Thread by @VGananathan

யாருக்கு செல்கின்றன நம் பெட்ரோல் காசுகள்?

#Vivek_Gananathan_Thread

பெட்ரோல், டீசல் கலால் வரியை மத்திய அரசு ரூ.10, ரூ.13 என கூட்டியுள்ளது. சில தினங்களாகவே எதிர்பார்க்கப்பட்டதுதான் இது. ஊரடங்கால் பெட்ரோல், டீசல் பயன்பாடு ஏப்ரல் மாதத்தில் மட்டும் 80% வரை குறைந்துள்ளது.

இதனால், மத்திய அரசுக்கு மட்டும் சுமார் 40,000 கோடி வருவாய் இழப்பு ஏற்பட்டுள்ளது.

வருவாயை இழப்பைச் சரிசெய்ய இந்த வரி உயர்வு உதவும் என்றும், இதனால் சந்தையில் விலை கூடாது என்றும் சொல்லப்பட்டுள்ளது

2017 ஜூன் 16 முதல் தினம் தோறும் பெட்ரோல், டீசல் விலைகள் மாற்றப்பட்டு வருகின்றன. இந்த அறிவிப்பிற்கு பிறகு கண் துடைப்பு  நடவடிக்கையாக முதல் 13 நாட்களுக்கு மட்டும் பெட்ரோல் விலை 3.45 குறைக்கப்பட்டது. அதன்பிறகாக மெல்ல விலை அதிகரிக்கப்பட்டு சுமார் 20 ரூபாய் பெட்ரோல் விலை கூடியுள்ளது.

உலக பொருளாதார நெருக்கடி நிலவிய 2008 ஜூன், கச்சா எண்ணெய் விலை உச்சத்தில் இருந்தது. அப்போது ஒரு பேரல் கச்சா எண்ணெயின் விலை 8610 ரூபாய். ஒரு லிட்டர் பெட்ரோலின் விலை 55.04 ரூபாய்க்குதான் விற்கப்பட்டது. அன்றைக்கு மிகக்கடுமையான விமர்சனமங்கள் எழுந்தன.

ஆனால், 2020, ஜனவரி 1 அன்று அமெரிக்க டாலருக்கான இந்திய மதிப்பு 71 ரூபாய். ஒரு பேரல் கச்சா எண்ணெய் 67 டாலர். இந்திய ரூபாய்க்கு ரூ.4784 . கச்சா எண்ணெய் விலை லிட்டர் 30 ரூபாய். அன்றைக்கு ஒரு லிட்டர் பெட்ரோல் ₹78. டீசல் ₹72.

2020, மே 6 அமெரிக்க டாலருக்கான இந்திய மதிப்பு 75 ரூபாய். பேரல் கச்சா எண்ணெய் 27 ரூபாய். இந்திய ரூபாய்க்கு ரூ.2061. ஒரு லிட்டர் கச்சா எண்ணெய் ரூ.13. 5 மாதத்தில் 65% விலை வீழ்ச்சி. இன்று பெட்ரோல் விலை ₹75. டீசல் ₹68.

ஆனால், இதனால் கிடைக்கும் லாபம் எதையும் மத்திய பாஜக அரசு குடிமக்களோடு பகிர்ந்துகொள்வதில்லை.

இன்னொருபுறம், கடந்த 12 ஆண்டுகளில் கச்சா எண்ணெயின் விலை இரண்டு மடங்கு குறைந்துள்ளது. ஆனால், பெட்ரோல், டீசல்
விலை கிட்டத்தட்ட 50% உயர்ந்துள்ளது.

இன்றைக்கு சுத்திகரிக்கப்பட்ட ஒரு லிட்டர் பெட்ரோல் விலை ₹18.28. சுத்திகரிக்கப்பட்ட டீசல் விலை ₹.18.78. இந்த விலைக்குதான் பெட்ரோல் பம்ப்களுக்கு அனுப்புவதற்கு முன்பு விலை இருக்கிறது. ஆனால்,
இன்றைக்கு சென்னை சந்தையில் ஒரு லிட்டர் பெட்ரோல் விலை ₹75.64. டீசல் ₹ 68.22.

இதில் ஒரு லிட்டர் பெட்ரோல் மூலம் மத்திய அரசு பெறும் வரி ₹32.98. ஒரு லிட்டர் டீசலுக்கு பெறும் வரி. ₹31.83. மாநில அரசின் வரியையும் சேர்த்து ஒரு லிட்டர் பெட்ரோலுக்கு 54 ரூபாயும், டீசலுக்கு 53 ரூபாயும் நாம் வரிசெலுத்துகிறோம்.

2014 நவம்பரில் மத்திய அரசின் வரி பெட்ரோலுக்கு ₹9.20 , டீசலுக்கு ₹3.56. பாஜக ஆட்சிக்கு வந்த பிறகு பெட்ரோலுக்கான வரி 4 மடங்கும், டீசலுக்கான வரி 10 மடங்கும் உயர்த்தப்பட்டுள்ளது. 2014 முதல் 12 முறை வரியை உயர்த்தியுள்ளனர்.

2014 பாஜக ஆட்சிக்கு வரும்போது பெட்ரோல், டீசல் வரிவருவாய் 99,000 கோடி. 2017 அக். 2.42 லட்சம் கோடி. இந்திய அரசின் ஆயில் நிறுவனங்கள் 2019 ஏப்ரல் - டிச அளித்த வரிவருவாய் 3.8 லட்சம் கோடி. நேற்று அறிவித்திருக்கும் புதிய வரிஉயர்வால் 1.6 லட்சம் கோடி கூடுதலாக 11 மாதத்தில் கிடைக்கும்.

இதில், கவனிக்க வேண்டியது இந்தியாவிலேயே அதிக தனிநபர் வாகனங்கள் கொண்டிருக்கும் மாநிலம் தமிழ்நாடு. 2015 கணக்குப்படி, 1000 பேருக்கு 260 பேர் தனிநபர் வாகனம் வைத்துள்ளார்கள். உத்திரபிரதேசத்தில் 1000 பேருக்கு 75 பேர்.

மிகப்பெரிய போக்குவரத்து தொடர்பும் கொண்ட மாநிலம். எனவே, பெட்ரோல்ல உபயோகம் மூலம் பெரும் வரியை அரசுக்கு செலுத்துபவர்கள் தமிழர்கள்.
ஆனால், ஆபத்து காலத்தில்கூட போதிய நிதி ஒதுக்கீட்டை தமிழகம் பெறுவதில்லை.