Thread by @LtColShahid

آج بریکنگ خبروں کے بوجھ میں ایک چھوٹے طبقے سے متعلق فرد کی بڑی خبر نیوز اینکروں کے لبوں تک آنے کے لئے احتجاج کرتی رہ گئی
لیکن سامنے رکھے پیرامیٹر تک اس لئیے نہ پہنچ سکی کہ اس کا تعلق میرے اور آپ کے طبقے سے تھا لعل خان راولپنڈی کی اڈیالہ جیل کا قیدی تھا
⏬

اس پر اغواء برائے تاوان کا جرم تھا
(میں اس بحث میں نہیں پڑتا کہ سزا درست تھی یا وہ رگڑے میں آیا)
لیکن بتانے والی بات یہ ہے کہ لعل خان کو کینسر نے آ لیا جیل میں کیا علاج ہوتا ہے بتانے کی ضرورت نہیں
⏬

خیر جو بھی ہو سکتا تھا ہوا ہوگا جس کے بعد جیل انتظامیہ نے لکھ کر دے دیا کہ انکے پاس اس علاج کی سہولت نہیں
لعل خان نے 2020 میں طبی بنیادوں پر سزا کی معطلی کے خلاف درخواست دائر کی
بالکل ویسے ہی جیسے میاں نواز شریف صاحب نے لاحق بیماری سے نجات کے لئے درخواست دی تھی
⏬

اور جس پر ہفتہ وار تعطیل کے باوجود لاہور ہائی کورٹ لگی اور فیصلہ کر کے ہی اٹھی
انسانیت کے ناطے نوازشریف کی سزا معطل کر کے لندن روآنہ کردیا گیا
بالکل یہی کیس لعل خان کا بھی تھا اسے کوئی آسیب یا اوپر کی جھپٹ نہ تھی کہ کسی کو پتہ نہ چلتا اسے کینسر تھا
⏬

رپورٹوں کا پلندہ تصدیق کر رہا تھا کہ وہ لمحہ لمحہ موت کے منہ میں جارہا ہے وہ علاج کرانا چاہتا تھا جینا چاہتا تھا کہ اسکی سانسیں اپنے پیاروں کے درمیان اکھڑیں
اس نے علاج کے لئیے سزا کی معطلی کے لئیے عدالت میں درخواست دائر کی جس کی سماعت پورے دو برس
⏬

بعد گزشتہ روز سپریم کورٹ میں ہوئی
ملک کی سب سے بڑی عدالت میں پٹے والے نے لعل خان کا نام اس کی ولدیت کے ساتھ پکارا
لعل خان کا وکیل علی عمران مائی لارڈ کے سامنے پیش ہوا اور بتایا کہ آج عدالت جس لعل خان کی درخواست سن رہی ہے
⏬

وہ تو شنوائی کا انتظار کرتے کرتے 2020 ہی میں جیل کی چار دیواری میں مر گیا
علی عمران نے کہا کہ فروری 2020 میں دائر ہونے والی درخواست آج دو سال بعد سماعت کے لئے مقرر ہوئی
مجھے نہیں معلوم کہ لعل خان کے وکیل کے اس انکشاف پر جسٹس اعجاز الاحسن کے چہرے کے کیا تاثرات ہوں گے
⏬

لیکن مجھے ندامت اور شرم محسوس ہو رہی ہے کہ میں ایسے معاشرے کا حصہ ھوں جہاں انصاف بھی اسٹورٹ ہوگیز کے ڈائمنڈ ایڈیشن کے سوٹ کی طرح لگژری ہے یہ وہ حسینہ ہے جس کی مسکان اور توجہ قسمت والوں کو ہی ملتی ہے اور اب کیا سیلانی یہ بھی بتائے کہ وہ قسمت کے دھنی لوگ کون ہوتے ہیں
⏬

صحیح سمجھے ان کے نام لعل خان ہوں نہ ہوں وہ لعلوں میں کھیلتے بڑے ہوتے ہیں!

#منقول