#ஶ்ரீகிருஷ்ணன்கதைகள் ஸ்ரீராமர் உதித்த ரகுவம்சத்தில் #ஹரிச்சந்திரன் என்ற மஹாராஜா மாபெரும் வேந்தனாக அரசாண்டு வந்தான். அவன் சத்தியத்தையும், நேர்மையையும் உயிர் மூச்சாக கொண்டிருந்தான். அவனுக்கு சந்திரமதி என்ற மனைவியும், லோகிதாசன் என்று மகனும் இருந்தார்கள். நாடு சுபிக்க்ஷமாகவும்
எதிரிகளின் பயமில்லாமல் இருந்தது. ஆனால் விதியின் விளையாட்டால் ஹரிச்சந்திரன் நாட்டை இழக்க நேர்ந்தது, மனைவியையும், மகனையும் விற்கவும் நேர்ந்தது. விதி, பக்திமானான ஹரிச்சந்திரனை மயானத்தை காவல் காக்கும் பணியில் அமர்த்தியது. இந்த இழி நிலையிலும் ஹரிச்சந்திரனும் தன் சுயதன்மையை இழக்காமல் 
அழிவில்லாமல் என்றும் நிலைத்திருக்கும் உண்மையையும், நேர்மையையும் அந்நிலையிலும் விடாமல் கடைப்பிடித்து வந்தான். பல ஆண்டுகள் இந்த நிலைமையில் கழிந்தன. ஒரு நாள் தன் நிலையைக் குறித்து துக்கசாகரம் என்னும் மஹா சமுத்திரம் அரசனை ஆட்கொள்ளத் தொடங்கியது. அதிர்ஷ்டவசமாக அவன் அப்போது கௌதம
மஹரிஷியைக் கண்டான். தன் இரு கரங்களையும் கூப்பி கௌதமரை பணிந்து, சோகம் நிறைந்த தன் வாழ்க்கையின் நிகழ்வுகளை கூறினான். ஹரிச்சந்திரனின் சோகக் கதையைக் கேட்ட கௌதம முனிவர் மிகவும் அதிர்ச்சியடைந்து, இவ்வுலகை வல்லமையுடன் ஆண்ட மாவேந்தனை பிணங்களிலிருந்து துணியை சேகரிக்கும் பணிக்குக் கொண்டு
வந்த விதியின் துரதிர்ஷ்ட விளையாட்டை எண்ணி வருந்தினார். இந்நிலையில் இருந்து மீள அஜா ஏகாதசி உபவாச விரதத்தின் மஹிமையை எடுத்து உரைத்தார். பாபங்களை எல்லாம் நீக்கி, மிக புண்ணிய பலன்களை அளிக்கும் அஜா ஏகாதசி, பாத்ரபத மாத கிருஷ்ணபட்சத்தில் வருகிறது. அஜா/அன்னதா ஏகாதசி மிகவும் மங்களமானது.
அன்று மற்ற விதிமுறைகளை பின்பற்றாமல் முடியாமல் போனாலும், உபவாசத்தை மட்டும் கடைப் பிடித்தாலே அனைத்து பாவங்களை நீக்கும் வல்லமை பெற்றது. நீ செய்த பாக்கியம், இன்றிலிருந்து ஏழாவது நாள் அஜா ஏகாதசி திதி. அன்று பகவான் மஹாவிஷ்ணுவை தியானித்து, உபவாசம் இருந்து, இரவு முழுதும் கண் விழித்து
பகவானின் திருநாமத்தை ஜபித்துக் கொண்டிரு. இதனால், முற்பிறவியின் பாவச்செயல்களின் தளைகளிலிருந்து விடுபடுவாய். ஹரிச்சந்திரா, நான் இங்கு வந்தது, நீ என்னைக் கண்டது எல்லாம் கூட கடந்த காலத்தில் நீ செய்த புண்ணிய தர்ம காரியங்களின் பலனாகத் தான். நீ வருங்காலத்தில் சர்வ மங்களங்களோடும் அனைத்து
பாக்கியமும் பெற்று வாழ என் ஆசிகள் என்று வாழ்த்தி, அரசனின் கண்களிலிருந்து மறைந்தார்.
ஹரிச்சந்திரனும் கௌதம முனிவரின் வார்த்தைகளின்படி புண்ணியங்களை அளிக்கும் அஜா ஏகாதசியன்று விரதம் மேற்கொண்டான். பாண்டவர்களில் யுதிஷ்டிரர், ராஜா ஹரிச்சந்திரா இருவரும் அந்நாளில் உபவாசம் இருந்து விரதத்தை
ஹரிச்சந்திரனும் கௌதம முனிவரின் வார்த்தைகளின்படி புண்ணியங்களை அளிக்கும் அஜா ஏகாதசியன்று விரதம் மேற்கொண்டான். பாண்டவர்களில் யுதிஷ்டிரர், ராஜா ஹரிச்சந்திரா இருவரும் அந்நாளில் உபவாசம் இருந்து விரதத்தை
சரிவர மேற்கொண்டதன் விளைவாக, முற்பிறவியின் பாபங்கள் அனைத்து அழியப் பெற்றான். ஹரிச்சந்திரனின் துன்பங்கள் அனைத்தும் சூரியனைக் கண்ட பனி போல் விலகியது. இவ்விரதத்தின் பலனாக, மாயையால் மாண்டு மீண்டும் புத்துயிர் பெற்ற தன் மகன், மனைவி ஆகியோருடன் இணைந்தான். சொர்க்க லோகத்தில் வசிக்கும்
தேவர்கள், துந்துபி நாதம் ஒலிக்க, மலர்களை ஹரிச்சந்திரன், அவன் மனைவி சந்திரமதி மற்றும் மகன் லோகிதாசன் மீது தூவி வாழ்த்தினர். ராஜா ஹரிச்சந்திரன், தான் செய்த விரதத்தின் பலனாக, இழந்த ராஜ்ஜியத்தையும் எளிதில் மீட்டு ஆனந்தத்துடன் வாழ்ந்தான். இறுதியில் அவன் மட்டுமல்லாமல், அவனுடைய உற்றார்
உறவினர்கள், குடிமக்கள் அனைவரும் அவனுடன் பக்தி லோகத்தை அடையும் பேறு பெற்றனர்.
சர்வம் ஶ்ரீ கிருஷ்ணார்ப்பணம்🙏🏻
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
