Thread by @PunjabiComrade

مالک مووی کا وہ ڈائلوگ سونے کے پانی سے لکھنے والا ہے,
"شاید یہ کسی کا انتظار کر رہے ہیں کہ کوئی آئے گا اور سب کچھ ٹھیک کردے گا"
ماسٹر کا بیٹا پوچھتا ہے: "کون آئے گا"؟
ماسٹر: | کوئی نہیں آئے گا,.
جس دن عوام نے سمجھ لیا کہ اس ملک کو ٹھیک کرنے کے کوئی

آخری امید نہیں اسے ٹھیک کرنے کے لیے سب کچھ ٹھیک کرنا پڑے گا اس دن یہ ملک خودکار طریقے سے سدھرنا شروع ہو جائے گا

دو طریقے ہیں: ایک یہ کہ ایسے حکمران لائے جائیں جو ہم عوام سے بھی زیادہ اچھے ہوں یعنی جو محب وطن ہوں ذہین ہوں خوددار ہوں نظریہ پاکستان کے رکھوالے ہوں بے ایمانی کو کفر

سمجھتے ہوں ملا اور لبرل کو اپنی حد کراس نا کرنے دیتے ہوں پاکباز ہوں غیرت مند ہو اسلام کے بنیادی نظریے کو سمجھتے ہوں گزرے ہوئے بادشاہوں کی بجائے خلفائے راشدین کو اپنا آئیڈیل سمجھتے ہوں اقلیتیوں کو کیڑے مکوڑوں کی بجائے اپنے ملک کا برابر کا حصے دار سمجھتے ہوں لبرل اداروں کی ترویج

کی بجائے حقیقی اخلاق کے داعی ہوں اور سب سے بڑھ کر قوم کو سچے تفاخر میں مبتلا کرنے والے ہوں,

دوسرا طریقہ: موچی 10 روپے میں جو جوتا سی کر دے اسے اس نیت سے سیئے کہ صاحب جوتا کو دوبارہ اسے سلونے کے لیے نا آنا پڑے, سکول ماسٹر سرکار سے جو فیس بچوں کو پڑھانے کے لیے لے اسے ہی اپنا

حقیقی رزق سمجھے اور صرف اس لیے بچوں کو کم نا پڑھائے کہ میں نے ٹیوشن سے ماہانہ ایک لاکھ یا دو لاکھ ضرور کمانا ہے, ڈاکٹر سرکاری ہسپتال میں اپنی ڈیوٹی کو اپنی نفلی عبادت سمجھے اور سرکاری ہسپتالوں میں غریبوں کا علاج صرف اس وجہ سے جان بوجھ کر کوتاہی نا کرے کہ یہ لوگ میرے

پرائیویٹ کلینک پر مجھے لاکھوں روپے سے نوازیں نیز میڈسین کمپنیز سے ٹیوٹا کرولا گاڑی لے کر غیر معیاری دوائیاں نسخوں پر نا لکھے, جرنیلوں کی نیت ہو کہ سویلین بھی اسی ملک کی مخلوق ہیں اور ہمارے جیسے ہی لوگ ہیں یہ بھی ہمارے جیسے ہی محب وطن بن سکتے ہیں اگر ان کی حقیقی تربیت کی جائے,

وکیل کی نیت ہو کہ میں نے صرف سچ بول کر کمائی کرنی ہے وکیل کے منشی کی نیت ہو کہ میں نے صرف وکیل سے ہی تنخواہ لینی ہے اشٹام فروش کو پتا ہو کہ میں نے صرف اشٹام فروخت کرکے ہی روزی کمانی ہے اوتھ آفیسر کو پتا ہوکہ میرا دستخط اس لیے معتبر ہے کہ میں حکومت کا ملازم ہوں اور میرا رزق صرف

اللہ کے ذمے ہے, ڈومیسایل بنانے والے آفیسر کی نیت ہوکہ میں نے صرف 100 روپے سرکاری فیس ہی وصول کرنی ہے, پاسپورٹ آفس کے آفیسر کی نیت ہو کہ میں نے صرف وہی تنخواہ لینی ہے جو میرا حق ہے نا کہ باہر بیٹھے ہوئے ایجنٹ سے ساز باز کرکے عوام کو ذلیل کرکے پیسہ کمانا ہے, بنک لون دینے والے افسر

کی نیت ہو کہ میں نے صرف حق دار کو قرضہ پاس کرنا ہے نا کہ لاکھوں لے کر صرف علاقے کے مگر مچھ زمینداروں کو قرضہ دینا ہے, اکاؤنٹ آفس والے بیوروکریٹ کو پتا ہو کہ اکاؤنٹ میں ڈنڈی مار کر سیاستدانوں کو کروڑوں کا فائدہ پہنچا کر کرپشن کرنے سے میں ملک کا بیڑا غرق کررہا ہوں ٹریفک وارڈن کی

نیت ہو کہ میری ڈیوٹی صرف قانون نافذ کرنا ہے نا کہ دیہاڑی لگانا, تھانے میں بیٹھے انسپکٹر کو پتا ہو کہ وہ عوام کا ملازم ہے سیاستدان کا نہیں, پولیس والے عام سپاہی کی نیت ہو کہ میرا کام جرائم کی روک تھام ہے نا کہ حرام خوری, بلڈر یا مستری کی نیت ہو کہ میرا اصل رزق محنت کی کمائی ہے ھڈ

حرامی کرکے کمایا گیا پیسہ نہیں, ریڑھی بان کی نیت ہو کہ تازہ فروٹ دکھا کر داغی فروٹ فروخت کرنے سے اس کا محل کبھی نہیں بنے گا, حکیم کو پتا ہو کہ لوگوں کو مردانہ کمزوری کے ڈر میں مبتلا کرکے کمایا گیا پیسہ طوائف کی کمائی کی طرح ہے, اخبارات کے ماالکان کی نیت ہو کہ ہم نے قوم کی تربیت

کرنی ہے اور سچ عوام تک پہنچانا ہے نا کہ صرف حکومتوں کے کاسہ لیس بننا ہے, میڈیا ہاؤسز کو پتا ہو کہ ان کا کام قومی مفاد کا تحفظ ہے نا کہ ذاتی مفاد کا, غرض ہر ہر بندے کو سدھرنا پڑے گا جو کہ نا تو اتنا آسان ہے اور نا ہی بغیر قانون کے ڈر کے ممکن ہے, اس لیے آجا کر بات یہیں ختم ہوتی ہے

کہ ہم اپنے سے بہتر حکمران ڈھونڈھنا شروع کردیں, اس مقصد کے لیے سب سے پہلے یہ تسلیم کرنا ہوگا کہ ہم اس وقت ہر شعبہ زندگی میں اپنا خدا جائز یا ناجائز کسی بھی طریقے سے دولت کے حصول کو بنا چکے ہیں, اس کے بعد اجتماعی توبہ کرکے خود کو ٹھیک کرنے کی نیت کے ساتھ ملک کو ٹھیک کرنے کی نیت کر

لیں اور ایسے لوگوں کو آگے لائیں جو ہم پر ایک سخت قانون نافذ کریں اور صحیح معنوں میں ہمارے ملک کو کرپشستان سے پاکستان بنائیں,..

📝راناعلی

@threader_app @threadreaderapp compile please