Thread by @vilasnawale

#थ्रेड
आजी आणि बापाची हत्या झाली. दोन्ही हत्येची कारणं वैयक्तिक नव्हती,तर या देशाशी संबंधित होती.आजी आणि बापाची हत्या झाल्यानंतर अर्थात सुरक्षेचं कवच अधिक कडक केलं जाणार होतं. तसं झालंही.कधी नाव बदलून शिक्षण,तर कधी नाव बदलून नोकरी.स्वत:ची खरी ओळख सांगणं सुद्धा जीवाला धोका होता.👇

स्वत:ची ओळख न सांगता जगणं, हे किती भयानक आहे! इमॅजिन करवत नाही.

राहुल गांधी असेच जगले. लोकांमध्ये बिनदिक्कीतपणे मिसळता येत नव्हतं किंवा कुठेही खऱ्या ओळखीने जाता येत नव्हतं. बरं या सर्व गोष्टी तुमच्या-आमच्यामुळेच. कारण त्यांच्या जीवाला भीती असण्याची कारणं वैयक्तिक नव्हती, 👇

तर या देशाशी संबंधित होती.

कदाचित लहानपणापासून सर्वसाधारण मुलांसारखं मुक्तपणे बागडायला मिळालं नाही म्हणून किंवा अत्यंत संवेदनशील स्थितीत जीवन जगल्याने असेल, राहुलना तळागाळात पोहोचता आलं नाही. म्हणून अनेकदा भाषणात-वागण्यात कृत्रिमपणा जाणवतो. पण त्यामागील भावना खरी वाटते. 👇

हे राहुल गांधी या व्यक्तीबद्दल बोलतोय. काँग्रेस पक्षाबद्दल नाही.

जीवाला असलेला धोका आजही कमी झालेला नाही. आजही 'आपरेशन ब्ल्यू स्टार'ची भीती कमी झालेली नाही. अशा एकंदरीत भयावह वातावरणात जगणं, हे तुम्ही आम्ही फक्त इमॅजिन करु शकतो. किंवा तेही नाही. 👇

एवढं सारं सांगण्याचा मुद्दा असाय की, उठता-बसता त्यांची खिल्ली उडवणं, राहुल गांधींची 'विनोदी' अशी इमेज तयार करुन ते पसरवणं, यामागे राजकीय हेतू आहे, हे लपून राहिलेलं नाही. मात्र, वैयक्तिक टीका करणाऱ्यांकडे दुर्लक्ष करत राहुल वाटचाल करतायेत. वैयक्तिक टीकांवर ते बोलणंही टाळतात. 👇

कारण त्यांच्या दृष्टीने देशाचे प्रश्न महत्त्वाचे असतात. 'कुजक्या मेंदूच्या' लोकांच्या वैयक्तिक टीकेला ते अजिबात महत्त्व देत नाहीत. बरं हे मी नाही, तर तेही अनेकदा सांगतात.

संस्काराची टिमकी मिरवणारे जेव्हा राहुल यांच्यावर दर्जाहीन टीका करतात, तेव्हा हसूच येतं. 👇

कारण एकीकडे संस्कृती मिरवायची अन् दुसरीकडे 'खरी संस्कृती' दाखवायची.

जर तुम्हाला राहुल यांची संस्कृती काय आहे, हे पाहायचं असेल तर उत्तर प्रदेश विधानसभेच्या प्रचारादरम्यानची सभा आठवा. राहुल गांधी भाषणाला उभे राहिले आणि काँग्रेस कार्यकर्ते ओरडू लागले, 👇

'मोदी मुर्दाबाद..मोदी मुर्दाबाद'. राहुल भाषणाच्या सुरुवातीलाच थांबले, 'मोदी मुर्दाबाद' घोषणा देणाऱ्यांकडे रागाने पाहिलं अन् खडसावलं, "ये नारे बंद किजीए I हम काँग्रेस के हैं I हमारी संस्कार में ये नहीं है I हमारी लढाई विचार की है, विचार से ही लढेंगे I".
👇

गुजरातमध्येही असंच काहीसं घडलं. प्रचारसभेत बोलताना राहुल गांधी म्हणाले, "वे कहते हैं, 'काँग्रेसमुक्त भारत' करके रहेंगे। मैं नहीं कह सकता की, मैं देश से बीजेपी को खत्म करना चाहता हूं। वह ऐसा कह सकते हैं।" - हे असतात विरोधी मतांचा आदर करण्याचे राजकीय संस्कार.
👇

हे तर काहीच नाही. राजकीय विरोधकांपर्यंत ठीक होतं. ज्या प्रभाकरनने राजीव गांधींना मारलं, त्याच्याबद्दल बोलताना राहुल गांधी म्हणतात, "मेरा परिवार गांधी जी के मूल्यों से चलता है। जब मैंने अपने पिता के हत्यारे प्रभाकरन के शव को देखा तो मुझे बुरा लगा। +👇

मैंने यही बात प्रियंका को बताई, तो उसने कहा कि उसे भी ठीक नहीं लग रहा है।"

ही उदाहरणं सांगण्याचं कारण असं की, संस्कार मिरवणं वेगळी गोष्ट असते अन् ते संस्कार आचरणात आणणं वेगळी गोष्ट असते. 👇

नैतिकता, निष्ठा, अहिंसा इत्यादी गोष्टी या भाषणांचे 'रेकॉर्ड' करुन आत्मसात करता येत नाहीत. अर्थात हे भाजपच्या ट्रोलयुक्त कार्यकर्त्यांना आणि सत्तापिपासू नेत्यांना कधीच कळणार नाही.
👇

फेसबुक असो वा ट्विटर, राहुल गांधींचे फोटो एडिट करुन त्यांची खिल्ली उडवली जाते. अर्थात, खालच्या पातळीवर जाऊन खिल्ली उडवणं हा ज्याच्या-त्याच्या संस्काराचा भाग असतो. बरं खिल्ली उडवण्यालाही आक्षेप नाही. मात्र, वैयक्तिक पातळीवरची नसावी. एवढंच. 👇

कारण राहुल ज्या घराशी नातं सांगतात, त्या घराने देशाला नक्कीच महत्त्वाचं योगदान दिलंय. बाकी बोफोर्स,आणीबाणी,हेरॉल्ड, वेस्टलँड या थेट गांधी घराण्याशी संबंधित प्रकरणांवर मलाही आक्षेप आहेतच. पण म्हणून योगदान काहीच नाही असं म्हणणं आणि नेहरु-गांधी घराण्यावर सरसकट वैयक्तिक टीका करणं,👇

हे योग्य नाही, असं मला प्रामाणिकपणे वाटतं.

लेखन - नामदेव अंजना ( @NamdevAnjana )
( namdevanjana.com ) या ब्लाँगवर नक्की भेट द्या. अनेक लेख आहेत वाचल्यानंतर डोक्यात जरासा प्रकाश नक्कीच पडतो.
🙏