Thread by @PunjabiComrade

#garrisonstate
ساتویں قسط
پنجاب کی ایک نیم فوجی ریاست میں تبدیلی :
1917 میں ملیریا کی وبا پھیلی جسکی زد میں آنے والے بیشتر افراد کی عمریں فوج میں بھرتی کے لیے درکار حد میں تھیں اس سے متصل ہی طاعون کی وبا پھوٹ پڑی جسکی وجہ سے کچھ مہینوں کے لیے بھرتی رک گئی لیکن جب جنگ نے مزید

ایندھن کا مطالبہ کیا تو انگریز نے جبری بھرتی کا آغاز کیا نتیجتاً ملتان ، مظفرگڑھ ، شاہ پور، اور جہلم کے دیہاتوں میں جھگڑے پھوٹ پڑے شاہ پور کے اعوانوں نے بھرتی نا ہونے اور دوسروں کو بھی اس سے منع کرنے کا عہد کر لیا لیکن قوموں کے مذکورہ بالا وڈیروں نے اس بغاوت کو ٹھنڈا کیا اور

حالات کو سنبھال کر انگریز کے حق میں پھیر دیا اس موقع پہ صورتحال کو قابو کرنے کے لیے ٹوانوں نے انگریز کو اپنے گھڑسوار بھی فراہم کیے
اپریل 1918 سے جون 1918 تک بھرتی رکی رہی جون میں جرمنی فرانس پر ایک بھرپور حملہ کرنے والا تھا اس سے دفاع کے لیے تاج برطانیہ کو فوری طور پہ پورے

ہندوستان سے پانچ لاکھ نفر درکار تھے جن میں ایک لاکھ اسی ہزار لڑاکے ہونے چاہیئیں تھے تاہم پنجاب سے محض بیس ہزار مہیا ہو پائے انگریز کے لیے یہ واحد طریقہ رہ گیا تھا کہ قوم کے بڑوں کو اعتماد میں لیا جائے واہ کے سکندر حیات خان ، شاہ پور کے عمر حیات خان ، اور گوجرانوالہ کے

صوبہ دار پال سنگھ کو ستمبر 1918 میں اعزازً بھرتی افسر مقرر کیا گیا دو ماہ بعد پنڈی کے ملک سردار خان اور اعزازی کپتان عجب خان آف اٹک کو بھی اعزازی بھرتی افسر بنا دیا گیا ہر طرح کے ہتھکنڈے استعمال میں لاتے ہوئے 1918 کے اپریل سے اکتوبر کے درمیان ستتر ہزار سات سو چھبیس (77726)

بھرتیاں ہو گئیں قریب تھا کہ بھرتیوں کے اس لامتناہی سلسلے سے حالات پھٹ پڑیں لیکن جنگ عظیم ختم ہو گئی جنگ کے اختتام تک پنجاب کے ہر چھبیس بندوں میں سے ایک بندہ جنگ میں شریک ہو چکا تھا
اس پورے عرصے نے فوج کی تابع سول انتظامیہ کو جنم دیا اور پنجاب کا معاشرہ فوجی ضرورتوں کو پورا کرنے

والی مشین کی حیثیت اختیار کر گیا یہ کہنا غلط نا ہو گا کہ پہلی جنگ عظیم نے پنجاب کو ایک نیم فوجی ریاست میں تبدیل کر دیا اور پنجاب کی تاحال یہ حیثیت قائم ھے
جنگ عظیم اول کا بحران ۔
اس جنگ کے نتیجے میں برصغیر سمیت تاج برطانیہ کی معیشت بیٹھ گئی مہنگائی میں اضافہ ہو گیا آٹا 47 فیصد

مہنگا یورپی کپڑا 175 فیصد ، مقامی کپڑا 100 فیصد مہنگا ، چینی 65 فیصد مہنگی ہو گئی ساتھ ہی نزلے کا وائرس پھیل گیا جس سے صرف پنجاب میں اڑھائی لاکھ لوگ مر گئے جنگ سے واپسی پر عارضی طور پہ بھرتی کیے گئے افراد کو فوری طور پہ فارغ کر دیا گیا اور انکو مراعات بھی انکی توقع سے کم ملیں

مشکل وقت گزار لینے کے بعد اب کوئی فوجی بھی فوج نہیں چھوڑنا چاہ رہا تھا لہٰذا نکالے جانے پہ احتجاج شروع ہو گیا بعض ایسے واقعات بھی ہوئے کہ فوجیوں سے جوتے کپڑے واپس لے کر کہا گیا کہ چوبیس گھنٹوں میں چھاؤنی سے نکل جائیں ورنہ پولیس کو بلایا جائے گا عمر حیات خان ٹوانہ نے فوجیوں کی طرف

سے یہ شکوہ جی او سی لہور کو جمع کرایا زمینوں کے جتنے وعدے کیے گئے تھے انکے مطابق زمین کم پڑ گئی تھی موقع سے فائدہ اٹھاتے ہوئے گاندھی نے ہورے ہندوستان میں مظاہروں کا آغاز کرا دیا پنجاب کے پانچ شہروں امرتسر لہور گوجرانوالہ گجرات اور لایلپور میں ایک نیا آمدن ٹیکس نافذ کیا گیا جسکے

خلاف بھی ردعمل سامنے آیا شروع میں پنجاب ان مظاہروں سے کٹا ہوا تھا لیکن جلیانوالہ باغ سانحے میں پولیس اور فوج کے ہاتھوں تین سو افراد کی ہلاکت کے بعد پورے پنجاب میں توڑپھوڑ شروع ہو گئی اور تحریک نے اتنا زور پکڑا کہ کئی جگہ پہ فوجیوں نے بھی فائرنگ کے احکامات پہ عملدرآمد سے انکار کر

دیا مسئلے سے نمٹنے کے لیے "پنجاب سولجر بورڈ" سے رجوع کیا گیا جو اسی سال جنوری میں تشکیل دیا گیا تھا یہ ایک سول فوجی مشترکہ ادارہ تھا جسکا اصل مقصد جنگ سے واپس آنے والے فوجیوں کے مسایل حل کرنا تھا اس بورڈ میں بھی انگریزوں کے علاوہ عمر حیات خان ٹوانہ ، سکندر حیات خان ، اور

مہدی شاہ آف گوجرہ شامل تھے
جاری ھے

@threadreaderapp @threader_app compile please