Thread by @anbezhil12

#மகாபெரியவா அந்தக் காலத்தில் மெல்லிசை மன்னர் என்றால் எம்.எஸ். விஸ்வநாதன், திரை இசைத் திலகம் என்றால் கே.வி.மகாதேவன். சினிமா உலகில் இசை அமைப்பாளர்களாக இருவரும் கொடிகட்டிப் பறந்தார்கள்.
கர்நாடக இசையில் கரை கண்டவரான கே.வி. மகாதேவன் மகனோ அம்மா தரும் பணத்தில் மேல் நாட்டு ஹிப்பிகளுடன்

பழகி ஊர் ஊராய் சுற்றுகிறார். கே.வி.மகாதேவனுக்கு இசையில் இடையறாத பணி இருந்ததால், தன் கவலையை அதில் மறக்க, திருமதி லீலா மகாதேவனோ பிள்ளைப் பாசத்தில் அனலில் இட்ட மெழுகாகிறார். காரணம், இவர்களின் பிள்ளை இவர்களைப் பிரிந்து, ஒரு நாள் ஹிப்பிகளுடன் எங்கோ சென்று விட்டது தான். அப்போது

அவருக்கு ஆறுதலும், தேறுதலுமா நல்லதொரு ஆலோசனை சொன்னார் ஒருவர். (அவர் யாரென்று பின்னால் தெரியும்)
"காஞ்சி மகா பெரியவாளை தரிசனம் செய்தால் நற்பலன் கிடைக்கும். உங்க பிள்ளை கண்டிப்பா மனம் மாறித் திரும்பி வருவான்!" எனச் சொன்னார். அதோடு அவரே, 'காஞ்சிப் பெரியவரை தரிசிக்க உங்களுக்கு #வாலி

உதவுவார்!" என்றும் சொன்னார். மறுநாளே வீட்டுக்கு வந்த கவிஞர் வாலியிடம், திருமதி கே.வி.எம். அவர்கள் விஷயத்தைச் சொல்ல, அப்பிடியா, அதுக்கென்ன! கரும்பு தின்ன கசக்குமா, நானும் பெரியவரை பார்த்து ரொம்ப நாளாச்சு. நீங்களும் மாமாவும் நாளைக்கே என்னோட வாங்க. என் காரிலேயே போயிட்டு வந்துடலாம்

என்றார் அவர். திருமதி கே.வி.மகாதேவனுக்கு இப்போது வேறு ஒரு சந்தேகம். அவர் அருகில் தம்மை மடத்தில் அனுமதிப்பார்களா என்பது தான், ஏனென்றால் அவர் கே.வி.எம்மை காதலித்து மணம் புரிந்து கொண்டவர். அந்தண வகுப்பினர் அல்ல. மடத்தை ஆளும் அந்த மா முனி, ஜாதி மத பேதம் எனும் மடத்தைச் சேர்ந்தவர் அல்ல

என்று பதில் சொல்கிறார் வாலி. மறுநாள், தேனம்பாக்கம் எனும் இடத்தில் மகா பெரியவா இருப்பதை அறிந்து அங்கே சென்றார்கள் எல்லோரும். மகா பெரியவாளை தரிசித்து அவரை நமஸ்காரம் செய்து எல்லாவற்றையும் சொன்னார்கள். அனைத்தையும் கேட்டுக் கொண்ட அந்த மகான், பதில் எதுவும் சொல்லாமல், திருமதி கே.வி.எம்.

அவர்களை மட்டும் அழுத்தமாக தீட்சண்யமாக ஒரு பார்வை பார்த்து விட்டு, கொஞ்சம் குங்குமத்தை வழங்கிவிட்டு, உள்ளே சென்று விட்டார். மகான் ஆறுதல் சொல்வார், அனுகிரஹம் செய்வார் என்று எதிர்பார்த்தால், அவர் ஒரு வார்த்தைகூட பேசவில்லையே, ஒருவேளை நம் மகன் திரும்ப வரமாட்டானோ என்ற வருத்தத்தோடு

திரும்பினார்கள் அவர்கள்.
வழியில் வாலி அவர்களுக்கு ஆறுதல் சொன்னார். "அந்த மகானின் பார்வை மட்டுமே போதும். அந்த தீட்சண்யமே உங்கள் மகனை திரும்ப வரவழைத்துவிடும். கவலைப்படாமல் வாருங்கள்" என்றார். அவர்கள் வீட்டை நெருங்கிய போது கிட்டத்தட்ட நள்ளிரவு. வீட்டின் வாசலில் இருட்டில் யாரோ

நிற்பது தெரிந்தது. அழுக்கு உடை, பரதேசிக் கோலம் என்று நிழலாகத் தெரிந்தது. ஹிப்பிகளோடு சேர்ந்து விட்ட தங்கள் மகனும் இப்படித்தானே இருப்பான். ஒருவேளை அவன்தான் மனம் மாறி திரும்பி வந்திருப்பானோ. மனதுக்குள் பதைபதைப்போடு காரில் இருந்து இறங்கி அவனை நெருங்கிய திருமதி கே.வி.எம். அப்படியே

சிலிர்த்துப் போனார். ஆமாம் அவர்கள் மகன்தான் திரும்ப வந்திருந்தான். கண்களில் நீர் தளும்ப மகனை அணைத்துக் கொண்டு தேம்பினார் தாய். "இன்னிக்கு காலைல ஒரு பத்து பதினொரு மணி இருக்கும். அப்போதுல இருந்தே, 'இந்த ஹிப்பி சகவாசம் சரிப்பட்டு வராது. உடனே வீட்டுக்குத் திரும்பிடணும்'னு மனசுக்கு

உள்ளே கட்டளை மாதிரி ஒரு குரல் கேட்டுண்டே இருந்தது. நானும் யோசிச்சேன். அது சொல்றதுதான் சரின்னு தோணித்து. அதனால திரும்பி வந்துட்டேன்" என்று சொன்னான் அவர்களின் மகன். மகன் தனக்குள் கேட்டதாகச் சொல்லும் அந்தக் குரல், காஞ்சி மகானின் குரல். இல்லை இல்லை அந்தக் கடவுளின் குரல் என்றே

தோன்றியது, திருமதி கே.வி.எம். அவர்களுக்கு. அங்கேயே நின்று உரக்கச் சொல்லத் தொடங்கினார், 'ஜயஜய சங்கர ஹரஹர சங்கர’ உடனே மக்கள் திலகம் #எம்ஜிஆருக்கு ஃபோன் செய்த அந்த அம்மையார், நா தழுதழுக்க தன் நன்றியை நவில்கிறார். உங்களால எனக்கு என் புள்ளை கெடைச்சுட்டான். இப்போது வாலியிடம்

சொல்கிறார். அந்த மஹா பெரியவரை உங்கள் மூலம் தரிசிக்க சொன்னதே இந்தப் பரங்கி மலையார் தான்! இதில் இன்னொரு முக்கிய விஷயம். பின் ஒரு நாளில் வாலி, இது பற்றி எம்.ஜி.ஆரிடம் கேட்க, அய்யா நானே உங்களிடம் சொல்லியிருந்தால் நீங்கள் கட்டாயப்படுத்தி அவர்களைக் கூட்டிச் சென்றிருப்பீர்கள். அது தவறு.

அவர்களுக்கே அதில் நம்பிக்கை இருந்து உங்கள் மூலம் தரிசிக்க வேண்டும். அதனால் தான் நான் உங்களிடம் நேரிடையாகச் சொல்லவில்லை. எம்.ஜி.ஆரின் விளக்கத்தில் மலைக்கிறார் வாலி!
எப்பொருள் யார் யார் வாய் கேட்பினும் அப்பொருள் மெய்ப்பொருள் காண்பது அரிது
எம்.ஜி.ஆர் செய்தது இதற்கு அருமையான பொருள்.

ஜய ஜய சங்கர ஹர ஹர சங்கர
சர்வம் ஶ்ரீ கிருஷ்ணார்ப்பணம்🙏🏻