Thread by @theroyalindian

#எண்ணங்களில்_மாற்றம் 🙋

என்னுடைய மிக நெருங்கிய நண்பர்ன்னு சொல்றத விட அண்ணன்னு சொல்லலாம்.!

அவருடைய வீடுக்கு ஒரு வேலை விஷயமா கூப்பிட்டிருந்தாரு.!
ஒரு ஆறு மாசத்துக்கு முன்னாடி தான் அதே ஏரியால வேற வீடு மாத்தியிருந்தாரு.!
அதனால அவரு அட்ரஸ் சொன்ன அந்த சந்து வரைக்கும் போய்ட்டேன்.

அதுல தான் வீடுன்னும் தெரியும்..!, ஆனா, அதுக்குள்ள எந்த வீடுன்னு கண்டுபிடிக்க முடியல..! ஃபோன் பண்ணா 'நாட் ரீச்சபிள்' . சரி நம்மளால முடியாதா..!
விசாரிச்சு கேட்டு போகவேண்டியது தான்னு முடிவு பண்ணி விசாரிக்க ஆரம்பிச்சேன்.

அவர் பேரை சொல்லி விசாரிச்சா பக்கத்துல தெரியாதுன்னு சொல்லிட்டாங்க..!
அப்புறம் அவரு வேலை பார்க்குற இடத்தை பற்றி சொல்லி கேட்டுபார்த்தேன் அப்பவும் தெரியலன்னு சொல்லிட்டாங்க..!
அவரை பத்தி மேலும் சில விபரங்களை சொல்லி கேட்டேன்..!
யாருக்கும் சரியா தெரியலை..!
என்னடான்னு நினைக்கும் போது,

அப்போ அங்க நின்னுகிட்டு இருந்த ஒருத்தர் "அந்த கால் நொண்டியா இருப்பாரே அவரு வீடுங்களா" ன்னு கேட்டப்போ மனசு ரொம்பவே சங்கடமாயிடுச்சு.!
ஆமாங்கற மாதிரி தலைய மட்டும் ஆட்டினேன்..!

உடனே அவரு "கால் நொண்டியா இருப்பாரு.. Scooty ல போவாருன்னு முதல்லையே கேட்க வேண்டியது தானே..! அது விட்டுட்டு

அவரோட மத்த ஜாதகமெல்லாம் சொல்றீயே"ன்னு ரொம்பவே சலிச்சுக்கிட்டாரு.!

"ஒருத்தரை அவருடைய ஊனத்தை வைத்து அடையாளப்படுத்த கூடாதேன்னு தான்.. இவ்வளவு துரம் கேட்டேன்.நெசமாவே அவரு நல்லா இருந்திருந்தா
'அவரின் மத்த ஜாதக விபரங்களை'
வச்சு தானே விசாரிச்சிருப்போம் ன்னு கொஞ்சம் காட்டமே கேட்டுட்டேன்

"உன்ட்ட இருந்து இந்த அட்வைஸ் கிட்வைஸ் லாம் வேற கேட்கனுமா.. இனிமே நான் எவனுக்கும்..அட்ரஸ்சே சொல்றதில்ல" ன்னு, கடுப்புல சொல்லிட்டு அந்த மனிதர் அங்கிருந்து என்னை முறைத்த படியே நகரும் போது..
"சொல்றதும் சொல்லாததும் உங்க விருப்பங்க..!" என அந்த உரையாடலுக்கு முற்றிப்புள்ளி வைத்தேன்..!

"அவருதான் வேகமா பேசுறாருன்னா, நீயும் யேன் தம்பி பதிலுக்கு பதில் பேசுற.. விடு" என முடிந்து போன விஷயத்திற்கு சுபம் எழுதி நிறைவு செய்தார் ஒரு வயதில் பெரியவர். பிறகு வீட்டையும் காண்பித்து விட்டு சென்றார்..!

ஆனால், அந்த நபரின் பேச்சு பல நாட்களாக என் மனதை உறுத்திக் கொண்டே இருந்தது..!

இந்த சம்பவம் நடந்து ஒரு ஆறு மாசத்துல ஒரு பெரிய சமூக மாற்றம் நடந்தது..!
அப்போ முதல்வராக இருந்த கலைஞர்
"உடல் ஊனமுற்ற அனைவரும், மாற்றுத் திறனாளிகள் என அழைக்கப்படுவார்கள், இனி அரசின் அனைத்து துறைகளிலும் இது முழுமையாக செயல்படுத்தப்படும்"
என சட்டம் இயற்றினார்.!😊

ஏதோ நம்ம வேண்டுதல் நிறைவேறின மாதிரி ஒரு உணர்வு..!

உடனே அப்போ எல்லா பஸ்லையும்
"ஊனமுற்றவர்களுக்கான இருக்கை" அப்படிங்கறதை அழிச்சிட்டு "மாற்றுத்திறனாளிகளுக்கான இருக்கை"
அப்படின்னு மாற்றினாங்க..!
பார்க்கவும், படிக்கவும் ரொம்ப மகிழ்ச்சியா இருந்துச்சு..!

They Are Not Disabled,
They Are Differently Abled ..! 😊

அவர்களுக்குத் தேவை நமது அனுதாபமோ அல்லது பரிதாப பார்வையோ அல்ல..
தேவை நமது
அன்பும்,
ஆதரவும்,
அரவணைப்பும்..!😊

#NivaThreads