Thread by @karthickmr

சிறு வயதில் கள்ளக்குறிச்சி அருகில் உள்ள சித்தலூரில் உள்ள எங்கள் குல தெய்வம் கோவிலுக்கு மாட்டுவண்டியில் செல்வோம். இத்தனைக்கும் இது கட்டை வண்டி, டயர் வண்டி கூட கிடையாது.

அடுத்து டயர் வண்டியில் செல்ல ஆரம்பித்தோம்.அதுவும் மாட்டு வண்டிதான் ஆனால் சக்கரம் மட்டும் டயர், டுயூப் இருக்கும்

அடுத்து டிராக்டரில் செல்ல ஆரம்பித்தோம். அந்த டிராக்டருக்கு வாங்கிய கடன் கலைஞர் கொடுத்த விவசாயக் கடன் தள்ளுபடியில் தள்ளுபடியானது.

பிறகு சொந்த காரில் செல்லும் வாய்ப்பும் அமைந்தது. கலைஞர் உருவாக்கி வைத்திருந்த இட ஒதுக்கீடு, ஒற்றைச்சாளர முறை போன்ற கல்வி வாய்ப்புகளும்,

கலைஞர் உருவாக்கிய IT கொள்கை(நாட்டிலேயே முதன்முறையாக) மற்றும் டைடல் பார்க் போன்றவற்றால் IT துறையில. வேலை பார்க்கும் வாய்ப்பு கிடைத்தத் காரில் செல்லும் நிலைமை அமைந்தது.

எங்கள் ஊரில் இருந்து குல தெய்வம் கோவிலுக்கு 25 கிமீக்கும் அதிகமாக பயணிக்க வேண்டும். செல்லும் வழி முழுவதும் பெரும்பாலும் வானம் பார்த்த பூமி. ஆடி மாதம் மழை பெய்தால் மட்டுமே மானாவாரி பயிர்களான வரகு, சோளம், கம்பு, எள் போன்றவற்றை விதைக்க முடியும்.

அந்தக் காலக்கட்டத்தைதவிர கட்டாந்தரையாக பாலைநிலம் போலவே பெரும்பாலான நிலங்கள் காட்சியளிக்கும்.

கடந்த முறை அதே வழியில் என் அப்பாவுடன் சென்ற பொழுது எப்படி இங்கெல்லாம் இங்கெல்லாம் தென்னை மரங்கள் வந்தன, பல நிலங்கள் வயக்காடாக மாறியிருக்கின்றது என்று கேட்டேன்.

இதெல்லாம் கலைஞர் இலவச மின்சாரம் கொடுத்த பிறகுதான் என்றார்.

89ல் கலைஞர் விவசாயத்திற்கு இலவச மின்சாரம் கொடுத்த பிறகு, நிலத்தடி நீர் உப்பு தண்ணீராக இல்லாமல் நல்ல தண்ணீர் கிடைக்க வாய்ப்புள்ள இடங்களில் விவசாயிகள் கிணறு வெட்ட, போர்வெல் போட ஆரம்பித்தனர்.

அதன் பலனாக மழையை மட்டும் நம்பி இல்லாமல் விவசாயிகளால் தொடர்ந்து விவசாயம் செய்ய முடிந்தது. அது ஒரு நிலையான வருமானத்தை உறுதி செய்தது.

அது சிலரது பிள்ளைகளை உயர் கல்வி படிக்க வைக்க வாய்ப்பாக அமைந்தது.

ஏன் பன்னாட்டு நிறுவன வேலை வாய்ப்புகளில் தமிழ்நாட்டில் மட்டும் பலதரப்பட்ட பின்ணனி கொண்ட மக்களும் இருக்க இந்தியாவின் மற்ற மாநிலங்களில் இருந்து ஏன் பிற்படுத்தப்பட்ட, பட்டியலின இளைஞர்கள் இருப்பதில்லை என்று யோசித்துப் பார்த்தால் நம் தலைவர்களின் தொலை நோக்குச் சிந்தனை புரியும்.

கலைஞர் 70களிலும், 89லும் உருவாக்கிய மாற்றங்களை மற்ற மாநிலங்களில் 2006க்கு பிறகுதான் யோசிக்கவே ஆரம்பித்தனர்.

அவரின் ஒவ்வொரு பட்ஜெட்டும் பொருளாதார சமூகவியல் மாணவர்கள் தங்களின் PHD படிப்புற்கு ஆய்வுக்காக எடுத்துக்கொள்ளப்பட வேண்டியது.

இங்கு எதுவும் மந்திரத்தில் மாங்காய் காய்ப்பது போல நடந்து விடவில்லை.

அடித்தட்டு மக்களின் வளர்ச்சியை தனது உயிராக மதித்த கலைஞர் போன்றவர்களால்தான் இப்படி தொலை நோக்காக சிந்திக்க முடியும்.

இவற்றை எல்லாம் அவர் வெறும் ஓட்டுகளுக்காக செய்தார் என்று நினைத்தால் உங்களை விட முட்டாள் வேறு யாருமில்லை.

கலைஞர் அடித்தட்டு மக்களுக்காக செய்தவற்றை சொல்லி முடிக்க இந்த ஆயுள் போதாது.
#கலைஞர்