Thread by @ShafiqU29718249

جنرل ریٹائرڈ عاصم باجوہ کا چار صفحات کا بیان امریکہ میں اربوں روپیہ کے اثاثوں کے جواز کیلئے کافی سمجھا گیا کیوں ؟یہ ملک اور یہ پاک فوج چند لوگوں کی ملکیت ہے '
فوج کے سربراہ ایٹمی پاکستان کے محافظ ہیں
1

ادارہ کی عزت اور وقار کی حفاظت انکا فرض ہے ، وہ خود سے سوال کریں ،کیا ایک ریٹائرڈ جنرل کے اثاثوں کا جواز صرف چار صفحات مناسب جواز ہے
نئے افسران کو آرمی چیف پیغام دیتے ہیں کہ
"آپ ینگ لیڈر ہیں "
نہیں جناب فوجی افسر لیڈر نہیں صرف سپاہی ہوتا ہے ۔خود آپ بھی لیڈر نہیں صرف سپاہی ہیں
2

فوج کے سربراہ کہتے ہیں کہ ملک دشمن قوتیں پاکستان کے استحکام سے خوش نہیں ہم اس بیان سے متفق نہیں ۔پاکستان مستحکم نہیں بلکہ کمزور ہو رہا ہے اور مسلسل کمزور ہو رہا ہے ۔آپ تو خود سعودی عرب گئے تھے کہ قابل ادا رقم کی ادائیگی میں مہلت مل جائے
3

آپ کو بہت اچھی طرح خبر ہے کہ ادائیگیوں کے توازن میں نادہندگی کی تلوار لٹک رہی ہے
فوج کے سربراہ کس طرح ملکی استحکام کا اور دنیا کی بہترین فوج کا دعوی کر سکتے ہیں
پاک فوج کے جوان اور افسران ہمارے بھائی بیٹے ہیں وہ اسی مٹی کے بیٹے ہیں انکی جرات ،دلیری اور ڈسپلن پر ہم فخر کرتے ہیں
3

بار بار کی فوجی حکومتوں اور خارجہ و داخلہ پالیسوں پر ملکیت کی ضد نے ہماری فوج کی پیشہ ورانہ سبقت اور اہلیت کو متاثر کیا ہے ۔
4

فوج کے سربراہ نے کہا کہ آئین اور قانون کے تحت منتخب حکومت کی مدد جاری رکھیں گے ۔ بات یہ ہے کہ فوج آئین اور قانون کے تحت حکومت کا ماتحت ادارہ ہے تو پھر کس آئین اور قانون کے تحت حکومت کی مدد کرنے کا عزم ظاہر کیا جا رہا ہے ۔
5

پاکستان کا یہ وہی آئین اور قانون ہے جسکی عصمت دری ایک فوجی سربراہ جنرل ایوب خان نے اپنے بنائے ہوئے آئین کی خلاف ورزی کر کے کی
کیا یہ پاکستان کا وہی آئین اور قانون ہے جس کے متعلق جنرل ضیا الحق نے کہا تھا کہ کاغذ کے چند ٹکڑے ہیں جنہیں جب چاہوں پھاڑ کر پھینک دوں۔
6

کیا فوج کے سربراہ نے اس آئین اور قانون کی بات کی ہے جس کے متعلق انکے ماضی کے باس جنرل مشرف نے ایک غیر ملکی چینل کو انٹرویو میں محض کاغذ کے ٹکرے قرار دیا تھا ؟
پاکستان اب پہلے کی طرح نہیں چل سکتا ۔ضد اور انا چھوڑ کر سچ مچ کے آئین اور قانون پر عمل کرنے کی ضرورت ہے
7

لوگ اہم نہیں پاکستان اہم ہے اور فوج بطور ادارہ اہم ہے ۔عہدیدار ریٹائر ہو جاتے ہیں اور آجکل نئی رسم کے مطابق بیرون ملک منتقل ہو جاتے ہیں ۔پاکستان سے محبت ہے تو نئے فوجی افسران کو ینگ لیڈر نہیں بلکہ سپاہی بنائیں ۔
8

مٹی سے وفا کا تقاضا ہے کہ ریٹائرڈ فوجی افسران کے بیرون ملک منتقل ہونے پر پابندی لگائیں کہ انکے سینے میں ملکی سلامتی کے متعلق راز چھپے ہوتے ہیں ۔
حب الوطنی کہتی ہے کہ اعلی فوجی افسران کے بیوی بچوں کے مغربی ملکوں کی شہریت اور کاروبار پر پابندی لگائیں ۔
9

معاشی بحران سب کچھ کھا جائے گا ۔معاشی بحران تو سوویت یونین کی خوفناک فوج کے باوجود اس کو کھا گیا تھا ۔افغانستان کی تزویراتی گہرائی کا ڈرامہ بھی ختم ہو گیا کہ ماضی کے حلیف جن کے پیسوں پر آپ افغانستان کو پانچواں صوبہ بنانے چلے تھے اب دور ہو چکے ہیں
10

مذہب کو بطور ایندھن استمال کرنے کا خمیازہ یہ ہے کہ بے بس اور مجبور پاکستانی قوم بھگت رہی ہے ۔نوجوان جنونی اور انتہا پسند بن رہے ہیں ۔وہ پاکستان میں بھی کافر کا نعرہ لگا کر قتل کرتے ہیں اور بیرون ملک بھی اور سزا معصوم تارکین وطن پاکستانیوں کو ملتی ہے
پاکستانی قوم پر مہربانی کریں

ریاست کا حلیہ بگاڑ دیا گیا ہے ۔دنیا ہمیں دہشت گردی کے حوالہ سے جانتی ہے اور فوج کے سربراہ کہتے ہیں پاکستان مستحکم ہو رہا ہے
پاکستان بتدریج ٹوٹ رہا ہے ۔اندر سے کمزور ہوتا جا رہا ہے ۔چوریاں ،ڈکٹییاں اور ہر طرح کے جرائم میں اضافہ سول وار کی ابتدائی علامتیں ہیں ۔اس ملک کو بچائیں
12

بلوچوں ،پختونوں ،سندھیوں اور پنجاب کی لیڈر شپ کو غدار کہنا چھوڑیں ۔قومی اتحاد اور یکجہتی سے درپیش چیلنجز کا مقابلہ کریں ۔نیا سوشل کنٹریکٹ کریں ۔ضد اور انا پر قائم رہے تو کسی کے ہاتھ کچھ نہیں آئے گا .
13