Thread by @anbezhil12

#ஸ்ரீராமானுஜர் ராமானுஜரை ஸ்ரீ ஆண்டாள் நாச்சியாருக்குத் தமையன் என்று சொல்லும் வழக்கம் இருக்கிறது. ஆண்டாள் 7ஆம் நூற்றாண்டைச் சேர்ந்தவர். ராமானுஜரோ 10ஆம் நூற்றாண்டைச் சேர்ந்தவர். ஆனாலும் வாழி திருநாமத்தில்,
திருவாடிப் பூரத்திற் செகத்துதித்தாள் வாழியே
திருப்பாவை முப்பதும் செப்பினாள்

வாழியே
பெரியாழ்வார் பெற்றெடுத்த பெண்பிள்ளை வாழியே
பெரும்பூதூர் மாமுனிக்குப் பின்னானாள் வாழியே
என்று போற்றுகிறோம். இது எவ்வாறு ஏற்பட்டது? ஆண்டாள் அரங்கனை மணந்தால் நூறு தடா (அண்டா) அக்கார அடிசில் நிவேதனம் செய்வதாக மனமார வேண்டிக் கொண்டார்.

நாறு நறும் பொழில் மாலிருஞ்சோலை நம்பிக்கு

நான்
நூறு தடாவில் வெண்ணெய் வாய்நேர்ந்து பராவி வைத்தேன்;
நூறு தடா நிறைந்த அக்கார அடிசில் சொன்னேன்
ஏறுதிருவுடையான் இன்று இவை கொள்ளுங்கொலோ
(நாச்சியார் திருமொழி)
இந்தப் பாசுரத்தில் ஆண்டாள், மாலிருஞ்சோலையில் வாழும் நம்பியே, என்னைக் கோவிந்தனோடு சேர்த்து வைத்தால் உனக்கு 100தடா அக்கார

அடிசிலும், 100 தடா வெண்ணெய்யும் நான் சமர்ப்பிக்கிறேன் என்று வேண்டிக் கொள்கிறாள். பிறிதொருநாளில் ஆண்டாள் ஸ்ரீரங்கத்தில் ரங்கநாதருடன் இரண்டறக் கலந்தாள். இறைவனோடு கலந்தபின் அவளும் இறைவனும் வேறுவேறல்ல. இனி அவளுக்கு அவளே நிவேதனம் செய்துகொள்ள அவசியமும் இல்லை. ஆண்டாள் செய்தது பெயரளவில்

ஆன ஒரு வேண்டுதல். அவள் தனது பாசுரத்திலேயே 'வாய்நேர்ந்து பராவி' என்றுதான் சொல்கிறாள். இறைவனுக்கு விருப்பமானவற்றை அவனுக்கு நிவேதனம் பண்ணுவதன் பலனையும், அதுவும் இயலாதவர்கள் மனதுள் நிவேதனம் பண்ணுவதுபோன்ற பாவனை செய்வதன் பலனையும் விளக்கும் ஓர் அற்புதச் சூத்திரம். அவள் தன் வாய்ச்

சொல்லால் வேண்டிக்கொண்டாள். அதன் பயனையும் அடைந்தாள். ஆனாலும் ராமானுஜர் பாண்டிய நாடு வந்தபோது நாச்சியாரின் வேண்டுதலை நிறைவேற்ற முடிவு செய்தார். நூறு தடா அக்கார அடிசலும் நூறு தடா வெண்ணெய்யும் செய்வித்து #கூடாரவல்லி நாளில் இறைவனுக்குப் படைத்தார். இதைக் கண்ட கோதை நாச்சியாரின் உள்ளம்

நெகிழ்ந்தது. என் பொருட்டு வேண்டுதலை நிறைவேற்றியவனை எண்ணிப் பூரிப்படைந்தார். பூமாதேவியான ஆண்டாளின் தந்தை என விஷ்ணுசித்தர் இருக்க, ஒரு தமையனைப் போலத் தன் வேண்டுதல் நிறைவேற்றிய ராமாநுஜரை அவர் தனது அண்ணனாகவே ஏற்றுக்கொண்டார். ஒரு சிறு குழந்தையின் வடிவெடுத்து, கர்ப்பகிரகத்திலிருந்து

ராமாநுஜரை `அண்ணா' என்றழைத்து ஓடிவந்து கட்டிக்கொண்டாற். என்னே பாக்கியம்! பக்தியால் ராமாநுஜர் பூதேவியையே தமக்கையாகப் பெற்றார். அதனாலேயே அவருக்குக் #கோயில்_அண்ணன் என்கிற திருநாமமும் ஏற்பட்டது. இன்றும் கூடாரவல்லி திருநாளில் இந்த வைபவம் நினைவுகூரப்படுகிறது. அக்கார அடிசலும்,

வெண்ணெய்யும் பெருமாளுக்கு நிவேதனம் செய்யப்பட்டு பக்தர்களுக்குப் பிரசாதம் வழங்கப்படுகிறது. ராமானுஜரை #கோதாக்ரஜர் அல்லது கோயிலண்ணன் என்று அழைப்பார்கள். அக்ரஜன் என்ற ஸம்ஸ்க்ருத சொல்லுக்கு தமையன் அல்லது அண்ணன் என்று பொருள். ஆண்டாள் அல்லது கோதையே அண்ணன் என்று கொண்டதால் அவர் கோதாக்ரஜர்

உடையவர் திருவடிகளே சரணம்
ஆண்டாள் நாச்சியார் திருவடிகளே சரணம்
சர்வம் ஸ்ரீ கிருஷ்ணார்ப்பணம்🙏🏾