Thread by @kalvetu

#நேர்மை #எளிமை #நல்லவன்
👇👇
தத்துவங்கள் சித்தாந்தங்கள் குறித்தோ அரசியல் செயல்பாடுகள் குறித்தோ பேசும்போதோ, "அவர் நேர்மையானவர் தெரியுமா?" "அவரின் எளிமை பற்றி தெரியுமா?" என்பார்கள்.

1/

அது என்னவோ தெரியவில்லை. இந்திய/தமிழக அரசியலில் நேர்மை/எளிமை என்று தனிமனித குணங்களை சிலாகித்து அவர்கள ன் தத்துவ/சித்தாந்த/அரசியல் செயல்பாடுகளை மறந்துவிடுகிறார்கள்.

2/

#கக்கனின் #எளிமை
தூத்துக்குடி கொலைகள் தெரியும். அதை நடத்திய தாசில்தார் கதை தெரியும்.

மொழிப் போராட்டத்தின் "செனரல் டயர்" எளிய கக்கன் அய்யா என்பதும், அப்போது கொல்லப்பட்டவர்ளின் எண்ணிக்கையும் தெரியுமா?

கக்கனின் எளிமை சமூகத்திற்கு தேவையற்றது அல்லது பொருட்டல்ல.

3/

#காந்தி
ஒரு விவசாயி கோவணம் கட்டுகிறான் என்றால், அவனின் வாழ்வை உயர்த்த முனைபவனே தலைவன். அவனைப் போல் நானும் உடுக்கிறேன் என்பது என்ன எளிமை? அல்லது தலைமை?

காந்தி கதர் உடையில் பிர்லா மாளிகையில் இருந்தார். அவரின் எளிமை சமூகத்திற்கு பொருளற்றது.
4/

#இராசாசி
இராசாசி அய்யங்கார் நேர்மையானவர் என்பார்கள்.

யாருக்கு நேர்மையானவர்? எந்த சித்தாந்தங்களுக்கு நேர்மையானவர்?

அவர் வர்ணாசிர சித்தாந்தத்துக்கு நேர்மையானவர்.

5/

#நல்லவன்
சிகரெட்,மது தவிர்த்து குடும்பம் குட்டி என்று இருந்து சபரிமலைக்கு போய்வந்தாலே ஒருவன் சமுதாய அளவுகோலில் நல்லவன் ஆகிவிடுவான். அவன் அலுவலகத்தில் வாங்கும் கையூட்டோ, சாதி,மத,வர்ணம் பார்க்கும் தீண்டாமையோ பெரிதாக பேசப்படாது.

#அன்னாகசாரே நல்லவர். யாருக்கு நல்லவர்?
6/

தத்துவம்/சித்தாந்தம்/அரசியல் பேசும் போது தனிமனிதனின் எளிமை/நேர்மை/நல்லவன் துதியை பாடாதீர்கள்.

அவனின் எளிமையால் அதனால் சமுதாயத்திற்கு என்ன பலன்?

அவன் எந்த கருத்தியலுக்கு நேர்மையானவன்?

அவன் யாருக்கு நல்லவன் என்று பாருங்கள்.

7/7