Thread by @MarathiRT

नमस्कार..
मी प्राजक्ता आबासाहेब गोडसे.
माझा जन्म 16 जानेवारी चा असून माझं मूळ गाव जेऊर तर सध्या पुणे येथे वास्तव्य.

माझं शिक्षण पुढीलप्रमाणे..

Ph.D Appeared
D.Ed. B.Ed. M.Ed.
Double Graduate
Double Post Graduate
D.S.M.
Both TET and TAIT qualified
CBSE UGC NET qualified

विशेष आवड व विशेष कार्य:-
अन्यायाविरुद्ध संघर्ष करून न्याय मिळविण्यासाठी लढण्याची आवड.
म्हणूनच रखडलेली शिक्षकभरती चालू होण्यासाठी व पूर्ण व्हावी म्हणून 2 वर्षे तीव्र संघर्ष केला.
(अनेकवेळा मुख्यमंत्री..शिक्षणमंत्री.. अनेक आमदार खासदार यांच्या भेटी घेतल्या.

अधिवेशनकाळात अनेक आंदोलने उपोषणे केली.
अनेक TV चॅनल्स व न्युज पेपर मध्ये सद्यशिक्षणस्थिती व शिक्षकभरती याबाबत ठाम भूमिका मांडत आले आहे.
🛑11 दिवसांचे अन्नत्याग उपोषण करून सरकारला तात्काळ शिक्षकांच्या रिक्त जागा भरायला भाग पाडले)

वरील समाजकार्य..राजकारण यांसोबत प्रशासनात काम करण्याची आवड आहे म्हणून माध्यमिक शिक्षिकेची नोकरी मिळूनही Ph.D ला प्रवेश मिळविला आणि पुढील अभ्यास चालूच आहे.

सध्या पुणे महानगरपालिका येथे माध्यमिक शिक्षिका आहे व मला शिक्षण क्षेत्रात भरीव काम करायचे आहे.

शिक्षण क्षेत्रातील बदलांबाबत अनेक कल्पना मनात आहेत फक्त प्रभावी अंमलबजावणीसाठी शिक्षण क्षेत्रातील निर्णय घेणाऱ्या व तात्काळ अंमलबजावणी करणाऱ्या टीम मध्ये राजकारण किंवा प्रशासन याद्वारे समाविष्ट होण्यासाठी प्रयत्न चालू आहेत.

येत्या 10 वर्षात मी स्वतःला शिक्षण क्षेत्रातील एक जबाबदार अधिकारी किंवा शिक्षक लोकप्रतिनिधी म्हणून पाहते.

मम्मी पप्पा शिक्षण क्षेत्रात काम करत असल्यामुळे लहानपणापासूनच या क्षेत्राबद्दल प्रचंड उत्सुकता व आवड होती.
शिक्षण क्षेत्रातील अपेक्षित बदलांबाबत फक्त बोलायचं नाही तर प्रत्यक्ष करून दाखवायचे या निश्चयानेच शिक्षण क्षेत्र निवडले आहे.

सध्या माध्यमिक शिक्षिकेची भूमिका प्रामाणिकपणे पार पाडत असून लवकरच शिक्षण क्षेत्रातील अधिकारी व शिक्षक लोकप्रतिनिधी म्हणून काम करेल हा विश्वास आहे.

मी गुणवत्तेनुसार पवित्र पोर्टलमधून माध्यमिक शिक्षिका झालेय पण निवड झाले नसते तर मी माझे शिक्षण क्षेत्रात काम करण्याचे स्वप्नं सोडून न देता अजून जास्त अभ्यास करून शिक्षण क्षेत्रातील अधिकारी झाली असते आणि माझ्या डी.एड बी.एड बांधवांच्या समस्या सरकार दरबारी मांडत राहिले असते.

राजकारण असो वा प्रशासन मी शिक्षण क्षेत्रातच भरीव योगदान देण्याचा प्रामाणिक प्रयत्न करणार.

या जगातील महिलांबाबतचे अजूनही समजले जाणारे व त्यानुसार महिलांना वागणूक देणारे महिलांचे दुय्यम स्थान बदलायचे आहे.
पुरुष व महिला दोन्हीही प्रथमच स्थानावर असायला हवेत.

महिलादिवशी महिलांना स्वतःच्या अधिकारांबद्दल व स्वतःच्या कर्तव्याबद्दल जाणीव करून देऊन जगातील प्रत्येक महिलेला आत्मसन्मानाने जगण्याचा अधिकार आहे हे प्रत्येक महिलेला व पुरुषाला पटेल तो दिवसच खरा महिला दिवस सार्थकी लागेल.

प्रत्येक स्त्री मधील अंतर्भूत असणाऱ्या Inner Potential ला व तिच्या आतल्या आवाजाला सामर्थ्य देण्याचे व स्त्री स्वतःचे कर्तृत्व सिद्ध करताना तिचा खंबीर सारथी होण्याचे काम समाजातील सर्वच घटकांनी करण्याचा निर्धार हाच खरा महिलादिन.

महिला सुरक्षेबाबतचा कायदा आणायला आवडेल.
एकादी निषेधार्ह घटना महिलेबाबत घडून गेल्यावर कारवाई करण्यापेक्षा कोणत्याच महिलेबाबत अघटित घडू नाही म्हणून प्रतिबंधात्मक उपाय योजले जावेत व त्यात नैतिक मूल्यांचा व कायद्याचा धाक प्रमुख असेल.

स्त्री म्हणून जन्माला आल्याचा नक्किच अभिमान आहे कारण जगातील मूलभूत नवनिर्मितीचे मूळच स्त्री आहे.
प्रत्येक स्त्रीमध्ये एक अंतर्भूत दिव्य शक्ती असते जी अनेक अशक्य गोष्टी स्वसामर्थ्याने शक्य करून दाखविते.

संसार असो वा नोकरीतील कर्तव्याच्या ठिकाणी प्रशासन..व्यवस्थापन ह्यातून स्वतःला रोज नव्या आयामासह सिद्ध करणारी स्त्रीच असते. सर्वांना महिला दिनाच्या खूप शुभेच्छा. धन्यवाद.