Thread by @RayaIaseema

Flavour of the Season - బంగినపల్లి మామిడి పండు

ఆంధ్ర రాష్ట్రంలో 'వ్యవసాయ ఉత్పత్తుల' విభాగంలో కేవలం మూడు వస్తువులకు మాత్రమే ప్రతిష్టాత్మక భౌగోళిక గుర్తింపు (GI tag)ఉంది. అందులో కేవలం ఒకటి మాత్రమే పండు.. అది పండ్లలో రారాజైన బనగానపల్లి / బేనీషా మామిడిపండు.

#సీమరుచులు #కర్నూలు

చిత్రంగా "గుర్తు లేనిది" అన్న అర్థం వచ్చే "బేనిషాన్" పేరు కలిగిన పండు మాత్రమే తెలుగు రాష్ట్రాల్లో "భౌగోళిక గుర్తింపు" కలిగిన ఏకైక పండు.

మామిడిపండ్లలో అనేక రకాలు ఉన్నా బంగినపల్లి మామిడి పండ్ల రుచే వేరు. పెద్ద పరిమాణం, పసిడి వర్ణం, మధురమైన రుచి, వైవిధ్య సువాసన వీటి ప్రత్యేకత

ప్రస్తుత రాయలసీమ మొత్తం ఒకప్పుడు బ్రిటీషు వారి పరిపాలనలో ఉన్నా, కర్నూలు జిల్లా బనగానపల్లె సంస్థానం మాత్రం బ్రిటీషువారి ప్రత్యక్ష పరిపాలనలో లేని 540 పైచిలుకు సంస్థనాలలో ఒకటి. బనగానపల్లె నవాబులు పండ్లతోటల పెంపకాన్ని బాగా ఆదరించారు. ఆ పండ్లతోటల నుండి వచ్చినదే బేనీషా రకం మామిడిపండు

బనగానపల్లె, చుట్టుపక్కల ప్రాంతాలకు మాత్రమే ప్రత్యేకమైన నేల, శీతోష్ణస్థితి వంటి కారణాల వల్ల బేనీషా పండ్లకు ప్రత్యేక రుచి అబ్బింది.

బనగానపల్లె మామిడిపండ్లకే బంగినపల్లి, బేనీషా, చప్పటై, సఫేదా వంటి పేర్లు కూడా ఉన్నాయి.

పాణ్యం, బనగానపల్లె, నంద్యాల మండలాలు బనగానపల్లె మామిడిపండ్లకు ప్రాథమిక ఉత్పత్తి కేంద్రాలుగా ఉండగా, రాయసీమలోనూ మరియు తెలుగు రాష్ట్రాలలోని వివిధ ప్రాంతాలలో ఈ రకం పండును పండిస్తున్నారు.

ఉమ్మడి ఆంధ్రప్రదేశ్ రాష్ట్రంలో బంగినపల్లి మామిడిపండ్లకు భౌగోళిక గుర్తింపు కు దరఖాస్తు చేశారు.

చారిత్రక ఆధారాల కింద Banaganapally State Madras War Fund Seal వంటి వాటిని సమర్పించారు. 2017లో బంగినపల్లి మామిడిపండ్లకు భౌగోళిక గుర్తింపు లభించింది.

ఆంధ్ర రాష్ట్రంలో భౌగోళిక గుర్తింపు లభించిన ఇతర వ్యవసాయ ఉత్పత్తులు గుంటూరు సన్నం చిల్లి, అరకులోయ అరబికా కాఫీ.

sources:

thehindu.com/sci-tech/agric…

ipindiaservices.gov.in/GirPublic/Appl…