Thread by @hamsanandi

Q: ಕರ್ನಾಟಕ ಸಂಗೀತದಲ್ಲಿ ತೆಲುಗು ಭಾಷೆಯಲ್ಲಿ ಹೆಚ್ಚು ರಚನೆಗಳಾಗಿರುವುದಕ್ಕೆ ಕಾರಣ ಏನು? ಕನ್ನಡದಲ್ಲಿ ಯಾಕೆ ಅಷ್ಟು ಆಗಲಿಲ್ಲ?

This needs a long answer - Sharing for those interested, as there is lot of confusion about this point even among music students and pratcitioners of the art!

A: ಇದು ತುಂಬಾ ಒಳ್ಳೆಯ ಪ್ರಶ್ನೆ. ಇಂದಿನ ಕರ್ನಾಟಕ ಸಂಗೀತದಲ್ಲಿ ನಮ್ಮ 18-19 ನೇ ಶತಮಾನದಲ್ಲಿ ಇದ್ದಂತಹ ತ್ಯಾಗರಾಜರ ಪರಂಪರೆಯ ಕೊಡುಗೆ ಅಪಾರ. ತ್ಯಾಗರಾಜರ ಹೆಚ್ಚು ರಚನೆಗಳು ತೆಲುಗು ಭಾಷೆಯಲ್ಲಿ ಇದ್ದವು. ತ್ಯಾಗರಾಗರ ಏಳ್ನೂರಕ್ಕೂ ಹೆಚ್ಚು ರಚನೆಗಳಲ್ಲಿ ಸುಮಾರು ನೂರಕ್ಕೆ ತೊಂಬತ್ತಾದರೂ ತೆಲುಗು ರಚನೆಗಳಾಗಿದ್ದು (1/n)

ಉಳಿದವು ಸಂಸ್ಕೃತ ಭಾಷೆಯಲ್ಲಿವೆ. ತ್ಯಾಗರಾಜರ ಕಾಲಾನಂತರದ ಸಂಗೀತದಲ್ಲಿ ಅವರ ಕೃತಿಗಳು ಹೆಚ್ಚು ಪ್ರಚಾರಕ್ಕೆ ಬಂದವು. ತ್ಯಾಗರಾಜರು ಸುಮಾರು ಅರುವತ್ತೈದು ವರ್ಷ ಸಂಗೀತವನ್ನು ಪಾಠ ಮಾಡಿದ್ದ, ದೊಡ್ಡ ಶಿಷ್ಯಸಮೂಹವನ್ನು ಹೊಂದಿದ್ದ ವಾಗ್ಗೇಯಕಾರರು. ಇಪ್ಪತ್ತನೆ ಶತಮಾನದಲ್ಲಿ ಸಾರ್ವಜನಿಕ ಸಂಗೀತ ಕಚೇರಿಗಳ ಪದ್ಧತಿ ಬಂದಾಗ ಅವರ ರಚನೆಗಳು ಕಚೇರಿಗೆ 2/n

ತುಂಬಾ ಸೂಕ್ತವಾಗಿ ಹೊಂದಿಕೊಂಡವು. ತ್ಯಾಗರಾಜ ರಚನೆಗಳಲ್ಲಿರುವ ಸಂಗೀತ-ಸಾಹಿತ್ಯದ ಹಿತವಾದ ಸಂಯೋಜನೆ,, ಅದರಲ್ಲಿ ಹಲವು ಸಂಗತಿಗಳನ್ನು ಹೊಂದಿದ ಪಲ್ಲವಿ, ಅನುಪಲ್ಲವಿಗಳು, ಮತ್ತು ಸಂಗೀತಕ್ಕೆ ಎಡೆ ಕೊಡುವಂತಹ ಸಾಹಿತ್ಯ, ಕಲಾವಿದನು ಸಂಗೀತ ಅಂಶಗಳನ್ನು ಎತ್ತಿ ತೋರಿಸಲು ಇರುವ ಅವಕಾಶ, ಇತರ ಕೆಲವು ವಾಗ್ಗೇಯಕಾರರ ರಚನೆಗಳಿಗಿಂತ ಹೆಚ್ಚಾಗಿವೆ 3/n

, ಈ ಎಲ್ಲಾ ಕಾರಣಗಳು, ಮತ್ತೆ, ತ್ಯಾಗರಾಜರ ಬಹಳ ದೊಡ್ಡ ಶಿಷ್ಯರ ಪರಂಪರೆ ಅವರ ರಚನೆಗಳನ್ನು ಬಹಳ ಜನಪ್ರಿಯವಾಗಿ ಮಾಡಿತು. ಮುಂದೆ ಅವರ ಶಿಷ್ಯ ಪರಂಪರೆಯವರಾದ ಪಟ್ಟಣಂ ಸುಬ್ರಮಣ್ಯ ಅಯ್ಯರ್, ಮೈಸೂರು ವಾಸುದೇವಾಚಾರ್ಯ ಮೊದಲಾದವರೂ, ತ್ಯಾಗರಾಜರ ಮೇಲ್ಪಂಕ್ತಿಯನ್ನೇ ಅನುಸರಿಸಿ, ಹೆಚ್ಚು ರಚನೆಗಳನ್ನು ತೆಲುಗಿನಲ್ಲಿಯೇ ಮಾಡಿದ್ದಾರೆ..4/n

ಹಾಗಾಗಿ ನಾವಿವತ್ತು ತೆಲುಗಿನ ರಚನೆಗಳನ್ನು ಹೆಚ್ಚಾಗಿ ನೋಡುತ್ತೇವೆ.

ಹಾಗೆಂದು ಕನ್ನಡದಲ್ಲಿ (ಅಥವಾ ಇತರ ಭಾಷೆಗಳಲ್ಲಿ) ಒಳ್ಳೆಯ ಸಂಗೀತರಚನೆಗಳಿ ಇಲ್ಲವೆಂದಿಲ್ಲ. ಹಲವಾರು ವಾಗ್ಗೇಯಕಾರರು ಕನ್ನಡದಲ್ಲಿ ರಚನೆಗಳನ್ನು ಮಾಡಿದ್ದಾರೆ. ಕೆಲವು ಬೆಳಕಿಗೆ ಬಂದಿದೆ. ಆದರೆ ಬರಬೇಕಾದಷ್ಟು ಬಂದಿಲ್ಲ ಎನ್ನುವುದು ಬೇಸರದ ಸಂಗತಿ.5/n

ಆದರೆ ಇದರಲ್ಲಿ ಯಾವ ಹುನ್ನಾರವನ್ನು ಹುಡುಕುವ ಅಗತ್ಯವಿಲ್ಲ. ಸಂಗೀತದಲ್ಲಿ ಯಾವುದನ್ನು ಜನರು ಹೆಚ್ಚು ಕೇಳುತ್ತಾರೋ, ಅಂತದ್ದನ್ನೇ ಹೆಚ್ಚಾಗಿ ಸಂಗೀತಗಾರರು ಹಾಡುತ್ತಾರೆ. ಮತ್ತೆ ಯಾವುದನ್ನು ಸಂಗೀತಗಾರರು ಹಾಡುತ್ತಾರೋ ಅದನ್ನೇ ಜನ ಕೇಳುತ್ತಾರೆ, ಮತ್ತೆ ಮತ್ತೆ ಕೇಳಲು ಬಯಸುತ್ತಾರೆ. ಈ ರೀತಿಯಾಗಿ ತೆಲುಗು ರಚನೆಗಳನ್ನು ಹೆಚ್ಚು ಹೆಚ್ಚು ಕೇಳಿ 6/n

ಜನರಿಗೆ ಅದು ಮೆಚ್ಚುಗೆ ಅಂತ ಎನ್ನಿಸಿರುವುದು ಸಹಜ.
ಯಾವುದೇ ಹೊಸ ರಚನೆಯಾಗಲಿ ಯಾವುದೇ ಭಾಷೆಯಲ್ಲಾಗಲಿ ಬೆಳಕಿಗೆ ಬಂದು ಪ್ರಸಿದ್ಧವಾಗಲು ಕಷ್ಟ ಇದೆ. ಈ ಕಾಲದಲ್ಲಿ ಮಾಡಿದಂತಹ ತೆಲುಗು ರಚನೆಗಳು ಕೂಡ, ಉದಾ- ಬಾಲಮುರಳಿಕೃಷ್ಣ ಅಂತಹ ಹಿರಿಯ ವಾಗ್ಗೇಯಕಾರರ ತೆಲುಗು ರಚನೆಗಳೂ ಕೂಡ, ಹಿಂದಿನ ತ್ಯಾಗರಾಜರ ಅಥವಾ ಮೈಸೂರು ವಾಸುದೇವಾಚಾರ್ಯರ 7/n

ತೆಲುಗು ರಚನೆಗಳಷ್ಟು ಜನಪ್ರಿಯತೆಗೆ ಮುಟ್ಟಿಲ್ಲ. ಸಂಗೀತದ ಗುಣಮಟ್ಟ ಎಷ್ಟೇ ಚೆನ್ನಾಗಿದ್ದರೂ ಕೂಡ, ಹೊಸ ಸಂಗೀತ ಕೃತಿಯು ನೆಲೆ ನಿಲ್ಲಲು, ಅದು ಅದರ ಕಾಲವನ್ನು ತೆಗೆದುಕೊಳ್ಳುತ್ತವೆ. ಜನ ಅದನ್ನು ಮೆಚ್ಚಿದ ನಂತರ ಕಾರ್ಯಕ್ರಮಗಳಲ್ಲಿ, ಸಂಗೀತ ಕಚೇರಿಗಳಲ್ಲಿ ಕಲಾವಿದರು ಹಾಡ್ತಾರೆ. 8/n

ಅದನ್ನು ಜನ ಕೇಳಿ ಮೆಚ್ಚಲು, ಕಲಾವಿದರು ಮೊದಲು ಅವುಗಳನ್ನು ಹಾಡಬೇಕಲ್ಲ! ಹಾಗಾಗಿ ಕೋಳಿ ಮೊದಲ ಅಥವಾ ಮೊಟ್ಟೆ ಮೊದಲ ಅಂತ ಹೇಳುತ್ತಾರಲ್ಲ ಹಾಗೆ ಒಂದು ಕಷ್ಟದ ಸಮಸ್ಯೆ. ಅಷ್ಟು ಸುಲಭವಾಗಿ ಬಗೆಹರಿಸಲು ಸಾಧ್ಯವಿಲ್ಲ.ಕನ್ನಡ ರಚನೆಗಳನ್ನು ಹೆಚ್ಚು ಜನ ಕೇಳಿ ಮೆಚ್ಚಿದರೆ ಅದನ್ನು ಸಂಗೀತಗಾರರು ಅವನ್ನು ಹಾಡಲು ಪ್ರಾರಂಭಿಸುತ್ತಾರೆ ಎಂಬುದೂ ಸತ್ಯ 9/n

ಹಿಂದಿನ ಪುರಂದರದಾಸರ ಮತ್ತು ಇತರ ದಾಸರುಗಳ ಸಾವಿರಾರು ರಚನೆಗಳಿದ್ದರೂ. ಅವುಗಳೆಲ್ಲದರ ಸಂಗೀತ ಇಂದು ನಮಗೆ ಉಳಿದಿಲ್ಲ. ಆ ರಚನೆಗಳ ಸಾಹಿತ್ಯ ಮಾತ್ರ ಇದ್ದು ಮೂಲದ ಸಂಗೀತ ಇಲ್ಲದೆ ಇರುವುದರಿಂದ, ಒಬ್ಬರ ರಚನೆಗೆ ಮತ್ತೊಬ್ಬರ ಸಂಗೀತವನ್ನು ಹೊಂದಿಸುವುದೇ ಆಗಿರುತ್ತದಾದ್ದರಿಂದ ಇವುಗಳಲ್ಲಿ ಅನೇಕ ರಚನೆಗಳು, ಸಂಗೀತದ ಲೆಕ್ಕದಲ್ಲಿ ತ್ಯಾಗರಾಜರ 11/n

ಮತ್ತು ಬೇರೆ ವಾಗ್ಗೇಯಕಾರರ ಕೃತಿಗಳ ಮಟ್ಟಕ್ಕೆ ಹೋಗದೆ ಇರಬಹುದು. . ಆ ಕಾರಣದಿಂದಾಗಿ ಅಂತಹ ರಚನೆಗಳು ಅಷ್ಟು ಜನಪ್ರಿಯ ಆಗದೆ ಇರಬಹುದು.
ಇಂದು ಕನ್ನಡದಲ್ಲಿ ಕರ್ನಾಟಕ ಸಂಗೀತದ ಹಲವು ರಚನೆಗಳನ್ನು ಮಾಡಿರುವ ಹಲವು ಸಮಕಾಲೀನ ವಿದ್ವಾಂಸ ವಿದುಷಿಯರಿದ್ದಾರೆ. ಅವುಗಳಲ್ಲಿ ಒಳ್ಳೆಯ ಅಂಶಗಳನ್ನು ಗುರುತಿಸಿ ಬೆಳೆಸಬೇಕಾದ್ದು ಕೇಳುಗರ ಜವಾಬ್ದಾರಿ. 12/n

ನಾನು ಕೂಡ ನನ್ನ ಬಹುಪಾಲು ಸಂಗೀತ ರಚನೆಗಳ ಸಾಹಿತ್ಯವನ್ನು ಕನ್ನಡದಲ್ಲೇ ಮಾಡಿದ್ದೇನೆ ಎಂದು ತಿಳಿಸಲು ಹರ್ಷಿಸುತ್ತೇನೆ. 13/13

🙏😀 #EndOfThread #Music #Karnataka #Kannada #Composition #Kriti #Vaggeyakara