Thread by @anbezhil12

#சனாதன_தர்மம்
சனாதன தர்மம் என்பது முக்கியமாக நமது உயிருக்கும் உள்ளத்திற்கும் தொடர்புடைய நியதிகள் (இயற்கை சட்டங்கள், ஒழுக்கங்கள்) என்னவென்று புரிந்து கொண்டு அதனுடைய அடிப்படைத் தன்மையை அறிந்து கொண்டு, நாம் பிறவி பயனை அடைய வேண்டும் என்பதாகும். அடிப்படையை உணர்ந்து கொண்டால் தான் இந்த

வளர்ச்சி சாத்தியமாகும். இந்த அடிப்படை தன்மையை தான் #சனாதன_தர்மம் என்கிறோம்.
உண்ணும் உணவு தானியங்களில் *'நவதானியங்கள்'* என்று ஒன்பது வகையாக நிர்மாணித்து, அந்த தானியங்களுக்கு அதிபதியாக *'நவக்கிரகங்கள்'* என்று ஒன்பது கிரகங்களையும் அமைத்தனர் நம் முன்னோர்கள். நவதானியங்களை 9 என்ற

அவர்கள், திசைகளை எட்டாக பிரித்தனர்.
கிழக்கு
மேற்கு
வடக்கு
தெற்கு
வட கிழக்கு
வட மேற்கு
தென் கிழக்கு
தென் மேற்கு

இசையை ஏழாக கொடுத்தனர்.
ச ரி க ம ப த நி

இசையை ஏழாக கொடுத்த அவர்கள் சுவையை ஆறாக பிரித்தனர்.
இனிப்பு
கசப்பு
கார்ப்பு
புளிப்பு
உவர்ப்பு
துவர்ப்பு

நிலத்தை 5ஆக பிரித்தனர்

குறிஞ்சி (மலைப்பகுதி)
முல்லை ( வனப்பகுதி)
நெய்தல் ( கடல் பகுதி)
மருதம் ( நீர் மற்றும் நிலம்)
பாலை ( வறண்ட பகுதி)

நிலத்தை ஐந்தாக பிரித்த அவர்கள் காற்றை நான்காக பிரித்தனர்.
தென்றல்
வாடை
கோடை
கொண்டல்
கிழக்கிலிருந்து வீசும் காற்று கொண்டல்
தெற்கிலிருந்து வீசும் காற்று தென்றல்

மேற்கிலிருந்து வீசும் காற்று கோடை
வடக்கிலிருந்து வீசும் காற்று வாடை

காற்றை நான்காக பிரித்த ஹிந்து முன்னோர்கள், மொழியை மூன்றாக பிரித்தனர்.
இயல்
இசை
நாடகம்

வாழ்க்கையை இரண்டாக வகுத்தனர்.
அகம்
புறம்
கணவன் மனைவி வாழும் வாழ்க்கை
அக வாழ்க்கை.
வெளியில் இருக்கும் வியாபாரம் மற்றும்

சுய ஒழுக்கம் எல்லாம் புற வாழ்க்கை.
இவற்றை அகநானூறு, புறநானூறு என்று இலக்கியத்தில் தெளிவாக அறியலாம்.
இப்படி பிரித்த அவர்கள்,
#ஒழுக்கத்தை_மட்டும்_ஒன்றாக_வைத்தனர் அதோடு, அதை ‘உயிரினும் மேலாக’ வைத்தனர். இதைத் தான் #திருவள்ளுவர் இரண்டடியில் அழகாகச் சொன்னார்,
ஒழுக்கம் விழுப்பந்

தரலான் ஒழுக்கம் உயிரினும் ஓம்பப் படும்
அந்த ஒழுக்கம் தான் சனாதன தர்மம்.
சனாதனம் என்றால் ‘என்றுமே நிலைத்திருக்கும் தன்மை’ என்று பொருளாகும். இதை #அனந்தம் என்றும் கூறலாம்.
#தர்மம் என்பது ஒரு சட்டம். அதாவது, ஒரு நெறிமுறை-ஒழுக்கம்,
நியதி. உதாரணமாக நாம் சாலையில் சென்றோமானால் இங்கு இடது

பக்கமாக செல்ல வேண்டும். இதுவே அமெரிக்காவில் நாம் வலது புறமாகத் தான் செல்ல வேண்டும். பாரதத்தில் இது தர்மம். அமெரிக்காவில் அதுவே தர்மம். ஆக என்றும் நிலையான, என்றும் மாறாத இயற்கையின் நியதி தான் #சனாதன_தர்மம் இது தான் சரியான வாழ்வியல் நெறிமுறை #ஒழுக்கம். இதை கடைபிடித்தால் மட்டுமே

வாழ்க்கை சிறப்பாக அமையும்.
அதாவது, இயற்கையின் நியதிகளான ஒழுக்கங்களை, சனாதன தர்மத்தை கடைபிடித்தால் தான் வாழ்வில் உயர்வு கிடைக்கும். அந்த ஒழுக்கங்களை சனாதன தர்மத்தை உயிரின் மேலாக போற்ற வேண்டும் என்று கூறியுள்ளார் திருவள்ளுவர். இன்று சமூகத்தில் பலவிதமான சூழ்நிலைகள் உள்ளன. நம்

முந்தைய தலைமுறையினரின் சமூகத்தோடு ஒப்பிட்டுப் பார்த்தால் நிறைய வேறுபாடுகள் உள்ளன. நாளை வேறுமாதிரி இருக்கும். இதைப் போல மனித வாழ்க்கையில் மாறிக் கொண்டேயிருக்கும் விஷயங்களுக்கு சட்டங்களை நாம் வகுத்துள்ளோம். அதைக் கையாளுவது என்பதும் ஒவ்வொரு தலைமுறைக்கும் மாறிக் கொண்டேயிருக்கும்.

ஏனென்றால் சூழ்நிலைகள் மாறிக் கொண்டே இருக்கின்றன. ஆனால் நம் உயிரோடு சம்மந்தப்பட்ட #உள்தன்மை அதாவது இயற்கையின் நியதிகள் என்ற ஒழுக்கங்கள் என்றுமே மாறாதது. இது நிதர்சனமான உண்மை. இதைத் தான் சனாதன தர்மம் என்கிறோம்.
எது என்றுமே மாறாத உண்மையான ஒழுக்கங்களாக உள்ளதோ அதை நோக்கிச் செல்லுதல்,

மற்றும் அதை அடைவதற்கான வழி முறைகளை உருவாக்குதலே சனாதன தர்மமாகும். அனைத்திற்கும் ஒவ்வொரு தர்மமுண்டு.
ராஜ தர்மம், குடும்ப தர்மம், கணவன் தர்மம் மற்றும் மனைவி தர்மம் என்று கூறலாம். அதே போல அந்த வெளிச் சூழல் தொடர்பான பல தர்மங்கள் உள்ளன. அனைத்தும் ஒவ்வொரு தலை முறைக்கும் மாறிக் கொண்டே

இருக்கும். ஆனால் நம் உயிரோடு தொடர்புடைய #ஸ்வதர்மம் மட்டும் என்றுமே மாறுவதில்லை. இதைத் தான் சனாதன தர்மம் என்கிறோம். இதனை வாழ்வியல் நெறிமுறைகளாக
ஒழுக்கங்களாக வகுத்து. உலகின் தலைசிறந்த பண்பாடு, கலாச்சாரத்தை கடைபிடித்து சீரும் சிறப்புமாக வாழ்ந்தார்கள் நம் முன்னோர்கள். இன்று நாம்

கூறும் 'எங்கள் மதம், உங்கள் மதம்' என்பதெல்லாம் தோராயமாக 2000 ஆண்டுகளுக்கு முன்பு தான் தோன்றியுள்ளது. அதற்கு முன் உன் மதம் என் மதம் என்பதில்லை. பிறந்த ஒவ்வொரு உயிரும் இறுதியில் #முக்தி அடைவதே நோக்கமாகும்.
இது நமது அந்தராத்மாவிலேயே (அக ஜீவனிலேயே) உள்ளது. இதற்காகவே மனிதருக்குள்

'தேடல்' என்பது இயற்கையாக படைக்கப் பட்டுள்ளது. அந்தத் தேடலுக்கு ஒரு சரியான நோக்கத்தை அமைப்பதே #ஆன்மீகமாகும்
நாம் நமது பிழைப்பிற்கான தேடலில் உள்ள போது, உணவு உணவு என்றும் பொருள், பணம் என்றும் மனம் சிந்திக்கிறது. அந்தத் தேடல் நிறைவடைந்து விட்டால் சுதந்திரம் என்ற தேடல். அடுத்ததாக

பேரானந்தம் என தேடல் விரிவடைகிறது. அது எல்லோருக்குமே இயற்கையாக அக ஜீவனில் உள்ளது. அதாவது நாம் தற்பொழுதுள்ள நிலையை, வளையத்தைத் தாண்டி வளர வேண்டும் என்ற எண்ணம் எல்லா மனிதனுக்கு இயற்கையாக உள்ளது. அந்த நோக்கத்திற்கு சரியான வழிமுறைகளை அமைத்து கொடுத்தது தான் நமது கலாச்சாரம்.
சைவம்,

வைணவம் போன்ற பல வகையான பிரிவுகள் இருப்பதால் ஒன்றுக் கொன்று எதிரானதல்ல.
திருநீறு,
திருமண்,
சந்தனம்,
குங்குமம்
என்று அவரவர் விருப்பப்படி வைத்துக் கொள்ளலாம். எதுவும் வைக்காமலும் இருக்கலாம். இருப்பினும் நமது நோக்கம் ஒன்றே. அது மனிதனுடைய ஆத்ம #வளர்ச்சி அதாவது, பிறவி பயன்! ஆகவே,

உலகில் உன்னதமான நமது இந்திய
வாழ்வியல் அறநெறிகளான
சனாதன தர்மத்தை கடைபிடிப்போம். இதை விட சிறந்ததான ஒன்று வேறில்லை.
சர்வம் ஶ்ரீ கிருஷ்ணார்ப்பணம்🙏🏻