Thread by @skpkaruna

நிலை மாறாத கொள்கை
தடம் மாறாத இயக்கம்
நிறம் மாறாத நட்பு
குணம் மாறாத பண்பு
நகை மாறாத முகம்
கறை படாத கரம்
திராவிட இயக்கத்தின்
தனிப்பெரும் தலைவர்
பேராசியப் பெருந்தகைக்கு
நெஞ்சார்ந்த அஞ்சலிகள்.
வீர வணக்கம்.. வீர வணக்கம். 🙏🙏🙏
#RipAnbazhagan

நினைவலைகள் : 1
98 ஆம் ஆண்டு என நினைவு. எங்க தொகுதியில் ஒரு கிராமம். தள்ளி ஒரு காலனி. அதையும் தாண்டி ஒரு கொல்லமோட்டுலே ஏழெட்டு ஓலைக்குடிசை வீடுங்க. அதன் பேர் அருந்ததியர் குடியிருப்பு. அதில் ஒரு வீட்டுக்கு ஒரு நாள் போஸ்ட்மேன் செல்கிறார். வீட்டில் பக்கவாதம் வந்து படுத்துக் கிடக்கும்

ஆண் மற்றும் ஒரு பெண்மணி. அவர்களுக்கு மூன்று பெண்கள். மூவரும் கூலி வேலக்குப் போயிருக்கிறார்கள். தபால்காரர் அந்தப் பெண்மணியிடம் மூன்று கடிதங்களைத் தருகிறார். மூன்றுமே அந்த மூன்றுப் பெண்களுக்கும் அரசுப் பள்ளிகளில் ஆசிரியராக நியமித்துள்ள பணியாணைகள். இப்படித்தான் ஒரு அஞ்சல் வழியே

தலித் குடியிருப்பில் கூட வாழ அனுமதிக்கப்படாத ஒரு குடும்பத்தின் தலையெழுத்தை கலைஞர் ஒரே நாளில் மாற்றினார். பதிவு மூப்பின் வழியே மட்டுதான் பணி அமர்த்த வேண்டும் என வாதாடி பணி ஆணை பிறப்பித்தது அப்போதைய கல்வி அமைச்சர் பேராசிரியர் பெருந்தகை. அப்படியோர் சமூகநீதிப் புரட்சி அதுதான் கடைசி.

மூன்று பெண்களும் அண்ணனை காண வந்தபோது (அப்போது அவர் மாவட்ட அமைச்சர்), அண்ணியை கேசரி செய்ய சொல்லி, மாவட்ட ஆட்சித் தலைவர், கல்வி அதிகாரிகளை வரவழைத்து பிரியாணி விருந்து பறிமாற வைத்தார். எப்பேர்ப்பட்ட நெகிழ்வான தருணம்! பின்னர், மூவரும் முதல்வருக்கு நன்றி சொல்ல விரும்பியபோது நான் தான்

அவர்களை சென்னைக்கு காரில் (அப்போதெல்லாம் செல்ஃப் டிரைவிங்) அழைத்துச் சென்றேன். 20 ஆண்டுகள் கழிந்தது., சென்ற தேர்தலில் போது பூத் விசிட் சென்று திரும்பியபோது ஒரு ரிட்டரினிங் அதிகாரி பின்னாலேயே வந்தார்.
சொல்லுங்க மேடம்?
சார்! என்னை நினைவிருக்கா?
நான் புருவம் உயர்த்த, எங்களுக்கு

வேலை கிடைச்சப்போ சி.எம்மை பார்க்க உங்க கார்லே அழைச்சுட்டுப் போனீங்களே!
அட! எப்படிம்மா இருக்கீங்க?
நல்லா இருக்கேன் சார். ___ ஊர் ஸ்கூலில் இப்போ எச்.எம் ஆ இருக்கேன். சார் கலெட்ரேட்லே ஸ்பெஷல் தாசில்தார்.
குழந்தைங்க?
ரெண்டும் பையன் சார். பெரியவன் பேர் கருணாநிதி., சின்னவன் அன்பழகன்.

நினைவலைகள் 2
நண்பர் ஆர்.ஆர்.சீனுவாசன் பேராசியரை குறும்படம் எடுத்துக் கொண்டிருக்கிறார். அப்போதைய உரையாடலில் அவர் பல முறை 'பார்ப்பணர்' எனும் சொல்லை பயன்படுத்துகிறார். இவர் கேட்கிறார்.. சார்! இப்போ நீங்க அமைச்சரா இருக்கீங்க! இப்போ இந்த 'பார்ப்பணர்' சொல் பிரயோகம் பரவாயில்லையா?

இதை சொல்லத்தான் நான் அமைச்சராவே இருக்கேன்னு எடுத்துக்கோங்க என்கிறார் பேராசிரியர்.
திகைச்சுப் போன நண்பர் நீங்க வேணா பிராமணன்னு சொல்லுங்களேன் என்கிறார்.
40 ஆண்டு காலம் உழைச்சு, பலர் வாழ்க்கையை தியாகம் பண்ணி வாங்கிய உரிமை., இதை உங்க விருப்பத்துக்காக நான் விட்டுக் கொடுக்க முடியாது.