Thread by @DrNagajothi11

#BookRecommendation

#Thread

மனநல கோளாறு என்றதுமே பைத்தியமா என்று நினைப்பது தான் பொது புத்தியில் நிலைகொண்டுள்ள எண்ணம். மனநலம் சார்ந்த விழிப்புணர்வு குறைவாக உள்ளது தான் அதற்கு காரணம். ஜனரஞ்சகமாக மனநலம் குறித்து விழிப்புணர்வை ஏற்படுத்துவதில் மனநல மருத்துவர் Dr. ஷாலினி

(1/n)

அவர்களின் பங்களிப்பு யாராலும் மறுக்க முடியாத ஒன்று.

அவ்வகையில் மருத்துவர் ஷாலினி அவர்கள் எழுதிய "மனச்சிறையில் சில மர்மங்கள்" புத்தகம் நமக்கு தெரியாத அல்லது எளிதில் அடையாளம் காணப்படாத மனநல கோளாறுகள் குறித்து சுவாரசியமான கதைகளுடன் எடுத்துரைக்கிறது.

(2/n)

சிறு குழந்தைகள் முதல் 70 வயதை கடந்த முதியவர்கள் வரை சந்திக்கும் சில மனநலம் சார்ந்த பிரச்சனைகளையும், இது மனநல பிரச்சனை தானா என அறிந்து கொள்ள உதவும் சில அறிகுறிகளையும், அதற்கான அறிவியல் காரணத்தையும், மருத்துவரை அணுகி ஆலோசனை பெற வேண்டிய அவசியத்தையும் உணர்த்தும் புத்தகம் இது.

(3/n)

காய்ச்சல் தலைவலி போலத்தான் மனநல பிரச்சனையும்,மருத்துவரை அணுகி சரியான நேரத்தில் சிகிச்சை எடுத்துக் கொண்டால் எளிதில் சரியாகும் ஒரு நோய் அவ்வளவுதான்,ஆனால் மனநலம் சார்ந்து மருத்துவரை அனுகுவதே தனக்கு அவமானம் எனும் எண்ணம் பலருக்கும் உள்ளது,இந்த புத்தகம் அந்த எண்ணத்தை குறைக்கும்.

(4/n)

சுவாரசியமான கதைகளுடன் மருத்துவத் தகவல்கள் சொல்லப்பட்டுள்ளதால் எளிய மக்களுக்கும் எளிமையாய் விளங்கிக்கொள்ள உதவுகிறது.
மனநலம் சார்ந்த விழிப்புணர்வை ஏற்படுத்தும் எளிய புத்தகம், நிச்சயம் படித்துப் பாருங்கள் நிறைய புரிதல்கள் ஏற்படும்.

End ♥️

Kindle Link 👇🏽
amazon.in/dp/B074QJQWMS/…