Thread by @anbezhil12

#சரஸ்வதி_விளாகம் சரஸ்வதி கோவில் திருத்தல வரலாறு. மயிலாடுதுறை மாவட்டம், சீர்காழி அருகே கொள்ளிடம் ஆற்றின் தென்கரையில் சரஸ்வதி விளாகம் கிராமம் அமைந்துள்ளது. இங்கு ஸ்ரீவித்யா நாயகி உடனாகிய ஸ்ரீ வித்யாரண்யேஸ்வரர் கோவில் அமைந்துள்ளது. இக்கோவிலில் சரஸ்வதிதேவி தனி சன்னதியில் எழுந்தருளி

பக்தர்களுக்கு அருள்பாலித்து வருகிறார். இத்தலத்தில் சரஸ்வதிதேவி சிவலிங்கத்தைப் பிரதிஷ்டை செய்து ஆயக்கலைகள் அறுபத்தி நான்கும் கிடைக்க வேண்டி தவம் இருந்து அருள் பெற்றதாக தல புராணம் தெரிவிக்கிறது. இதனால் இவ்வூர் சரஸ்வதி விளாகம் என்று அழைக்கப்படுவது உடன் சரஸ்வதி தேவியால் ஸ்தாபிக்கப்

பட்ட சுவாமி ஸ்ரீவித்யாரண்யஸ்வரர் அம்பாள் ஸ்ரீவித்யா நாயகி என்ற திருநாமத்தோடு பக்தர்களுக்கு அருள்பாலித்து வருகின்றனர். இக்கோவிலில் சரஸ்வதி பூஜை சிவராத்திரி நவமி திதி நாட்களில் சிறப்பு பூஜைகள் நடைபெறும். இதில் கலந்துகொண்டு சுவாமி, அம்பாள் மற்றும் சரஸ்வதி தேவியை வழிபட்டால் ஞானமும்,

சிறந்த கல்வியும் கிடைக்கும் என்பது ஐதீகம். இத்தகைய சிறப்பு வாய்ந்த கோயிலில் சரஸ்வதி பூஜையின் போது வருடம் தோறும் சிறப்பு வித்யார்த்தி ஹோமம் நடத்தப்பட்டு குழந்தைகளுக்கு கல்வி ஞானம் சிறக்க வித்யாரம்பம் செய்து வைக்கப்படுகிறது மேலும் சுவாமி, அம்பாள் மற்றும் சரஸ்வதி தேவிக்கு சிறப்பு

அபிஷேக, அலங்காரம் நடை பெறுகிறது தொடர்ந்து மகா தீபாராதனை நடத்தப்பட்டு, குழந்தைகள் கல்வியில் சிறக்க வித்தியாரம்பம் செய்து வைக்கப்படுகிறது. அப்போது குருக்கள் வேத மந்திரம் ஓத, ஓதுவார்கள் தேவாரம் இசைக்க, குழந்தைகள் அரிசி மணிகளில் எழுத, அவர்களது நாவில் கோயில் அர்ச்சகர் தேன் கொண்டு

தமிழின் முதல் எழுத்தான 'அ' எழுதினார். பின்னா், குழந்தைகள் கல்வியில் சிறக்கும் வகையில் தா்ப்பை புல்லில் தேனை தொட்டு மந்திரம் ஓதி குழந்தையின் நாவில் எழுதியும், அரிசி போன்ற உணவு தானியத்தில் தமிழ் எழுத்துக்களை எழுதவும் பழக்கப்பட்டது. இதற்கான ஏற்பாடுகளை கிராம பொதுமக்கள் சாா்பில்

கோயில் அா்ச்சகா் இங்கு செய்கிறார். உலகத்திலேயே சரஸ்வதி தேவியால் ஸ்தாபிக்கப்பட்ட சிவாலயம் இங்கு மட்டுமே உள்ளது

ஆலயம் செல்லும் வழி:மயிலாடுதுறை மாவட்டம் கொள்ளிடம் பேருந்து நிலையத்திலிருந்து மேற்கே 2கிமீ தொலைவிலுள்ளது

தொடர்புக்கு: L. ராஜாராமன்
கொன்னகாட்டு படுகை
செல்: 9976868604