Thread by @zahida_rahim

1981میں جب وائیجر1اپنا بنیادی مشن مکمل کرکےسیّارہ زحل کےپاس سےگزر رہاتھا،توناسا کےماہرِفلکیات،کارل سیگن نےیہ آئیڈیاپیش کیاکہ اس طیارےکارُخ گھماکرزمین کی ایک تصویراتاری جائے۔سیگن کاکہناتھاکہ یہ تصویر
سائنسی مطالعےکےلیےنہیں ہوگی۔لیکن اس تصویرکےذریعےکائنات میں زمین کی موجودگی+1/13

کادرست تناظر(perspective) میں اندازہ لگایاجاسکےگا۔کم وکم و بیش نوسالوں تک تصویر
کھینچنےکایہ معاملہ مختلف وجوہات کی بناپرتاخیرکاشکار ہوتارہا،لیکن آخرکار14فروری
1990میں تقریباًساڑھےچھ ارب کلومیٹرکےفاصلےسےزمین کی تصویراتارلی گئی۔اس تصویرکو دیکھیں توایسالگتاہےکہ ایک گہرے بھورے+2/13

اورسیاہ رنگ کاکینوس ہے۔جس پر روشنی کی۔کچھ لہریں رقصاں ہیں۔یہ سورج کی قربت کی وجہ سے تھا۔ارب ہاارب پرپھیلا
خلائےبسیط اس تصویرمیں
سمٹ آیا ہےاس تصویر میں بھورے رنگ کے بینڈ پر ایک اعشاریہ 12پکسل کامدھم نیلا نقطہ دکھائی دیتاہے۔ یہ مدھم نیلا نقطہ ہماری زمین ہے۔کارل سیگن نےاس ۔۔+3/13

اس تصویر پرجولازوال تبصرہ کیا وہ پڑھنےکےلائق ہے۔کارل سیگن کہتےہیں۔
"دُورکےاِس مقام سےزمین شاید کسی خاص دلچسپی کاباعث نہیں ہو گی۔لیکن ہمارےلیےیہ معاملہ مختلف ہے۔اُس نقطے پردوبارہ غور کریں۔وہ نقطہ یہاں ہے۔وہ نقطہ ہماراگھر ہے۔وہ نقطہ ہم ہیں۔وہ تمام لوگ جوآپ کوعزیزہیں، جنہیں۔۔+4/13

آپ جانتے ہیں جن کےبارے میں آپ نےکبھی سناہروہ انسان جوکبھی بھی تھا۔ان سب نےاسی نقطےپراپنی زندگی گزاری۔ہماری تمام مسرتوں اوررنجوں کا
مجموعہ،ہزاروں پُر یقین مذاہب، نظریات، اور معاشی عقائد،
ہرشکاری اورمتلاشی،ہر بہادر
اوربزدل،تہذیبوں کاہربانی اور تخریب کار،ہربادشاہ اورفقیر،ہر۔۔+5/13

محبت کرنےوالا،تمام والدین پرامید بچہ،موجداور محقق اخلاقیات کاہراستاد،ہر سیاستدان
،ہر"سُپر سٹار"،ہر"عظیم لیڈر"،ہر درویش اورعاصی جو بنی نوعِ انساں میں گزرا،سب اُسی مقام پرزندہ رہے۔شمسی شعاع میں معلق گردکےایک دھبے پر۔زمین کائنات کےوسیع میدان میں موجود ایک بہت چھوٹا ساسٹیج ہے۔+6/13

خون کےان دریاؤں کےبارےمیں سوچیےجوان تمام جرنیلوں اورحکمرانوں نےمحض اس لیےبہا دیےتاکہ وہ اپنی فتح اورعظمت کےاحساس میں مبتلاہوکراس نقطےکےایک چھوٹےسےحصےکے وقتی مالکان بن سکیں۔اُن لا محدود مظالم کےبارےمیں سوچیے جواِس 12پِکسل کےایک کونےکے باشندوں نےکسی دوسرےکونےکے باشندوں پر۔۔+7/13

ڈھادئے،انکےاختلاف کتنے زیادہ ہیں ایک دوسرےکومارڈالنےکےلیے
یہ کتنےبےتاب ہیں،انکی نفرتیں کس قدرشدیدہیں۔ہمارےپُرنمود رویے،ہماراخیالی احساسِ اہمیت
یہ خوش فہمی کہ ہم کائنات میں کوئی اعزازی مقام رکھتےہیں،ان سب کومدھم سی روشنی کایہ مقام چیلنج کرتاہے۔ہماراسیّارہ کائنات کی عظیم۔۔+8/13

اورلپیٹ لینےوالی تاریکی میں ایک تنہاذرہ ہے۔ہماری گُمنامی کےاس عالم میں،اس تمام وسعت میں، کہیں کوئی اشارہ نہیں ہےکہ ہمیں خوداپنےآپ سےبچانےکےلیےکسی اورجگہ سےمددپہنچےگی۔زمین ابھی تک وہ واحدمعلوم دنیاہے جہاں زندگی موجودہے۔کم ازکم مستقبل قریب میں ایسی کوئی جگہ نہیں ہے۔+9/13

جہاں ہماری نسل ہجرت کرسکے۔آپ کو یہ بات پسند آئےیا نہ، لیکن فی الوقت زمین ہی ہماراٹھکانہ ہے۔کہاجاتاہے کہ فلکیات کاعلم آپ کوعاجزی سکھاتااورآپ کے
کردارکی تعمیرکرتاہے۔انسانی تکبر کی نادانیوں کاغالباًسب سےبہترین مظاہرہ ہماری ننھی سی دنیاکی اس تصویرکےعلاوہ اورکوئی نہیں ہے۔میرے+10/13

خیال میں یہ تصویرہماری اس ذمہ داری کونمایاں کرتی ہے کہ ہم ایک دوسرے کے ساتھ زیادہ خوشدلی سے پیش آئیں،اور اس مدھم سےنیلےنقطےکوعزیز رکھ کر اس کی حفاظت کریں،کہ یہی وہ واحد گھر ہےجسےہم جانتے ہیں"۔کارل سیگن کا تبصرہ پڑھنے کے بعداندازہ ہوتاہےکہ سیگن کایہ کہنابالکل درست تھاکہ ۔+11/13

انسان کےperspectiveکو
درست کرنےکےلیےاس تصویرسے بہتراورکوئی مثال نہیں ہے۔
ہمیں اپنامحاسبہ کرنےاوراپنی ترجیہات پرنظرثانی کی اشد
ضرورت ہےغورکریں کہ کیاھم ابھی پتھرکےدورمیں تونہیں جی رہے؟کیاابھی بھی ایسےعقیدوں اورایسےنظریات کےغلام تونہیں جومحض خوف اورلاعلمی پرمبنی ہیں۔؟اور۔۔۔+12/13

انھی عقائدونظریات اورتوہمات کی بناپردوسرےانسانوں کوکمتر
سمجھتےہیں۔قدیم زمانوں اور اباؤاجدادسےسینہ بہ سینہ ھم تک پہنچی کہانیوں کی بناپرانسانی جان لینےاوردینےکوہی اپنی بقا سمجھتےہیں۔کیاایساتونہیں کہ وقت توکئی صدیاں آگےبڑھ گیا
ہواورھم زمانہ قدیم کےکسی ایک زمانےمیں رک گئےہوں؟
13/13