Thread by @AliBhattiTP

نوے 90 کی دہائی میں پیدا ہونے والے بچوں کے دکھ عجیب

آج 2020 میں تقریباً ہر وہ شخص جس نے اپنا بچپن یا بچپن کا کچھ حصہ ۹۰ میں گزارا ، عجیب سی جذباتی تنہائ یا اداسی کا شکار ہے ، ہم وہ ہیں جنہوں نے سب سے زیادہ وقت کی رفتار کو جھیلا ہے ،

ٹیکنالوجی ، جذبات اور اشیاء اس قدر تیزی سے بدلی کہ ہم کئی چیزوں کی انتہااور زوال کے گواہ ہیں
جیسے دادی ، نانی کے ہاتھ کی چوری سے پیزا تک کا سفر ، وہ چوریاں کب ماضی کا حصہ بنی ، سوچو تو ہوک اٹھتی ہے

کب چولہے کے گرد بیٹھ کر ، کوئلوں پر پیالی رکھ کر سالن کو گرم رکھنے کی کوشش کرتے ، توے سے روٹی اترنے کا انتظار آڑدر سرو ہونے کے انتظار سے جگہ بدل گیا
رات کو کپاس کے ٹینڈوں سے کپاس نکالتے

پورے گاؤں کے بچوں کا ٹی وی کے گرد ڈیرہ ، یا مغرب کے بعد گھر آنے کی بجاۓ لوئی لپیٹے بزرگوں کی برگد یا گاؤں کی کسی اکلوتی دکان کی بیٹھک فون کی گھنٹی یا ٹوئٹر کی دنیا میں ضم ہوئی اور تو اور فون خود گول گول نمبر گھما کر

ڈائل کرنے سے وائرلیس ٹچ سکرین ہوا ، کمپیوٹر پر فون کی تار لگا نیٹ کونیکٹ ہونے کی خوشی کب کھوئی وہ تو الگ کہانی ہے
مگر کب چاول کھیر بننے پر ہمسایوں کے گھر پلیٹ میں ڈال دینے جانے کی خوشی

عید پر مل کر مہندی لگانے ، بنٹے کھیلتے ہوۓ ہارنے پر اپنے بنٹے اٹھا کر دوڑ لگانا ، شام ہونے پر گلی میں باہر کھیلتے بچوں کا شور اور ماؤں کے کمر پر لگتے تھپڑ نو بےبی میں بدلے سب دیکھا تو ہے وقت کے ساتھ چلا تو ہے مگر دل وہیں کہیں عمرو کی

کہانی یا عمران سیریز میں اٹکا ہے ، ذہن سے سوچنے والوں کا دل آج بھی ہیر میں اٹکتا ہے سیدھی بات کرنے میں عافیت سمجھنے والے آج بھی شعروں کی زبان کی چاشنی نہیں بھول پا رہے
ہم ایک دور سے دوسرے میں آتے آتے بچپن

اور خوشی ۹۰ اور 2000 کے ابتدائی سالوں میں ہی چھوڑ آئے ہیں وقت کے ساتھ چلنے کی دوڑ میں اپنا دل وہی کہیں گرا کر اب بڑے خالی سے لفظوں ، ذمہ داریوں اور فلسفوں میں پناہ

ڈھونڈ رہے ہیں ہم بیچارے ۹۰ کے بچے دو دنیاؤں کے بیچ کسی برزخ میں اٹکے ہیں.

مختصر معلوماتی اسلامی اور تاریخی اردو تحریریں پڑھنے کیلئے
دوسرا اکاؤنٹ فالو کریں 👈 @Pyara_PAK

ہمارا فیس بک گروپ جوائن کریں ⁦👇👇
bit.ly/2FNSbwa