Thread by @angry_birdu

சென்னை உயர்நீதிமன்றத்தில் இன்னும் ஏன் தமிழ் அலுவல் மொழியாக இல்லை?

சென்னை உயர் நீதிமன்றத்தில் தமிழை அறிமுகப்படுத்த, 2006ஆம் ஆண்டு கலைஞர் ஆட்சியில் சட்டசபை தீர்மானம் நிறைவேற்றப்பட்டு குடியரசு தலைவர் ஒப்புதலுக்காக அனுப்பி வைக்கப்பட்டது. ஆனால்….

cms.tn.gov.in/sites/default/…

அப்போதைய தலைமை நீதிபதி அதற்கு மறுப்பு தெரிவித்ததால் குடியரசு தலைவர் ஒப்புதல் கிடைக்கவில்லை.

முடிவை மறுபரிசீலனை செய்யுமாறு கேட்டு, 2007ஆம் ஆண்டு கலைஞர் அனுப்பிய கடிதத்தில் இந்த தகவல் இருக்கிறது.

cms.tn.gov.in/sites/default/…

குற்றவியல் நீதிமன்றங்களில் சாட்சியங்களை பதிவு செய்ய 1969ஆம் ஆண்டு முதல், தமிழ் மொழியை பயன்படுத்தலாம் என்று அரசாணை எண்: 2807 மூலம் அப்போதைய திமுக அரசு உத்தரவிட்டது.

தமிழக அரசின் அதிகார எல்லையில் இருப்பதால் குற்றவியல் நீதிமன்றங்களில் இதை ஒரு அரசாணை மூலம் எளிதாக செய்ய முடிந்தது.

குற்றவியல் நீதிமன்றங்களில் தீர்ப்புகளையும் தமிழில் வழங்கலாம் என்று, 1976ஆம் ஆண்டு, கலைஞர் ஆட்சியில், அரசாணை எண் 10 மூலம் உத்தரவு பிறப்பிக்கப்பட்டது.

1994ஆம் ஆண்டு நடந்த ஒரு வழக்கின் தீர்ப்பில் இந்த விவரங்கள் இருக்கிறது.

casemine.com/judgement/in/5…

இவை அனைத்துக்கும் அடித்தளம், 1967ஆம் ஆண்டு, பேரறிஞர் அண்ணாவின் ஆட்சியில் அமைக்கப்பட்டது.

நீதிமன்றங்களில் தமிழை பயன்படுத்த வேண்டுமென்றால் முதலில் சட்ட சொற்கள் தமிழில் வேண்டும் என்று முடிவு செய்து "சட்டத் தமிழ் சொற்பொருட் களஞ்சிய நூல்" வெளியிடப்பட்டது.

annavinpadaippugal.info/sorpozhivugal/…