Thread by @smitprabhu

#ठार_वेडा_माणूस !

मनोहर गोपाळकृष्ण प्रभुपर्रीकर.

स्वतःला "निष्ठावान संघ स्वयंसेवक" म्हणवून घेण्यातच त्यांना गौरव वाटायचा.

आजच्या काळातील राजकारणी असून सुद्धा आणि तीन-चार वेळा मुख्यमंत्री होऊन सुद्धा हा माणूस स्वतःच्या दोन्ही मुलांसाठी साधा एक मतदारसंघ बांधू शकला नाही.

(१/१४)

हा मनुष्य मुलाला किंवा सुनेला आमदार-खासदार पद तर सोडाच पण साधं नगरसेवक पदही देऊ शकलेला नाही.

आज भारतातील युवराज, जाणते राजे, निम्म्याअधिक गोवऱ्या मसणात गेलेले नेते, बोलता येत नाहीये की नीट चालता येत नाहीये पण मुलांसाठी, नातवांसाठी, पुतण्यासाठी, पुतण्याच्या मुलांसाठी -

(२/१४)

मतदारसंघात फिर फिर फिरत असताना अगदी स्वतःची जागा देऊ करतं असताना पर्रिकरांचा #निस्वार्थीपणा हा 'गटात न बसणारा शब्दचं' वाटतो.

आजकालचा शेम्बडा अपक्ष नगरसेवक सुद्धा स्कॉर्पिओपेक्षा खालच्या दर्जाच्या गाडीवर बुड टेकवणं हा आपल्या घराण्याचा अपमान समजतो तिथे भाई मासे घ्यायला -

(३/१४)

फडतूस #scooty वर गोवा फिरायचे.
शी...कसं दिसतं ते !

म्हणे #आयआयटीत शिकला...पण काय उपयोग त्याचा..?
केजरीवाल किंवा जयराम रमेश यांच्यासारखं स्वार्थीपणे सत्तेचा उपभोग घेणं जमलं का त्यांना..?

रात्री ऑफिसमध्ये काम पूर्ण करे पर्यंत खूप उशीर झाला म्हणून Secretary ला -

(४/१४)

"उद्या जरा उशिरा आलास तरी चालेल" असं म्हणून सकाळी ६ च्या ऐवजी ६:३० वाजता बोलावणं आणि त्याच्या आधी स्वतः सकाळी ५:३० वाजता ऑफिसला पोहोचणं हे एकविसाव्या शतकातील मुख्यमंत्र्याला शोभतं का ?

आता गोव्या सारख्या ठिकाणी Foreign Delegates ना Alcohol serve करताना येणारा खर्च -

(५/१४)

"दारूचा खर्च सरकारवर नको" म्हणून protocol असताना सुद्धा सरकारी तिजोरीतून न देता स्वतःच्या खिशातून देणं म्हणजे जरा अतीच झालं !

इथे भ्रष्टाचाराच्या आरोपात कोर्टाने पोलीस कोठडी दिली म्हणून लगेच "कसंतरी होतंय" म्हणून लीलावती, जसलोक मध्ये ठिय्या मांडणारे #भुजबळ आणि -

(६/१४)

#लालूयादव सारखे #चोर आजूबाजूला असताना cancer होऊनही अगदी शेवटच्या क्षणापर्यंत विधानसभेत येणारे, पुलाच्या कामाची पाहणी करणारे आणि वरती "How's the Josh ?" म्हणून आम्हांलाच विचारणारे तुम्ही 'अखंड भारतातील पहिलेच नेते' आहात.

(७/१४)

आणि काय भाई तुम्ही असं आम्हाला मध्येच सोडून गेलात...प्रॉपर्टी, बंगले, एखादे लवासा, बँक-बॅलन्स, साखर कारखाना, सूत गिरणी, दूध डेअरी, पुतळे, स्मारके असे मागे काहीचं ठेवलं नाही.

तुमच्या मुलांनी-नातवंडांनी आणि त्यांच्या पुढील आठ-दहा पिढ्यांनी आता काय आमच्या सारख्या सामान्य -

(८/१४)

भारतीयांसारखे कष्ट करायचे का ?

तुमच्या या अशा निष्ठेने वागण्याबद्दल तुमचा जाहीर निषेध का करू नये ?

खरंतर एवढा #प्रामाणिकपणा पहायची आम्हाला सवय नव्हती. कारण सक्रिय राजकारणात राहून सुद्धा 'लालबहादूर शास्त्री' होता येत हे फक्त पुस्तकातच वाचलं होतं.

(९/१४)

तुमच्याबद्दल कळायला लागलं तेंव्हा वाटलं की सगळेच बरबटलेले असताना असं एकट्या-दुकट्याच स्वच्छ नि स्वयं'सेवक' म्हणून वागणं किती दिवस टिकणार आहे ?

पण तुमची #निष्ठा एवढी तगडी होती की साधा हाफ शर्ट नि चप्पल घालून तुम्ही मॉडर्न गोवा ते सर्जिकल स्ट्राईक सारं काही घडवून आणलं.

(१०/१४)

आणि तेंव्हा आमची खरेतर "'प्रभु' मजि गमला" अशीच भावना होती.

तुमच्यासारखे काही कर्तव्यनिष्ठ देशवासी आपल्या देशात आहेत आणि त्यांच्याच जीवावर हा देश चालतो आहे हे अंमळ उशीराच कळलं.

कदाचित तुमच्या सारखी माणसं देवाला त्याच्या दरबारात 'जग चालवण्यासाठी' हवी असावीत म्हणूनच -

(११/१४)

Cancer चं निमित्त देऊन त्याने तुम्हाला बोलावून घेतलं असेल.

एक आदर्श म्हणून नेहमीच तुमची कमी जाणवेल आणि म्हणूनच तुमच्या सारखा 'मूल्यांवरती जगण्याचा' प्रयत्नही नक्कीच करत राहू.

साधेपणाने राहून प्रामाणिकपणे आयुष्यात देशासाठी खूप काही करता येतं हे शिकवल्याबद्दल आम्ही आपले -
१२/१४

आजन्म कृतज्ञ राहू.
आज तुम्हाला जाऊन एक वर्ष होत आहे.
अरुण जेटली सर, सुषमाजी पण आज आमच्यात नाही. प्रचंड मोठी पोकळी निर्माण झाली आहे.

पण आपला आदर्श समोर ठेऊन नवीन पिढी सुद्धा तयार होत आहे. तीच निष्ठा, तोच देशभक्तीचा वारसा घेऊन भारतमातेची सेवा करण्यास आम्ही तयार होत आहोत.

(१३/१४)

तेव्हा जिथून कुठून आम्हांला पाहात असाल हेच सांगावंसं वाटतं की तुमच्या पदचिन्हांवरून मार्गक्रमण करताना आम्ही हेच म्हणू -

की घेतले व्रत न हें अम्हि अंधतेने,
लब्ध-प्रकाश इतीहास्-निसर्ग-मानें,
जें दिव्य दाहक म्हणूनि असावयाचे,
बुद्ध्याचि वाण धरिंले करिं हे सतीचे !
#वंदेमातरम् 🇮🇳
(१४)