Thread by @anbezhil12

#பஞ்சவன்_மாதேவி #பள்ளிப்படைகோவில் #தாய்க்கொருகோவில்
பட்டீஸ்வரம், தஞ்சை மாவட்டம் கும்பகோணம் வட்டத்தில் உள்ள சிறிய கிராமம். இந்த ஊரின் புகழ் பெற்ற துர்க்கை கோயிலின் வாயிலில் நின்று நேராக பார்த்தால் இரண்டு சாலைகள் இடது வலதாக பிரியும். இடது பக்கம் திரும்பினால் சோழர்களின் பழைய தலை

நகரான "பழையாறை" செல்லும் சாலை, வலது புறம் நடந்தால் ஒரு மசூதி. அப்படியே இன்னும் நடந்தால் ஒரு சிமெண்ட் சாலை பிரிவு, அங்கே தான் பார்க்க நாதியில்லாமல் கிடக்கின்றது இந்த ஆயிரம் வருட அற்புதம்! தஞ்சை பெரிய கோயிலை நிர்மாணித்த ராஜ ராஜ சோழனின் மனைவி தான் பஞ்சவன் மாதேவி. தன்னை மிகுந்த

பாசத்தோடு வளர்த்த சிற்றன்னையின் பிரிவை தாங்க முடியாமல் அவருக்காக ஒரு கோயிலை எழுப்பியுள்ளான் கங்கை முதல் கடாரம் வரை வென்ற #ராஜேந்திர_சோழன். பட்டீஸ்வரத்தின் அருகில் தான் சோழர்களின் மாளிகை இருந்தது. ராஜ ராஜன் தன் மகனிடம் நாட்டை ஒப்படைத்துவிட்டு தன் கடைசி காலத்தை இங்கு தான் கழித்தார்

தன் மனைவியின் பிரிவை தாங்காமல் அடிக்கடி இந்த கோவிலுக்கு வந்ததாக வரலாற்று ஆசிரியர்கள் கூறுகின்றனர். இன்றைக்கும் அந்த ஊரின் பெயர் "சோழன் மாளிகை".
கேட்பாரற்று இடிந்து கிடந்த இந்த கோயிலை சில வருடங்களுக்கு முன் தான் புதுப்பித்து இருக்கிறார்கள். தற்போது இந்த கோயிலை ஊர் மக்களே தற்போது

பார்த்துக் கொள்கிறார்கள். அற்புதமான வடிவில் அமைந்த சிலைகள் இக்கோயிலின் வெளிப் புறத்தில் காட்சியளிக்கின்றன. கோயிலின் உள்ளே முன் பகுதியில் பஞ்சவன் மாதேவியின் சிலை உள்ளது. கோயிலின் கற்பக் கிருகத்தின் வாசலில் இரண்டு துவார பாலகர்கள் சிலைகள் உள்ளன. இவையும் பழுவேட்டறையர் கட்டுமான

வடிவத்தைப் பிரதிபலிக்கும் தன்மையைக் கொண்டவை. கோயிலின் கற்பக்கிருகத்தில் சிவலிங்கம் அமைக்கப்பட்டுள்ளது. அதன் நேரே கீழாக பஞ்சவன் மாதேவியின் பூதவுடல் வைக்கப் பட்டிருக்கின்றது. 1978ம் ஆண்டில் தொல்லியல் அறிஞர் டாக்டர்.நாகசாமி அவர்களின் மாணவர் குழு இக்கோவிலைக் கண்டிபிடித்தனர்.

முடிந்தபோது இக்கோவிலுக்கு சென்று ஒரு விளக்கு ஏற்றுவோம். நம்மை அடக்கி அரசாண்ட இஸ்லாமிய அரசன் கட்டிய தாஜ்மகாலை பார்க்க செல்லும் முன் நம் தேசத்தை நன்முறையில் ஆண்ட ராஜராஜ சோழனின் மனைவிக்கு எழுப்பப்பட்ட கோவிலை சென்று காண்போம்.
சர்வம் ஶ்ரீ கிருஷ்ணார்ப்பணம்
Source:Dr க. சுபாஷினி கட்டுரை