Thread by @anbezhil12

#மதுரை_ஸ்ரீமீனாட்சிஅம்மன்_பட்டாபிஷேகம் #மீனாட்சி_அம்மன்_திருக்கல்யாணம் #சித்திரை_திருவிழா #கள்ளழகர்_ஆற்றில்_இறங்குவது
முன்பு மதுரையில் சைவப்பிரிவினர் ஸ்ரீ மீனாட்சி சொக்கநாதர் திருமணத்தையும் , மீனாட்சி பட்டாபிஷேகத்தையும் சேர்த்து திருவிழாவாகவும் வைணவப்பிரிவினர் அழகர்கோவிலில்

இருந்து ஸ்ரீ கள்ளழகர் மதுரை வந்து வைகை ஆற்றில் இறங்கி அருள்பாலிக்கும் திருவிழாவையும் தனித்தனியே கொண்டாடி வந்தனர். அந்த காலத்தில் மாசி முதல் ஆடி வரை ஆறு மாதம் மீனாட்சி அம்மனின் ஆட்சி நடைபெறும். ஆவணியில் ஆட்சி பொறுப்பேற்கும் சுந்தரரேஸ்வரர் மாசி மாதம் வரை ஆட்சி நடத்துவார்.

மாசியில் மீண்டும் பட்டத்து அரசியாக ஸ்ரீ மீனாட்சி அம்மன் பொறுப்பேற்கும் திருவிழா மாசி திருவிழாவாக கொண்டாடப்பட்டு வந்தது. மன்னர் #திருமலை_நாயக்கர் இந்த இரண்டு விழாகளையும் ஒருங்கிணைத்து, சித்திரை மாதத்தில், சித்திரை திருவிழாவாக கொண்டாட ஏற்பாடு செய்தார். திருமலை நாயக்கர் ஆட்சிக்

காலத்தில் இருந்து தான் மாசித் திருவிழா சித்திரைக்கு மாற்றப்பட்டு, அழகர் ஆற்றில் இறங்கும் திருவிழா அத்துடன் இணைக்கப் பட்டது. அதனால் தான் மீனாட்சி பட்டாபிஷேகம் தற்போது சித்திரையில் நடக்கிறது. சித்திரை முதல் ஆவணி மாதம் வரை நான்கு மாதங்கள் மட்டுமே அம்பாள் ஆட்சிப் பொறுப்பில் இருப்பாள்

மீதம் உள்ள எட்டு மாதங்கள் ஸ்ரீ சொக்கநாதர் ஆட்சிப் பொறுப்பில் இருப்பார். இந்த வருடம் ஏப்ரல் 23ஆம் தேதி மீனாட்சி அம்மன் கோவிலில் சித்திரை திருவிழா தொடங்கியது. திருவிழாவின் முக்கிய நிகழ்ச்சியான பட்டாபிஷேகம் ஏப்ரல் 30ஆம் தேதி நடைபெற்றது. மே 1ஆம் தேதி மீனாட்சி அம்மன் திக் விஜயமும்,

மே 2ஆம் தேதி மீனாட்சி திருக்கல்யாணமும் நடைபெற்றது. சித்திரை திருவிழாவின் முத்திரை நிகழ்வான 8ஆம் நாள் திருவிழா ஸ்ரீ மீனாட்சி பட்டாபிஷேகம் ஆகும். 30.4.2023 சித்திரை 17 ஞாயிற்றுக்கிழமை தலையில் வைர கிரீடம் சூடி, கையில் நவரத்தின செங்கோல் பிடித்து மதுரை பட்டத்தரசியாக முடி சூட்டப்

போகும் நாள் காலை ஊடல் லீலை நடக்கிறது. இரவு அம்மன் சன்னதி ஆறுகால் பீடத்தில் மீனாட்சியம்மனுக்கு பட்டாபிஷேகம் நடைபெறுகிறது. மீனாட்சி அம்மனுக்கு ஹம்பி நகரத்து மன்னர் ராயர் வழங்கிய ராயர் கிரீடம் எனப்படும் வைரக் கிரீடத்தை பட்டத்து அரசியாக முடி சூட்டுவதற்காக அனுக்ஞை விநாயகர் சன்னதியில்

இருந்து கொண்டு வரப்படும். கூடவே வைரங்கள் பதித்த செங்கோலும் கொண்டு வரப்படும். செங்கோல் கோயில் தக்காரிடம் ஒப்படைக்கப்படும். செங்கோலை பெற்ற தக்கார், சுவாமி சன்னதி 2ம் பிரகாரத்தில் வலம் வந்து மீனாட்சி அம்மனிடம் ஒப்படைப்பார். அம்மனுக்கு பரிவட்டம் கட்டி, கிரீடம் சூட்டப்பட்டு கையில்

செங்கோல் தரப்படும். பின்னர் மீனாட்சிக்கு உரிய வேப்பம்பூ மாலையும் மகிழம்பூ மாலையும் அணிவிக்கப்படும். இதனைத் தொடர்ந்து மீனாட்சி அம்மன் பட்டத்து அரசியாக வெள்ளி சிம்மாசனத்தில் அமர்ந்து நான்கு மாசி வீதிகளிலும் பவனி வந்து காட்சி தருவார். அவருடன் பிரியாவிடையுடன் சுந்தரேசுவரரும், வெள்ளி

சிம்மாசனத்தில் வீதி உலா வந்து பக்தர்களுக்கு அருள்பாலிப்பர். பவனி வரும் பட்டத்தரசியைக் காண விளக்குத்தூண், தெற்குமாசி வீதி, மேலமாசி, வடக்கு மாசி வீதிகளில் மக்கள் கூட்டம் எங்கும் குவிந்திருக்கும். ஒன்பதாம் நாளான திங்கட்கிழமை அம்மனின் திக்விஜயம்! இந்திர விமானத்தில் ஊர்வலம் வரும்

அம்மன் அஷ்ட திக்பாலர்களுடன் சண்டை போடுவது போல் நடக்கும் நிகழ்ச்சி சுவராஸ்யமானது. சித்திரை திருவிழாவின் முக்கிய நிகழ்வான மீனாட்சி அம்மனுக்கு சுந்தரரேஸ்வரருடன் திருக்கல்யாணம். இந்த ஆண்டு மே 2ஆம் தேதி நடந்தது. புத்தம் புது புடவை கட்டி கழுத்து நிறைய நகை போட்டு தங்கள் வீட்டு

திருமணத்திற்கு கிளம்புவது போல பெண்கள் கோவிலுக்கு வந்து புது தாலி மாற்றிக் கொள்வார்கள். திருக்கல்யாணத்தன்று மாலை பூப்பல்லக்கில் பவனி வரும் அம்மை அப்பனை காண்பதற்காகவே மாலை முதலே வீதிகளில் கூட்டம் குவியும். முதலில் யானை, ஒட்டகம் என்று ஒவ்வொன்றாகப் பவனி வர, விநாயகர், முருகனைத்

தொடர்ந்து மல்லிகை, ரோஜா, மனோரஞ்சிதம், பன்னீர்ப் பூக்கள் வாசம் மணக்க தம்பதி சமேதரராய் மீனாட்சி சொக்கநாதர் பூப்பல்லகில் எழுந்து அருளுவர். மே 3ஆம் தேதியன்று மாசி வீதிகளில் தேரோட்டம் நடக்கிறது. அம்மன் திருத்தேரில் ஊர்வலம் வருவதைக் காண மதுரை சுற்றுவட்டார கிராம மக்கள் மாட வீதிகளில்

குவிந்திருப்பார்கள். அதிர்வேட்டு சத்தம் விண்ணை பிளக்க, செண்டை மேளச் சத்தத்துடன், நாதஸ்வரம் மேளதாளம் முழங்க ஆடி அசைந்து வரும் அலங்கரிக்கப் பட்ட பிரம்மாண்ட தேரினை பக்தி பரவசத்துடன் இழுத்துச் செல்வார்கள். தம்பதி சமேதரராக தேரில் வலம் வரும் காட்சியை பார்த்து விட்டு நீர் மோர், பானகம்,

அன்னதானம் சாப்பிட்டு திருப்தியாக தங்கள் வீடு திரும்புவார்கள். ஸ்ரீ மீனாட்சி அம்மனுனுக்கு அண்ணன் ஸ்தானத்தில் இருந்து மீனாட்சி சொக்கநாதர் திருமணத்தை நடத்தி வைப்பதற்காக அதிர்வேட்டு முழங்க மதுரைக்கு வந்து கொண்டிருக்கும் ஸ்ரீ கள்ளழகர் அங்கங்கே பக்தர்கள் செய்யும் பூஜையை ஏற்க வழிநெடுக

மண்டகப்படியில் தங்கியதால் தாமதம் ஏற்பட்டு, முகூர்த்த நேரத்துக்குள் வர முடியாமல் போனதால் சொக்கநாதரே ஸ்ரீ கள்ளழகராகவும் வடிவமெடுத்து மீனாட்சி சொக்கநாதர் திருமணத்தை நடத்தி விடுகிறார். மதுரைக்கு தாமதமாக வந்த ஸ்ரீ கள்ளழகர், திருமணம் முடிந்து விட்டதால் கோபமடைந்து மதுரைக்குள்

செல்லாமல் அழகர் வைகை ஆற்றில் நீராடிவிட்டு தங்கையைக் காணாமலே தனது இருப்பிடம் திரும்ப முடிவெடுக்கிறார். அப்படி வைகைக்கு செல்ல வரும் ஸ்ரீகள்ளழகரை வரவேற்கும் விதமாக மே 4ஆம் தேதியன்று தல்லாகுளத்தில் எதிர்சேவை சாதிக்கப்படும். மே 5ஆம் தேதி சித்திரா பௌர்ணமி அன்று ஸ்ரீ கள்ளழகர் வைகை

ஆற்றில் எழுந்தருளுகிறார். 1000 பொன் சப்ரதுடன் வண்டியூரில் இரவு சைத்யோபாச்சரம் நடைபெறுகிறது. நீராடி விட்டு தங்கையைக் காணாமலே தன் இருப்பிடமான அழகர் கோவிலுக்குத் திரும்புகிறார். இந்த நிகழ்ச்சியே திருவிழாவாக அன்று கொண்டாடப் பெறுகிறது. இந்த விழாவின் போது மக்கள் வெள்ளத்தால் மதுரை

குலுங்குகிறது. ஆனந்தமயமாக மக்கள் காட்சி அளிக்கிறார்கள். நாத்திகம் இருக்கும் இடம் தெரியாமல் ஆத்திகத்தின் ஆதிக்கத்தை நம் கண் குளிர காணலாம்.
சித்திரை திருவிழாவில் பச்சைப் பட்டுடுத்தி தங்க குதிரை வாகனத்தில், ஸ்ரீவில்லிபுத்தூர் ஆண்டாள் சூடிக்கொடுத்த மாலையை அணிந்து கொண்டு கள்ளழகர்,

மதுரையில் வைகை ஆற்றில் இறங்குவார். கள்ளழகரை எதிர்சேவை கொண்டு வரவேற்பார் வீர ராகவ பெருமாள். 6 மே 2023 சனிக்கிழமை திருமாலிருஞ்சோலை ஸ்ரீ கள்ளழகர் வண்டியூரில் தேனூர் மண்டபத்தில் காலையில் சேஷ வாகனத்திலும், மதியம் கருட வாகனத்திலும் தரிசனம் தந்து அருள்கிறார். மாண்டுக மகரிஷிக்கு மோக்ஷம்

கிடைக்க அருள்கிறார். இரவு ராமராயர் மண்டபத்தில் தசாவதாரக் காட்சி.
7 மே 2023 ஞாயிறு காலை மோகனாவதாரம்
தேனூர் மண்டபத்தில் புஷ்ப பல்லக்கில் இரவு கள்ளழகர் திருக்கோல தரிசனம் அருள்கிறார்.
8 மே 2023 திங்கள் ஸ்ரீ கள்ளழகர் திருமலை அழகர்கோவிலை அடைந்து அருள் பாலிக்கிறார்.

வாழ்வில் ஒரு முறையேனும், மதுரைக்காரர் ஆக இல்லாவிடின், சென்று அனுபவிக்க வேண்டிய திருவிழா இந்த சித்திரை திருவிழா. வாழிய மீனாட்சி சொக்கநாதர் ஆட்சி!
வாழிய கள்ளழகர் திருநாமம்.
சர்வம் ஸ்ரீ கிருஷ்ணார்ப்பணம்🙏