Thread by @smitprabhu

#अखंडभारत
"भारताच्या फळणीविरोधी आंदोलनात मी आघाडीवर होतो. परंतु शेवटी १९४७ मध्ये आपल्या मातृभूमीचे दोन तुकडे झाले. अशा प्रकारे पाकिस्तान अस्तित्वात आले तरी ती हानी भरून निघावी अशी घटना घडली, ती म्हणजे परकीय दास्यातून हिंदुस्थानचा फार मोठा भाग मुक्त करण्यात आपणाला यश मिळाले.
(१/६)

भारताच्या स्वातंत्र्याचे जे युद्ध आमच्या पिढीने सतत लढविले आणि ज्यामध्ये एक सैनिक म्हणून गेली पन्नास वर्षे मी दिलेली लढत, भोगलेले कष्ट नि केलेला त्याग आमच्या पिढीतील अन्य कोणाही देशभक्तापेक्षा उणा नाही. ते युद्ध मुक्त शेवटी आम्ही जिंकले !

#AkhandBharat
(२/६)

मुक्त आणि स्वतंत्र भारतीय राज्य जन्मास आले. माझा देश मुक्त झालेला पाहण्यास मी जगलो हे मी माझे मोठे भाग्यच समजतो.यातही काही संशय नाही की माझ्या कार्यातील एक भाग अपुरा राहिला.परंतु 'सिंधू पासून सागरापर्यंत पसरलेली ही आमची मातृभूमी पुन्हा अखंड करण्याचे ध्येय आम्ही सोडले नव्हते'.
३/६

ते पूर्ण करण्यासाठीसुद्धा, आम्ही आज जिंकलेले राज्य संघटित नि समर्थ करणे अत्यावश्यक होते."

हाच उद्देश पुढे ठेऊन #स्वातंत्र्यवीरसावरकर यांनी जनमतावर असे बिंबविण्याचा प्रयत्न केला की, "कोणताही पक्ष सत्ताधीश असला तरी आपण केंद्र शासन समर्थ केले पाहिजे.

(४/६)

त्यात कोणताही पालट आवश्यक असला तरी तो घटनात्मक मार्गांनीच घडवून आणला पाहिजे; कारण आपल्या देशातील कोणताही अत्याचार किंवा आपल्यातील नागरी फूट या राज्यालाच धोकादायक ठरेल. परकीय शत्रूच्या सशस्त्र अत्याचाराविरुद्ध लढताना आवश्यक नि न्याय्य असलेली क्रांतिकारक प्रवृत्ती आता -

(५/६)

घटनात्मक मार्गात रूपांतरित केली पाहिजे; तरच पक्षांतर्गत मतभेद आणि गृहयुद्ध या धोक्यापासून आपण हे राज्य सुरक्षित ठेऊ शकू !"

-- #स्वातंत्र्यवीरसावरकर
(अभियोजक साक्ष पुष्ठ ३२०)

#वंदेमातरम् 🇮🇳
#AkhandBharat
(६/६)