Thread by @praboo_mass

#HBDKalaignar96
#HBDKalaignar9t6
ஏன் பிறந்தீர் கலைஞரே!!!?

ஆணென்ன பெண்ணென்ன!? அடிமையென்றான பின்னே,
ஆணவமாய் அடக்கியாண்டால் உனக்கென்ன!?
அடிவயிறு மானம் தின்றே, ஆண்டியாய் ஆண்டையிடம் அல்லலுற்றால் உமக்கென்ன!?
ஆதிக்கத்தை எதிர்த்து நின்ற, பெரியாரை நீ பற்றியதேனோ!?
ஆட்டுவித்தோரை அடக்கி👇

ஆட்டுவித்தோரை அடக்கி வென்ற, அண்ணாவின் இதயத்தை நீ இரவலாய்ப் பெற்றதுமேனோ!?
ஆரூரில் வந்து பிறந்ததுமேனோ!?
ஏன் பிறந்தீர் கலைஞரே!?

இம்மொழி எம்மொழி யென்று பிறமொழி தேசம் தாவியவனும், வன்மொழியாய்ச் சூழுரைக்க, தமிழ் மொழியைச் செம்மொழியாக்கிட்ட தீஞ்சுவை மொழியே, இங்கு வந்து ஏன் பிறந்தீரோ!?👇

இன்னுயிராய்ப் போற்றி வளர்த்த மாமருந்தாம் தமிழ் மொழியினிலே,
வன்மமென வடமொழியை மறைத்துத் தொடுத்தும், துணிந்து புகுத்து இயலவில்லே.
தன்னுயிரைத் துட்சமென்றே மதித்துத் தடுத்த, திராவிடத் துணிவின் தலைமகனே..
உன்னுயிராய் விருட்சமென உயர்த்திப் பார்த்த செம்மொழி நாயகனே,
நின் பெருமை போற்றிட👇

நின் போர்க்குணம் வியந்திட, வேறு நிலமா இல்லே!?
இங்கு வந்து ஏன் பிறந்தீர் கலைஞரே!?

முத்தமிழின் இசை வளர்த்த மூவருள்,
மூத்தவராம் முத்துத் தாண்டவர் பிறந்த குடியில் நீ பிறந்தும்,
முத்துவேலர் அஞ்சுகத்தாய் முத்தமிழ் வடிவமாய் உனைப் பெற்றும்,
இத்தனைச் சிறப்பு மிக்க தமிழ்ப் பணிகளை👇

நீ செய்தும்
எத்தனைத் துணிவிருந்தால், தமிழ்க்குடியா நீயென்பான்!?
பித்தனைத் தமிழனென்போன்,
சித்தத்தை அறவே தொலைத்தோன்,
மொத்தமாய் திரியும் மண்ணில்,
இத்தகைத்த அறிவோடு, இங்கு வந்து ஏன் பிறந்தீர் கலைஞரே!?

தமிழனுக்கோர் இன்னலெனில்,
தரணியிலே எங்கெனினும்,
முழக்கமிடும் முன்னோடிகளில்👇

முன்னிலையிலே நீயிருந்தும்,
இழக்க எந்த மயிருமற்ற,
மண்ணாங்கட்டிகள் பொய்ப் பரப்பி பொருள் சேர்த்த போதும்,
ஈழத்து விடுதலை வேண்டின், உட்போர் தவிர்த்த ஒற்றுமை வேண்டும் என்றாயே!!!
பதவி துறந்தும் ஆட்சியிழந்தும் அவப் பெயர் சுமந்தும் நின்றாயே!!!
நின்னை இகழாது, நின் வழி நின்றிருந்து👇

உறுதியோடு ஒற்றுமை பேணியிருந்தால்,
வீழாது விண்ணுயர வென்றிருப்பான்,
வீணாக தம்மக்களையே கேடயமாக்கி அழித்திடாத, அழிந்திடாத மாவீரனாய் நிலை பெற்றிருப்பான்.
பழி பாவமெல்லாம் எவனெவனோ செய்ய, பச்சைத் துரோகப் பட்டம் மட்டும் நீ சுமக்க...
இங்கு வந்து ஏன் பிறந்தீர், கலைஞரே!?👇

மின்னும் ஒளியாய் நீயிருந்த போதும்,
மண்ணுளிப் பாம்பையெல்லாம், தலையில் வைத்தாடிய கூட்டத்துக்காகவோ,
இங்கு வந்து நீ பிறந்தாய்!?
இங்கு வந்து ஏன் பிறந்தீர், கலைஞரே!?

நீ களையக் களைய, களை முளைக்கும் நிலமிதுவென்றே, வளைய வளைய வலம் வந்து, வளம் கூட்ட விளைந்ததிந்த பிறப்பிதுவென்றே👇

நானுணர்ந்து கொண்டேன்...
இன்னும் நூறு பிறப்பெடுத்தாவது, இம்மக்கள் துயர் துடைத்து, அறியாமை இருள் நீக்கி, நீக்கமற நிறைந்திடு நீ...
இங்கு வந்தே மீண்டும் மீண்டும் பிறந்திடு நீ...
எங்கள் கலைஞரே...

உயிருள்ள வரை நின் பணி போற்றி, நின் புகழ் பரப்பி, நின் வழி நிற்போம்.

ம.சோமசுந்தர பிரபு

threadreaderapp.com/thread/1134439…