మనం మరచిన ధర్మదాతలు
The man who once saved Bellary from an epidemic - Right Honorable Kolachalam Venkatrao
శ్రీ కోలాచలం వెంకట్రావు స్వాతంత్ర సమరయోధులు, ధర్మదాత, ప్రముఖ న్యాయవాది, ది లయన్ ఆఫ్ ది బార్, సంఘ సంస్కర్త, భారత జాతీయ కాంగ్రెస్ తొలితరం నాయకులలో ఒకరు,
The man who once saved Bellary from an epidemic - Right Honorable Kolachalam Venkatrao
శ్రీ కోలాచలం వెంకట్రావు స్వాతంత్ర సమరయోధులు, ధర్మదాత, ప్రముఖ న్యాయవాది, ది లయన్ ఆఫ్ ది బార్, సంఘ సంస్కర్త, భారత జాతీయ కాంగ్రెస్ తొలితరం నాయకులలో ఒకరు,
రాజనీతి దురంధరులు, బళ్ళారి మాజీ మున్సిపల్ ఛైర్మన్. విజయనగర సామ్రాజ్య ఆస్థానంలోని విద్వాంసులు మహా వ్యాఖ్యాత అయిన మల్లినాథ సూరి వంశంలో కోలాచలం వెంకట్రావు గారు 1850 ఫిబ్రవరి 28న బళ్ళారి లో జన్మించారు. వీరి తండ్రి కోలాచలం సేతుపతి శాస్త్రి అనెగొంది సంస్థానంలో దివాన్ గా ఉండేవారు.
వీరి సోదరులు ఆంధ్రచరిత్రనాటకపితామహుడు కోలాచలం శ్రీనివాసరావు గారు. ప్రముఖ స్వాతంత్ర్య సమరయోధురాలు, అనంతపురం- బళ్ళారిలలో తొలి వైద్యురాలల్లో ఒకరు అయిన డా. నివర్తి లక్ష్మీదేవి శాస్త్రి వీరి భార్యకు మేనకోడలు.
1902 వ సంవత్సరంలో బళ్లారిలో ప్లేగు వ్యాధి దావానలంలా వ్యాపించింది.
1902 వ సంవత్సరంలో బళ్లారిలో ప్లేగు వ్యాధి దావానలంలా వ్యాపించింది.
అదే సమయంలో బళ్లారి మున్సిపల్ చైర్మన్ గా ఎన్నిక కాబడ్డ వెంకట్రావు గారు రాత్రనక పగలనక కృషిచేసి బళ్ళారి లో ప్లేగు వ్యాధి నిర్మూలనకు పాటుపడ్డారు. ప్లేగు వ్యాధి నివారణకు కు తన స్వంత ఆదాయాన్ని వేల రూపాయలు ఖర్చు పెట్టాడు. అ సమయంలో నిరాశ్రయులకు తన ఇంటి ఆవరణలో ఆశ్రయం ఇచ్చారు.
ఉన్నత విద్యావంతులైన వెంకట్రావు గారు ఆదర్శ భావాలు కలిగిన వ్యక్తి. దివ్యజ్ఞాన సమాజం సభ్యులు. అలాగే బ్రహ్మసమాజ ప్రచారకులైన మన్నవ బుచ్చయ్య పంతులు, మహా సంఘ సంస్కర్త వీరేశలింగం పంతులు వంటి వారితో వీరికి సాన్నిహిత్యం ఉండేది. ఆనాటి సనాతనుల భావాలకు భిన్నంగా బళ్లారిలో తన సొంత ఖర్చుతో,
తన బంగళా ఆవరణలోనే వితంతు పునర్వివాహాలు చేయించారు. చారిటీ బిగిన్స్ అట్ హోమ్ అన్న విధంగా ముందుగా చిన్న వయసులోనే భర్తను కోల్పోయిన తన భార్య మేనకోడలు లక్ష్మీదేవిని తన వద్ద అసిస్టెంట్గా ఉన్న మృత్యుంజయ శాస్త్రికి ఇచ్చి దగ్గరుండి వివాహం జరిపించాడు.
అలా వితంతు పునర్వివాహ చేయించి అయినవారి ఆగ్రహానికి గురయ్యారు. సముద్రయానం చేసినందుకు, వితంతు పునర్వివాహాలు ప్రోత్సహించినందుకు ఆయనను సనాతనులు బహిష్కరించారు. ప్రముఖ కాంగ్రెస్ నాయకులు, భారత జాతీయ కాంగ్రెస్ వ్యవస్థాపక సభ్యులలో ఒకరైన సంబంధం మొదలియార్ తో కలిసి బళ్లారిలో దేవదాసి పద్ధతి,
దేవాలయ ఉత్సవాలు మరియు వివాహ వేడుకలలో భోగం మేళాలు ఏర్పాటుచేసే దురాచారానికి వ్యతిరేకంగా పోరాడారు.
వెంకట్రావు గారు ధర్మదాత. ప్లేగు సమయంలో సొంత ఖర్చుతో అనేక మందికి ఆశ్రయం ఇవ్వడమే కాక వారి దానధర్మాల చిట్టా చాలా పెద్దది. తన నెలవారి ఆదాయంలో నాలుగవ వంతు దానధర్మాలకు వినియోగించేవారు
వెంకట్రావు గారు ధర్మదాత. ప్లేగు సమయంలో సొంత ఖర్చుతో అనేక మందికి ఆశ్రయం ఇవ్వడమే కాక వారి దానధర్మాల చిట్టా చాలా పెద్దది. తన నెలవారి ఆదాయంలో నాలుగవ వంతు దానధర్మాలకు వినియోగించేవారు
వీరేశలింగం పంతులు స్థాపించిన వృద్ధాశ్రమానికి ఐదు వేల రూపాయలు భూరి విరాళం ఇచ్చాడు. కాశీ విశ్వవిద్యాలయానికి కూడా పెద్ద మొత్తంలో విరాళం ఇచ్చారు. 50 వేల రూపాయల వ్యయంతో బళ్లారిలో టౌన్ హాల్ కట్టించారు. 70 వేల రూపాయలు వెచ్చించి 30 వేల గ్రంథాలు ఉన్న గ్రంథాలయాన్ని నెలకొల్పారు.
ఉచిత వైద్యశాలను నిర్మించారు. హిందూ బాలబాలికల కోసం 20 వేల రూపాయలతో ఒక అనాధ శరణాలయం కట్టించారు బళ్లారిలో థియోసోఫికల్ సోసైటీ భవన నిర్మాణానికి భూరి విరాళం ఇచ్చారు. బళ్ళారిలోని అనేక ప్రజోపయోగకరమైన భవనాలకు విరాళాలు ఇచ్చారు.
వెంకట్రావు గారు స్వాతంత్ర సమరయోధులు.
వెంకట్రావు గారు స్వాతంత్ర సమరయోధులు.
నాటి జాతీయ కాంగ్రెస్ ప్రముఖులైన బాలగంగాధర్ తిలక్, అనిబిసెంట్, గోపాలక్రిష్ణ గోఖలే,పండిత మదన మోహన మాలవ్య వంటి వారు వీరికి సన్నిహితులు. 1916లో లోకమాన్య బాలగంగాధర్ తిలక్ ని అరెస్టు చేసినందుకు నిరసనగా తన రైట్ హానరబుల్ బిరుదును త్యజించారు.
మద్రాస్ లెజిస్లేటివ్ కౌన్సిల్ కి జరిగిన ఎన్నికలలో ఆంధ్ర భీష్మగా పేరెన్నికగన్న న్యాపతి సుబ్బారావు గారి అభ్యర్థి కృత్తివెంటి పేర్రాజు గారిని ఓడించి లెజిస్లేటివ్ కౌన్సిల్ సభ్యుడిగా ఎన్నికయ్యారు.
సోర్స్: తిరుమల రామచంద్ర గారి హంపీ నుండి హరప్పా దాకా
#సీమరత్నాలు #సీమచరిత్ర
సోర్స్: తిరుమల రామచంద్ర గారి హంపీ నుండి హరప్పా దాకా
#సీమరత్నాలు #సీమచరిత్ర
• • •
Missing some Tweet in this thread? You can try to
force a refresh
