Thread by @anbezhil12

#ஶ்ரீகிருஷ்ணன்கதைகள் ஒரு சமயம் நந்தவனத்தில் #ஶ்ரீஅனந்தாழ்வான் பகவானுக்கு அர்பணிக்க துளசி எடுத்துக் கொண்டிருந்த பொழுது பாம்பு ஒன்று அவரை தீண்டி விட்டது. ஆனால் அவரோ அதைப் பற்றி சிறிதும் கண்டு கொள்ளாமல் பகவானுக்கான தன்னுடைய நித்திய சேவையைத் தொடர்ந்து செய்வதிலேயே கண்ணும் கருத்துமாய்

இருந்தார். இதைக் கண்டு பதறிய பக்தர்கள் பாம்பு விஷத்தை போக்க மருத்துவம் பார்க்கும் படி அவரை வேண்டினர். கோயில் முழுவதும் இதே பேச்சாயிற்று. பகவான் ஸ்ரீனிவாசரும் அனந்தாழ்வானிடம் விஷத்தை முறிக்க ஏன் எந்த முயற்சியும் எடுக்கவில்லை என்று வினவினார். அனந்தாழ்வானோ நீங்கள் எந்த விஷத்தை

முறிக்க வேண்டும் என்று கூறுகிறீர்கள்? என்னிடம் அகங்காரம், மமகாரம் என்ற கொடிய இரண்டு பாம்புகள் உள்ளன. அவற்றின் விஷத்தை நான் முறிக்க வேண்டுமா? அல்லது என் உடலை தீண்டிய பாம்பின் விஷத்தை முறிக்க வேண்டுமா? முதல் விஷம் ஆத்மாவை அழிக்கக் கூடியது. அந்த விஷத்தை முறிக்க உங்களை தவிர வேறு

மருந்துவர் யாரும் இல்லை என் உடலைக் கடித்த பாம்பின் விஷமோ ஆத்மாவிற்கு கேடு ஏதும் செய்வதில்லை. அழியும் இந்த உடலுக்கு மட்டுமே கேடு செய்யும். உங்கள் அறிவுரை வேண்டி நிற்கிறேன் என்று கூறினார். ஸ்ரீனிவாசரும் நீ எனக்கு மிகவும் பிரியமானவன். தினசரி உன்னுடைய சகவாசத்தை நான் அனுபவிக்கிறேன்

உன் உடலை நீ புறக்கணித்தால் நான் தான் இழப்பவன். ஆகையால் நீ குணமடையக் கேட்டுக் கொள்கிறேன் என்றார். பதிலுக்கு அனந்தாழ்வான் இந்த அற்ப விஷயத்திற்கு ஏன் இந்த ஆர்ப்பாட்டம், தீண்டிய பாம்பின் விஷம் பலம் மிக்கதாக இருந்தால் புனிதமான விரஜ நதியில் நீராடி வைகுண்டத்தில் எழுந்தருளி இருக்கும்

பகவான் விஷ்ணுவிற்கு சேவை செய்வேன். தீண்டப்பட்ட பாம்பின் விஷத்தை விட நான் பலமானவனாக இருந்தால் ஸ்வாமி புஷ்கரணியில் நீராடி இங்கேயே திருப்பதி ஸ்ரீனிவாச பெருமாளுக்கு சேவை செய்வேன். எங்கிருந்தாலும் எனக்கு பகவான் சேவை உண்டு என்று கூறினார். எங்கு சென்றாலும் அவருக்கு பகவான் சேவை உண்டு

என்பதை உறுதியாக உணர்ந்திருந்ததால் அவருக்கு மரணத்தைக் கண்டு எந்தவிதமான கலக்கமும் இல்லை. நாமும் பகவானுக்கான பக்தித் தொண்டில் ஈடுப்பட்டு மரண பயத்தை நீக்கி பகவானை சென்றடைவோம்.
சர்வம் ஸ்ரீ கிருஷ்ணார்ப்பணம்🙏🏻

திருமலை அனந்தாழ்வான் விஷயமாக திருவேங்கடமுடையான் தானே அருளிச்செய்த தனியன்கள்:
1) அகிலாத்ம குணாவாஸம் அஜ்ஞாநதிமிராபஹம்|
ஆச்ரிதாநாம் ஸுசரணம் வந்தே அநந்தார்யதேசிகம்||
பொருள்:
ஆத்மாவுக்கு இருக்கவேண்டிய அனைத்து குணங்களுக்கும் இருப்பிடமானவரும், அறியாமையாகிற இருளை மீதமில்லாமல் ஆழ்வார்

போக்குபவரும், தம்மை அடைந்த சிஷ்யர்களுக்கு அகலாத தஞ்சமாக இருப்பவருமான அனந்தாழ்வான் என்னும் ஆசார்யரை வணங்குகிறேன்.
2) ஸ்ரீமத்ராமாநுஜாசார்ய ஸ்ரீபாதாம்போருஹத்வயம்|
ஸதுத்தமாங்க ஸந்தார்யம் அநந்தார்யமஹம் பஜே||
பொருள்:
ஸ்வாமி ராமாநுஜருடைய திருவடித்தாமரைகளாக இருப்பவரும், அதனால்

நல்லோர்கள் சென்னிக்கு அணியாக இருப்பவருமான அநந்தாழ்வானை வணங்குகிறேன்.

ஆழ்வார், எம்பெருமானார், ஜீயர், ஶ்ரீ மணவாள மாமுனிகள், தேசிகன் திருவடிகளே சரணம்!