Thread by @savidhasasi

#SavidhaDiary

கவிதா..
மிகவும் புத்திசாலித்தனமான பெண். குழந்தைப்பேறுக்காக, பல வருடங்களாக முயன்று, சவிதாவில் செயற்கைக் கருத்தரிப்பு மூலமாக, இரட்டையர்களைக் கருத்தரித்து, கர்ப்ப காலத்தின் தொடக்கத்திலிருந்தே ஏற்பட்ட பல்வேறு மருத்துவப் பிரச்சினைகளை சமாளித்த தைரியம் மிகுந்த பெண்..
1/n

ஏழு மாத முடிவில், (முப்பது வாரங்கள்) கர்ப்ப கால உயர் இரத்த அழுத்தம், கர்ப்ப கால சர்க்கரை நோய் மற்றும் அதிக நீர் சுரப்பு ஆகிய காரணங்களால், அவசர சிசேரியன் அறுவை சிகிச்சை மூலம், ஒரு ஆண், ஒரு பெண் என இரட்டையர்களைப் பெற்றெடுத்தாள் கவிதா..
2/n

குறைகாலப் பிரசவம், குறைந்த எடைக் குழந்தைகள் என்பதால், இரண்டு குழந்தைகளுக்கும், Neonatal Intensive Care Unit (NICU) என்ற பச்சிளம் குழந்தைக்கான தீவிர சிகிச்சைப் பிரிவில் உடனடியாக சிகிச்சை தொடங்கப்பட்டது..
3/n

கவிதாவின் அறுவை சிகிச்சையின்போது,
"மேம்..
ட்வின்ஸ் பத்தி கொஞ்சம் சொல்லிக் கொடுங்க.." என்ற உதவி மருத்துவரின் வேண்டுகோளுக்கு இணங்கி, இரட்டைக் கர்ப்பம் பற்றி ஒரு சிறிய பாடம் அன்று அறுவை அரங்கில்..
4/n

"இரட்டைக் கர்ப்பம் இரண்டு வகைப்படும்..
பெரும்பாலும் நாம பாக்கறது, வேறுபாடுள்ள இரட்டைக் குழந்தைகள்ன்னு சொல்லப்படற
Dizygotic Twins தான்..
இதுல, இரண்டு கருமுட்டைகள் + இரண்டு விந்தணுக்கள் தனித்தனியா கூடறதால இரட்டை கர்ப்பம் உருவாகுது..
5/n

இதுல அம்மாவோட கருவறைக்குள்ள தனித்தனி ரூம்ல வளர இரண்டு குழந்தைகளுக்கும் அதுக்கான இடம், உணவு, இரத்த ஓட்டம் எல்லாம் தனித்தனியா கிடைக்கணும்ங்கறதுக்காக அம்மாவோட கருவறை, இயற்கையிலயே இரண்டாப் பிரிஞ்சு, அழகா இடம் பண்ணிக் கொடுக்குது..
கவிதாக்கும் இந்த வகை கர்ப்பம் தான்..
6/n

இன்னொரு வகை..
இங்கே இரண்டு குழந்தைகளும்,ஒரே போல இருக்கும் இரட்டையர்கள்ன்னு சொல்லப்படற Monozygotic Twins..
இங்கே ஒரு கருமுட்டை + ஒரு விந்தணு கூடி உருவாகற ஒரு கரு, இயல்புக்கு மாறா இரண்டாப் பிரியறதால இரட்டைக் கர்ப்பம் உருவாகுது..
7/n

ஆனா இந்தவகை கர்ப்பத்தில, அம்மாவோட கருவறையில இரண்டு குழந்தைகளும் தனித்தனி ரூம்ல இல்லாம, ஒன்னாவே வளரும். அதனால தன்னோட உணவு, இடம், இரத்த ஓட்டம்னு எல்லாத்துக்கும் இரண்டு குழந்தைகளும் சண்டை போடும்.
அதனால பல பாதிப்புகளும் ஏற்படலாம்" என்றபடி அறுவை அரங்கில் அன்றைய வகுப்பை முடித்தேன்.
8/n

கவிதாவின் குழந்தைகள் பிறந்த ஆறாவது நாளாக இன்று, தீவிர கண்காணிப்பில் இரண்டு குழந்தைகளும் நன்கு தேறி வர..
"மேம்.. கொஞ்சம் NICU வாங்க.." என அவசர அழைப்பு விடுத்தாள் ட்யூட்டி நர்ஸ்..
உடைகளை மாற்றிக் கொண்டு, உள்ளே சென்றால், அங்கு ஒரு பெரிய ஆச்சரியம் காத்திருந்தது..
9/n

கவிதாவின் இரு குழந்தைகளும் ஒன்றின் மேல் ஒன்று கைகளையும், கால்களையும் போட்டபடி, ஒன்றை ஒன்று
அணைத்துக் கொண்டு உறங்கிக் கொண்டிருந்தன..
10/n

"மேம்..
நீங்க தானே, Dizygotic twins வேற வேற ரூம்ல வளரும்ன்னு சொன்னீங்க..
இப்ப பாருங்க..
இரண்டு பேரும்
ஒரே ரூம்ல ஒன்னோட ஒன்னு சண்டைப் போட்டுட்டு இருக்காங்க
அதுலயும், பொண்ணு ரொம்பச் சுட்டி..
பையனைக் கிள்ளி வைச்சுட்டா..
ஆனா, அடுத்த நிமிஷமே அணைச்சுட்டு தூங்கிட்டா.."
11/n

என குதூகலித்த அந்த செவிலியரிடம் சிரித்தபடி நான் சொன்னேன்..
"அதான் வெளியே வந்துட்டாங்க இல்லடா..
இனி நம்மளை எல்லாம் சமாளிக்கணும்னா சண்டையும் போடணும், பின்ன சமாதானமும் ஆகணும்ன்னு புரிஞ்சுட்ட புத்திசாலிக் குழந்தைங்க.." என்றேன்..
12/n

இன்று உலகப் பச்சிளம் குழந்தைகள் தினம்...
Together for babies born too soon..
Caring for the future..
என்ற தலைப்பில், பிறக்கும் பச்சிளம் குழந்தைகளைக் காக்க மருத்துவ உலகம் அனைவருக்கும் அழைப்பு விடுத்துள்ளது..

"இந்த கோவிட் தொற்று காலத்தில நம்மளை முதல்ல காப்பாத்திக்குவோம்..
அப்பறமா இதெல்லாம்.." என்பவர்களுக்கெல்லாம் பதிலளித்துச் செல்கின்றன ஒன்றை ஒன்று அரவணைத்துக் கொண்டு வாழும் இந்த இரு பச்சிளம் குழந்தைகளும்...
n/n

#November17

@minimeens
@_thara__
@mymindvoice
@MrElani
@Raittuvidu
@Anand71
@bavithrama
@Chandhraka
@chevazhagan1
@erode_kathir
@Elanthenral
@elavasam
@drloguortho1
@faseerjannath
@g4gunaa
@DrTRM
@Vandhana1810
@worldpeace42
@periyakulam
@subramaniangood
@