Thread by @anbezhil12

#இதிகாசம் #இதிஹாசம் இதி ஆஸம் என்றாலே 'இப்படி நடந்தது' என்ற பொருள். நடுவிலே ஒரு 'ஹ' போட்டிருப்பதால், 'நிச்சயமாக' 'உறுதியாக' என்று அழுத்தம் கொடுக்கிற பொருள் வரும். எனவே சிறிது கூட பொய்யோ மிகைப்படுத்துதலோ இல்லாமல், உள்ளதை உள்ளபடியே, அவை நடைபெற்ற காலத்திலேயே எழுதப்பட்டவைகளே இதிஹாசம்

(இதிகாசம்) ஆகும். ஶ்ரீராமர் வாழ்ந்தக் காலத்தில் வாழ்ந்திருந்த வால்மீகி மகரிஷியால் இயற்றப்பட்டதே இராமாயணம் (வால்மீகி ராமாயணம்). பஞ்சபாண்டவர்களும், கௌரவர்களும், ஶ்ரீகிருஷ்ணரும் வாழ்ந்திருந்தக் காலத்தில் வாழ்ந்தவரே #வியாசர். வேத வியாச தான் கண்ணால் கண்டவற்றையே மஹாபாரதம் என எழுதினார்.

(தான் சொல்ல, சொல்ல விநாயகரையே எழுத வைத்தார்! வியாசர்). மஹாபாரதப் போரை நேரடியாக அப்படியே பார்க்கும்படியாக, திருதராஷ்டிரனின் தேரோட்டியான சஞ்சயனுக்கு ஞானத்திருஷ்டியை அளித்தார் வேதவியாசர். சஞ்சயன் போரில் நடப்பதை அப்படியே கண்டு பார்வையற்ற திருதராஷ்டிரனுக்குக் கூறி வந்தார். கிருஷ்ணர்,

அர்ஜுனனுக்கு உபதேசித்தக் கீதையையும் கேட்கும் பாக்கியத்தையும் சஞ்சயன் பெற்றார். எனவே இதிஹாசம் என்பது தன் கண்ணால் கண்டவற்றை அப்படியே எழுதியதாகும். வால்மீகி மகரிஷியும், இராமர் பிறந்த வேளை, இராமருக்கு இளவரசு பட்டம் சூட்ட தசரதர் குறித்த நாள், சீதையை ஆஞ்சநேயர் தேடிச் சென்ற வேளை,

சீதையைக் கண்ட நேரம், இராமர் படையுடன் இலங்கைக்குச் சென்ற வேளை, போரின் பொழுது என்று பத்து இடங்களில் அப்பொழுது வானில் இருந்தக் கிரக அமைப்பைப் பற்றி விளக்கமாகக் கூறியிருக்கிறார். அவற்றை இன்றைய அறிவியல் தொழில் நுட்பத்தோடு ஒப்பிட்டுப் பார்த்தாலும் மிகச் சரியாகவே பொருந்தி வருகிறது!

ஸ்ரீராமர் இருந்தபோதே, இராமாயணத்தை வால்மீகி எழுதினார் .
பாண்டவர்கள் இருந்தபோதே, மஹாபாரதத்தை வியாசர் எழுதினார் .
இந்த இரண்டிலும் உள்ள நிகழ்வுகள் நிஜம்தானா என்று சந்தேகப்படுவதற்கு இடமே இல்லை! எனவே இதிஹாசங்கள் வரலாறுகளை விட மிகத் தூய்மையானவை! நம வரலாறுகள் பல, வெளிநாட்டினரால் திரித்து

எழுதப்பட்டவை. ஆனால் இதிஹாசங்களோ, நம் புனிதப் பாரதப் பூமியில் அவதரித்த மகான்களான மகரிஷிகளால் நேரடியாகப் பார்க்கப்பட்டு, அப்படியே எழுதப்பட்டவை. எனவே மிகத் தூய்மையான வரலாறுகளே இதிஹாசங்கள்.
Written by
-கீதப்பிரியை. உமா ராதாகிருஷ்ணன்.