Thread by @kashifch

چوبرجی اورشہزادی زیب النساء بیگم المتخلص بہ مخفی
حصہ ٴ اول
__________
میرا بچپن لاہور کے علاقے سمن آباد میں گزرا اور چوبرچی کے آگے سے گزرانا ایسا ہی تھا کہ محلے کی دکان کے آگے سے گزرنا، لیکن یہ خیال ہمیشہ ذہن میں رہا کہ یہ کیا عمارت ہے۔

Insets: Chauburji Lahore

اینٹ سیمنٹ کے ڈھیر میں ایک خوشنماء عمارت جیسےکسی زنگ آلودہ لوہے کے تاج میں جَڑے روشن نگینے کی ماند۔

چوبرجی، نام چار بُرج یا مینار کے حوالے سے ہے، اصل میں اس شاندار باغ کا صدر دروازہ تھا جس کو شہزادی زیب النساء بیگم المتخلص بہ مخفی دخترِ نیک اخترشاہ عالمگیر نے لاکھوں روپے

میں بنوایا تھا۔ اگرچہ کچھ حوالے اس کی تعمیر کے شاہ جہاں کی دخترِعزیز جہاں آرا بیگم یعنی بیگم زیب النساء کی پھوپھی کی طرف بھی جاتے ہیں مگر رائے بہادر کنہیا لال کی رائے میں اس کی بانیہ زیب النساء بیگم ہی ہیں اور زیبندہ بیگم دوراں اور زیب النساء دنوں ایک ہی نام ہیں۔

زیب النساء نے اس کی تعمیر مکمل ہونے پراسے اپنی دایہ مینا بائی کو بخش دیا تھا۔من بعد راوی کے بھپرتے پانی جب لاہور کے قریب آ گئے اور اس شہر کی ہزاروں شاندارعمارتوں کو نگلتے تھے، یہ باغ بھی لقمہٴ راوی بن گیا۔ عمارت مضبوط تھی بچی رہی اگرچہ دریا جاتے جاتے ایک برج بھی نگل گیا۔

اگرآج عمارت کوغور سے دیکھیں تو ایک مینار گوشہ شمال مغرب میناکاری سے مبرا نظر آتا ہے جسے بہت بعد میں تعمیر کیا گیا ہے۔ اگرچہ سکھی وقت میں اور بھی دیواریں وعلامتیں اس کی باقی تھیں مگر اب اس دروازے کے کچھ بھی باقی نہیں رہا۔

دو منزلہ عمارت میں اکژ کانسی کاری نظر آتی ہے۔

صدر دروازے پر ایک کتبے پہ آیت متبرک " آیت الکرسی" بہ خطِ عربی تحریر ہے۔

دوسرے کتبہ پر فارسی کا شعر جو مکمل نہیں پڑھا جاتا یوں ہے

بنا پذیر شد ایں باغ روضہٴ رضواں
ّّّ____

بگشت مرحمت ایں باغ بر مینا بائی
زلطفِ صاحبِ زیبندہ بیگم دوراں

#Lahore
please compile
@threadreaderapp