Thread by @BaghavanChicken

ప్రకాశం జిల్లా ఆంధ్ర ప్రదేశ్ రాష్ట్రము యొక్క తొమ్మిది కోస్తా ప్రాంతపు జిల్లాల్లో ఒకటి. ప్రకాశం జిల్లా ముఖ్య పట్టణము ఒంగోలు. ఒంగోలు జిల్లా ఫిబ్రవరి 2,1970 వ తేదీన, నెల్లూరు, కర్నూలు మరియు గుంటూరు జిల్లాల యొక్క కొంత భాగముల నుండి ఆవిర్భవించింది.
#ప్రకాశం
#Prakasham
#AndhraPradesh

తరువాత డిసెంబర్ 5,1972వ తేదీన, జిల్లాలోని కనుపర్తి గ్రామములో పుట్టిన గొప్ప దేశభక్తుడు మరియు ఆంధ్ర నాయకుడైన, ఆంధ్ర కేసరి టంగుటూరి ప్రకాశం పంతులు జ్ఞాపకార్ధము ప్రకాశం జిల్లాగా నామకరణము చేయబడింది

స్వాతంత్ర్యోద్యమ సమయంలో ఈ జిల్లాలో జరిగిన చీరాల పేరాల ఉద్యమం పేరుగాంచింది. భారతాన్ని తెనిగించిన కవిత్రయాల్లో ఒకరైన ఎర్రాప్రగడ,సంగీత విద్వాంసుడు త్యాగరాజు, శ్యామశాస్త్రి, జాతీయ జెండా రూపశిల్పి పింగళి వెంకయ్య, ఇంజనీరు మోక్షగుండం విశ్వేశ్వరయ్య ఈ జిల్లా వారే.

వరి, సజ్జలు, రాగులు, జొన్నలు, చెరకు, వేరుసెనగ, ప్రత్తి, పొగాకు ప్రధానపంటలు. మార్కాపురం పలకలకు, చీమకుర్తి గ్రానైట్ గనులకు ప్రసిద్ధి. ప్రకాశంజిల్లా అనగానే గుర్తుకు వచ్చేవి ఒంగోలు జాతి గిత్తలు.

మా ప్రకాశం జిల్లా
కరువుతోటి, కడగండ్లతోటి కదులుతున్న జిల్లా మా ప్రకాశం జిల్లా ... అయినా పరువుతోటి అణువణువు

స్పూర్తితో వెలుగుతున్న జిల్లా మా ప్రకాశం జిల్లా .....
సాగర తిరం మాకొక హారం, గ్రానైట్‌ కొండల పేలుడు భారం ...
నెల్లూర్‌ గుంటూర్‌ కర్నూల్‌ ఆనుకొని ఉన్నా

ఒంగోలు అంటేనే మాకు మమకారం .....

రాయలసీమ, కోస్తాంధ్రల సంస్కృతి కలుసుండడమే మా గొప్పతనం... ఎర్రనేలలు, ఇసుక దిబ్బలు కలయికల
సమాహారం .....

చీరాల చీరలు, మార్కాపురం పలకలు, అద్దంకి ఇటుకలు,ఒంగోలు గిత్తలు, చేపల చెరువులు, పాల ఉత్పత్తులు,ఉలవపాడు సపోటా, పందిళ్ళపల్లి మామిడి, మిరప, పత్తి,

పొగాకు పంటలు ఎన్నో ఎన్నో ఉన్నాయండి ఎన్నని చెప్పను మా ప్రాంతపు ప్రజ్ఞలు .....

ప్రకాశం పంతులు గారి పేరుకు గుర్తుగ ఆవిర్భవించిన జిల్లా ఇది మా ప్రకాశం జిల్లా, దుగ్గిరాల గోపాల కృష్ణయ్య వంటి వారు నడయాడిన జిల్లా ఇది మా ప్రకాశం జిల్లా పెద్దగా గొంతెమ్మ కోర్కెలు ఏమి లేవండి, మా ప్రజలకు మా
జిల్లాలోనే ఉపధినియ్యండి .....
చీరాల, రామాయపట్నం ఓడరేవుల అభివృద్ధి

మా
జిల్లాలో జలరవాణాకి వేస్తుంది నాంది ... వెలిగొండ
ప్రాజెక్టును త్వరితగతిన చేస్తే పూర్తి, మా జిల్లాలో
ఇంటింట నిండును వెలుగుల సంక్రాంతి ... కృష్ణపట్నం,విశాఖ కారిడార్‌ మా సాగరునికి తలమానికము, దొనకొండ ఇండస్ట్రియల్‌ హబ్‌ మా జిల్లా యువతకు అవసరము

మీరిచ్చిన మాటలనే నిలబెట్టుకొమ్మంటున్నామండి,
అంతకు మించి ఎదిగేందుకు మేము అత్యాశపరులము

కవితా సేకరణ:- కారంచేటి వంశీరాజేష్

@threadreaderapp