Thread by @RealHauleGluck

#Tanzania: Mvutano mkali unaendelea kutamalaki miongoni mwa watu binafsi, wanaharakati, wanasiasa, vyama vya siasa na viongozi wa chama tawala na vyama vya upinzani na serikali kuhusu uwezekano wa kupatikana Tume Huru ya Uchaguzi na Katiba Mpya kabla ya UCHAGUZI MKUU 2025.

Madai ya Tume Huru yanasukumwa na hoja kwamba uwanja wa shughuli za siasa hauna usawa, bali unaweka mazingira ya kukipa faida zaidi chama tawala, huku kukiwa na madai ya mara kwa mara ya ukiukwaji wa sheria, ukosefu wa uhuru na kuwepo kwa mamlaka makubwa ya Rais juu ya Tume hiyo.

Madai ya Katiba mpya yanasukumwa na dhana kwamba Katiba Mpya ndilo jawabu la mambo mengi yanayolalamikiwa yakiwemo: mfumo wa uendeshaji nchi, madaraka ya Rais, Haki, Usawa, demokrasia, Uhuru wa kufanya siasa, Uhuru wa Mihimili katika kutekeleza majukumu yao na hata Tume Huru.

Uhuru wa Tume na viongozi wake ni miongoni mwa mambo yanayochukua mkondo na kukoleza ajenda ya madai ya Katiba mpya, licha ya Rais Samia Suluhu Hassan mnamo Juni mwaka 2021 kubainisha kuwa mpango wake ni kujikita katika masuala ya uchumi na kuweka kando Katiba Mpya kwa sasa.

Kumekuwa na malalamiko kutoka vyama vya siasa na wadau wengine wa siasa kuhusu michakato ya uchaguzi mkuu, ikiwemo ukosefu wa uhuru wa Tume ya Uchaguzi, jambo ambalo linaungwa mkono na hata viongozi wastaafu walioshiriki Kongamano la viongozi na wadau wa siasa.

Wadau wa siasa na wanazuoni wanashauri kuanza na Katiba Mpya kabla ya Tume Huru ya Uchaguzi huku wadau wengine wakishauri kwamba ianze Tume Huru kabla ya mchakato wa Katiba Mpya uundwaji wake unapingwa na kuaminika kuwa si suluhisho la kudumu katika uwanja wa demokrasia nchini.

kitendawili kigumu kinapatikana kwenye muundo wa Tume Huru; itaundwaje, viongozi watapatikanaje, kwa Katiba hii au ije Katiba Mpya, mamlaka ya uteuzi yatakuwa kwa nani,uendeshaji na vigezo vinavyohitajika kwa wajumbe vitakuja vipya au kubaki vilevie? Maswali ni mengi sana.

Kwa mujibu wa Katiba Ibara ya 74(1) pamoja na vipengele vyake inafafanua vigezo vya watu wanaotakiwa kuwa viongozi wa Tume ya uchaguzi kuwataja kuwa.
Mwenyekiti anatakiwa kuwa Jaji wa Mahakama Kuu au Mahakama ya Rufani au mtu mwenye sifa ya kuwa wakili kwa kwa zaidi ya 15 years.

> Makamu Mwenyekiti anatakiwa Jaji wa Mahakama Kuu ya Mahakama ya Rufani au ni mtu mwenye sifa ya kuwa wakili kwa muda usiopungua miaka 15.

> Wajumbe wa Tume ya Uchaguzi ambao hudumu kwa miaka 5.

> Mkurugenzi wa Uchaguzi ndiye Mtendaji mkuu wa shughuli za Tume ya Uchaguzi.

Viongozi wote hao wa TUME YA UCHAGUZI wanateuliwa na Rais wa Jamhuri ya Muungano wa Tanzania kwa mujibu wa sheria iliyotungwa na Bunge.
Swali pekee lililosalia ni je ikiwa kutakuwa na mabadiliko, ni nani atabeba majukumu ya kuwateua au watapatikana vipi katika mazingira ya sasa?

Sote tunaelewa kwamba Tume ya Uchaguzi ni kioo cha mwenendo wa demokrasia ndani ya Taifa letu. Ni mwakilishi wa uhuru wa taasisi ndani ya taifa. Kwa mujibu wa Katiba ya Tanzania 1977 Ibara ya 74 (6), Tume ya Uchaguzi ina majukumu yafuatayo;

👇🏻

> Kusimamia na kuratibu uandikishaji wa wapigakura katika uchaguzi wa Rais na Wabunge.

> Kusimamia na kuratibu uandikishaji wa wapigakura na uendeshaji wa uchaguzi wa madiwani.

> Kuchunguza mipaka na kuigawa Jamhuri katika maeneo mbalimbali kwa ajili ya uchaguzi wa wabunge.

> Kutekeleza majukumu mengine yoyote kwa mujibu wa Sheria iliyotungwa na Bunge.

> Kusimamia na kuratibu uendeshaji wa uchaguzi wa Rais na Wabunge.

@threadreaderapp unroll