہ اتنی کم تنخواہ میں اس درجے کا افسر گزارا کیسے کر سکتا ہے؟پائیڈ کے وائس چانسلر ڈاکٹر ندیم الحق اس بات سے اتفاق کرتے ہیں کہ سرکاری ملازمین یا افسران کی تنخواہ کم نہیں ہونی چاہیے یعنی انکی جیب
👇22/27

میں پیسےہونےچاہییں ورنہ’کرپشن جنم لیتی ہے
تاہم انکے خیال میں’بنیادی تنخواہ کو بڑھاکر مراعات کو ختم کر دینا چاہیےاگر ایک افسر کی تنخواہ کم ہوگی تو وہ بچوں کی تعلیم کا خرچ کیسے برداشت کرے گا
نہیں کر پائےگا تو رشوت لےگا۔ اسلیے اسکی جیب میں تنخواہ کےاچھے پیسے ہونا ضروری ہیں
👇23/27

تاہم ان کا کہنا تھا کہ غیر ضروری مراعات جسے کے مکمل طور پر سرکاری خرچ پر چلنے والی گاڑیاں اور سرکاری گھر ایسی مراعات ہیں جن پر حکومت کو سالانہ
اربوں روپے خرچ کرنا پڑتا ہےیوں انھیں مراعات دینے کی ضرورت ختم ہو جائے گی۔ پلاننگ کمیشن میں ہم نے ایک دفعہ یہ تخمینہ لگایا تھا
👇24/27

کہ اگر اعلٰی درجےکےسرکاری افسران سےتمام تر مراعات واپس لےلی جائیں اور انکی بنیادی تنخواہ کئی گنا بھی بڑھا دیجائےتو حکومت کو سالانہ اربوں روپےکی بچت ہو گی
اسکی مثال دیتےہوئےڈاکٹر ندیم کا کہناتھا کہ ’صرف ان افسران کو ملنے والے وہ گھر جو مکمل طور پر سرکاری خرچ پر چلتے ہیں
👇25/27

جن میں کام کرنےکیلئےملازمین بھی فراہم کئےجاتےہیں،انکا خرچ کئی ارب روپے بنتا ہےانکےخیال میں اگر بنیادی تنخواہ بڑھا دی جائےتو سرکاری افسران کو کیش ملنے والی رقم کئی گنا بڑھ جائے گی اور اس سے وہ اپنی بنیادی ضروریات بھی پوری کر پائیں گے۔‘یہ تو ڈاکٹر ندیم الحق کا مشورہ ہے
👇26/27

جو نہایت صائب ہےقوم کی قسمت کافیصلہ کرنیوالےافسران کوبجلی گیس،پانی،پٹرول ٹیلیفون کی مفت فراہمی بند ہونی چاہیےتاکہ انہیں احساس ہوکہ قوم جو ٹیکس بھی دے رہی ہےاس پر کیا گزرتی ہےاگر یہ مراعات ختم کردیجائیں توIMF کی شرائط پوری کرنے کےقوم کا تیل نہیں نکالنا پڑے گا
End
فالو شیئر رائے🙏