#அறிவோம்_மகான்கள் #ஸ்ரீமன்னார்குடி_பெரியவா 28.5.1815- 4.3.1903
#மகாபெரியவா என்றால் எல்லாருக்கும் தெரியும். மன்னார்குடி பெரியவா என்று ஒருவர் இருந்தார். மகா பெரியவா அவர்களே, ஒருவரை #பெரியவா என்று அழைத்தார் என்றால் அவர் எப்படிப் பட்டவராக இருக்கவேண்டும் என்று கற்பனை செய்து கொள்ளலாம்.
#மகாபெரியவா என்றால் எல்லாருக்கும் தெரியும். மன்னார்குடி பெரியவா என்று ஒருவர் இருந்தார். மகா பெரியவா அவர்களே, ஒருவரை #பெரியவா என்று அழைத்தார் என்றால் அவர் எப்படிப் பட்டவராக இருக்கவேண்டும் என்று கற்பனை செய்து கொள்ளலாம்.
மன்னார்குடி மஹா மஹோபாத்யாய தியாகராஜ மஹி ராஜு சாஸ்திரிகள் தான் அந்த மன்னார்குடி பெரியவா. பாரத்வாஜ வம்ச வேத வியாசர் அவர். அடையபலம் ஸ்ரீ அப்பய்ய தீக்ஷிதர் குடும்பம். திருவாரூர் கூத்தம்பாடி கிராமத்தில் பிறந்தவர். அம்மா மரகதவல்லி ஜானகி அம்மாள். அப்பா மார்க்க ஸஹாய அப்பய்ய தீக்ஷிதர்
மன்னார்குடியில் முதல் அக்ரஹாரத்தில் குருகுலம் அமைத்து ஆயிரக்கணக்கான மாணாக்கர்களுக்கு வேத சாஸ்திரம், அனுஷ்டானம் கிரந்தம் எல்லாம் கற்பித்தார். வெளி மாநிலங்களில் இருந்து வந்து கற்றார்கள். மாணவர்களுக்கு அன்னதானம், வஸ்திரதானம் அநேகர் அளித்தனர். பிள்ளைகள் கற்பதில் ரொம்ப கண்டிப்பாக
இருப்பார். கோபிப்பார். அதே சமயம் திரும்ப திரும்ப சொல்லித் தருவார். ஒவ்வொரு நாளும் நடந்து சென்று கைலாசநாதர் கோவில் அருகே காவேரி ஸ்நானம் செய்வார். சிஷ்யன் பருத்தியூர் கிருஷ்ணா சாஸ்திரிகள் ஒருதடவை தர்க்கத்தில் விடை சொன்னதை அவமரியாதை, கர்வம் என்று எடுத்துக் கொண்டு தண்டித்தார்.
குருகுலத்தை விட்டு அனுப்பினார். கிருஷ்ணா சாஸ்திரி வெளியே சென்று ராமாயண ப்ரவசனங்கள் செய்தார். இதர சிஷ்யர்கள் மூலம் கிரஷ்ண சாஸ்திரியின் பிரசங்கங்கள் நன்றாக இருப்பதை கேள்விப்பட்டு தனது சிஷ்யனின் பிரசங்கத்தை நேரில் சென்று கேட்டவர், மகிழ்ந்தார். ராமனின் கல்யாண குணங்களை பற்றி
பருத்தியூர் கிருஷ்ண சாஸ்திரிகள் கடல் மடை திறந்தாற்போல் பேசிக் கொண்டிருந்தார். அன்று ராமனின் பொறுமை பற்றி பிரசங்கம். என் கண்ணை திறந்துவிட்டது கிருஷ்ணன் பேச்சு என்று சிலாகித்தார் சாஸ்திரிகள். பிரசங்கம் முடிந்து கிருஷ்ண சாஸ்திரிகள் தன் குரு வந்திருந்ததை அறிந்து அவரை நமஸ்கரித்து
கைகட்டி நின்றார். "கிருஷ்ணா, ஸ்ரீ ராமனின் கல்யாண குணங்களை பத்தி நீ பேசினது அற்புதம். அதுவும் பொறுமையைப் பத்தி சொன்னது அபாரம். நீ மஹாநுபாவன். எத்தனையோ ஜனங்களுக்கு நீ உன்னதமான சந்தோஷத்தை தரப்போறே. நாளையில் இருந்து மறுபடியும் வா. உனக்கு நிறைய இன்னும் சொல்லித் தரணும்" என்றார். இந்த
நிகழ்ச்சி ராஜு சாஸ்திரிகளை மாற்றி விட்டது. அவரிடம் இருந்த கோபம் மாயமா மறைந்தது. இரக்க குணம் நிறைந்த அமைதியான, பொறுமையான ஆச்சார்யனாகிவிட்டார். 1864ல் அப்பாவுக்கு சோமயாகம் பண்ணினார். அப்பா சொல்படி அப்பாவின் சகோதரர் அப்பய்ய தீக்ஷிதர் மகன் நீலகண்ட சாஸ்திரியை தத்து எடுத்துக் கொண்டாா்
இருவருமாக குருகுலத்தை நிர்வாகம் செய்தார்கள். பல சந்யாசிகள் கூட வந்து மாணவர்களாக சேர்ந்து வேத சாஸ்திரம் பயின்றார்கள். அந்த குருகுலம் பிற்காலத்தில் சங்கரமடமாகியது. இதற்கு உதவியவர் வேறு யாருமில்லை, பரமாச்சாரியார் தான். அந்த குருகுலத்தில் பல உன்னத மஹான்கள் உருவாகினார்கள். ஒருவரை
பெரியவாள் என சொல்வதானால் அவர் ஞானத்திலும், அன்பிலும், பண்பிலும் தெய்வீகத்திலும், ஆன்மீகத்திலும், தவத்திலும் தியானத்திலும் சிறந்தவராக இருக்க வேண்டும். இதெல்லாமும், இன்னமும் கூட அதிகமாகவும் இருப்பதால் தான் நாம் காஞ்சி முனியை மஹா பெரியவா என்கிறோம். அவரே இன்னொருவரை
#மன்னார்குடி_பெரியவா என்று சொல்லும் போது எவ்வளவு மரியாதைக்கு உரியவர் ராஜு சாஸ்திரிகள்! அவர் தன் பாட்டனாரிடம் சாமவேதம், தந்தையிடம் காவ்யம், நாடகம் அனைத்தும் கற்றார். 15 வயதில் ஸம்ஸ்க்ரிதத்தில் எழுத, படிக்க, பேச, கவி இயற்ற திறன் பெற்றார். மிகப் பெரிய பண்டிதர்களிடம் வேதாந்தம், மகா
பாஷ்யம், மீமாம்சம் பயின்றார். 1887ல் பிரிட்டிஷ் ராணி விட்ட்டோரியாவின் தங்கவிழா. மஹா மஹோபாத்யாய பட்டம் கொடுக்க ராஜு சாஸ்திரிகள் பேர் தேர்வானது. டில்லிக்கு கூப்பிட்டார்கள். நித்ய கர்மாநுஷ்டானம், பூஜைகள் தடை படக்கூடாது என்று போகமாட்டேன், தனக்கு பட்டம் வேண்டாம் என்று சொல்லிவிட்டார்.
இந்திய கவர்னர் ஜெனெரல் தஞ்சாவூர் கலெக்டரை அழைத்து அவர் நேரில் வந்து பட்டத்தை அளித்ததால் பெற்றுக் கொண்டார். மஹா பெரியவா கூட்டிய அத்வைத மாநாடுகள், சபைகளில் பிரதம பண்டிதராக பங்கேற்றவர். ராஜு சாஸ்திரிகள் 30 புத்தகங்கள் எழுதி இருக்கிறார். பல ஆசிரியர்களுக்கு தனது அனுபவங்களை பகிர்ந்து
உள்ளார். வேத சாஸ்த்ர , ஹிந்து நீதி நெறி விஷயங்களில் வழி காட்டியாக இருந்திருக்கிறார். அவர் எழுதிய நூல்கள் எண்ணிலடங்காதவை.அவருடைய சிஷ்யர்கள் பைங்காநாடு கணபதி சாஸ்திரி, பருத்தியூர் கிருஷ்ணசாஸ்திரிகள் ஆகியோர் தங்கள் குருவை பற்றி புகழ்ந்து எழுதி உள்ளனர். காலம் சென்றது. 1903ல் 88 வயது.
சுயமாக எழுந்திருக்க நடக்க முடியாத நிலை. அவர் மருமகள் அவரை கண்ணும் கருத்துமாக கவனித்துக் கொண்டார். ஒரு சமயம் தனக்கு பருத்தியூர் கிருஷ்ண சாஸ்திரி ப்ரவசனங்களை கேட்கவேண்டும் போல் இருக்கிறதே என்றார். செய்தி கிருஷ்ண சாஸ்திரியை எட்டியது. எவ்வளவு குரு பக்தி! கிருஷ்ணசாஸ்திரிகள் உடனே
மன்னார்குடிக்கு ஓடினார். சில மாதங்கள் அங்கேயே தங்கி குருவுக்கு முன்னால் அமர்ந்து பிரத்தியேகமாக அவருக்கும் அவர் குடும்பத்தாருக்கும், நண்பர்கள், சிஷ்யர்களுக்கு மட்டுமாக, அவருக்கு பிடித்த ராமாயண ப்ரவசனங்களைச் செய்தார். மன்னார்குடி பெரியவாளுக்கு மிகுந்த மகிழ்ச்சி. ஆசிர்வதித்தார். அவர
மார்ச் 4, 1903 அன்று 88 வயதில் விதேக முக்தி அடைந்தார். நாடு நகரம் முழுதும் அவரது மறைவுக்கு வருந்தியது.
சர்வம் ஸ்ரீ கிருஷ்ணார்ப்பணம்🙏🏾
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
